Marke 5:7 - MUKANDA WA MYIDI MUKULU

⁷ kuela diyi dikole ne: — Yezu Muana wa Mvidi Mukulu wa kulu, butudi nebe mbunganyi? Ndi nkusengelela mu dina dia Mvidi Mukulu, kunnyoki nansha!

Mukanda wa Nzambi Dihungila Dikulukulu ne Dihungila Dihia-dihia 2003

⁷ wakela dî diandi bikole ne, Wewe, Yesu, Muana wa Nzambi Mutambe Bunene wa mu diulu, ndi nʼebe bualu kai? Ndi nkutshihisha mu dina dia Nzambi ne, Kunkengeshi;

Marke 5:7 交叉引用

Matayi 8:29

Ke bobu kuela mbila ne: — Muana wa Mvidi Mukulu, butudi nebe mbunganyi? Udi mufike bua kutunyoka, diba kadiyi dianji kukumbana, bua tshinyi?

Bienzedi 16:17

Kutulondaye tuetu ne Polu, wela mbila ne: — Bantu aba mbena mudimu wa Mvidi Mukulu, Muena kulu! Badi banumanyisha munudi mua kupanda!

Yuda 1:6

Nuvuluke muvua batumibue ba Mvidi Mukulu bapetula muanzu uvuabu bapete, kabidi muvuabu bapatuka muaba uvuabu basombe. Ke mudi Mvidi Mukulu ubalama, basuika nkanu ya kashidi, mu miidima ya mu kandondu ka buloba, bua amone mua kubalumbuluisha dituku dinene dia Tshilumbuluilu.

Matayi 26:63

Kadi Yezu uvua amu mupuwe. Ke mutuangaji munene kukonka Yezu ne: — Mu dina dia Mvidi Mukulu udi ne muoyi, ndi nkulomba bua utuandamune, uditshipe. Udi Kristu, Muana wa Mvidi Mukulu anyi?

Didimanyisha 12:12

Nanku nuenu, diulu ne badi basombamu, tuayi tshianga! Kadi nuenu, buloba ne mayi manene, nudi bena diakabi! Bualu diabolu mmupueke kunudi. Udi ne tshiji tshikole, bualu udi mumanye mudi matuku ende mashale makese.”

Bienzedi 19:13

Bamue bena Yuda, bavua baya miaba yonsu bua kuipata mikishi mibi munda mua babeedi, bavua bidikija mua kutela dina dia Mfumu Yezu bua kuyipata. Bavua bambila mikishi mibi ne: — Mu dina dia Yezu, udi Polu ulongesha, ndi nnutumina diyi: patukayi!

Luke 8:28

Muntu awu umona Yezu, kuelaye lubila, udiela ku makasa ende, wamba ne diyi dikole ne: — Yezu, Muana wa Mvidi Mukulu Muena kulu, butudi nebe mbunganyi? Ndi nkusengelela ne: kunkengeshi to.

Marke 3:11

Pavua mikishi mibi imumona nanku, ivua ipona panshi ku makasa ende, yela mbila ne: “Udi Muana wa Mvidi Mukulu!”

Matayi 4:3

Diabolu kusemena kudiye, umuambila ne: — Pawikala Muana wa Mvidi Mukulu, ambile mabue aa andamuke mampa.

1 Yone 3:8

Muntu utshidi utungunuka ne dienza bibi, udi muntu wa diabolu, bualu diabolu mmuenze bibi biangatshile ku ntuadijilu. Kadi Muana wa Mvidi Mukulu mmumueneke panu, bua kubutula bidi diabolu muenze.

2 Petro 2:4

Bualu Mvidi Mukulu kena mufuile batumibue bavua benza bibi luse. Uvua mubele mu kandondu, mudiye mubalame mu lukanu mu miidima, too ne ku diba didibu ne bua kubalumbuluisha.

Marke 1:24

— Wewe Yezu wa mu Nazarete, udi musue kutuenzela tshinyi? Udi mulue kutubutula anyi? Ndi mumanye bimpe ne: udi wa Tshijila, Mvidi Mukulu mmukutume!

Matayi 16:16

Simone Petro kuandamuna ne: — Wewe udi Kristu, Muana wa Mvidi Mukulu udi ne muoyi.

Osheya 14:8

Bantu banyi nebapingane kundi, bua meme kubalama. Nebadime, banowe ntete ya kuenza bukula. Nebalambe bu mionji ya mvinyo. Nebikale ne lumu, bu mudi maluvu mimpe a mu Lebanone.

1 Bakalenga 22:16

Kadi, mukalenga Akabe kumukonka kabidi ne: — Ndi mua kukusengelela misangu bungi munyi bua wewe kungambila anu bualu bulelela, paudi wakula mu dina dia Maweja-Nangila?

Genese 3:15

Nenteke lukuna pankatshi pebe ne mukaji, pankatshi pa ndelanganyi yebe ne yende. Kabidi muana wa ku ndelanganyi ya mukaji neaboze mutu webe, wewe pebe neumusume ku tshikankanya.

Ebrewu 7:1

Melkisedeke ewu uvua mukalenga wa Saleme, kabidi mutuangaji wa Mvidi Mukulu Muena kulu. Pavua Abrahame ufuma ku mvita mumane kutshimuna bakalenga, Melkisedeke kuya kusambakena nende, kumuela kabidi lupemba.

Ebrewu 2:14

Padi bana aba, mudiye ubabikila, ne mubidi ne mashi, Yezu mene uvua mudienze bu bobu, mudisange nabu mu buntu buabu. Uvua muenze nenku bua ku lufu luende, amone mua kubutula diabolu, uvua ne bumfumu bua kushipa bantu.

Bienzedi 8:36

Baya too, kufikabu muaba uvua mayi. Muena Kushe kuambila Filipe ne: — Ke mayi aa. Tshidi tshikandika bua kuntuamu ntshinyi? [

Yowanane 20:31

Kadi bidibu bafundamu mbabifunde bua nuitabe ne: Yezu udi Meshiya, Muana wa Mvidi Mukulu. Kabidi panudi numuitaba, nenupete muoyi kudiye.

Luke 6:35

Kadi nangayi bena lukuna benu, benzelayi bimpe. Sombeshayi bantu bintu, kanuyi nutekemena ne: nebatupingajilebi. Nanku nenupete difutu dinene. Nenuikale bana ba Mvidi Mukulu Muena kulu. Bualu Yeye udi wenzela bena kadiwu, ne bantu babi, bimpe.

Luke 4:34

— Akia! Yezu wa mu Nazarete, udi musue kutuenzela tshinyi? Udi mulue kutubutula anyi? Ndi mukumanye bimpe ne: udi Wa Tshijila! Mvidi Mukulu mmukutume!

Luke 1:32

Neikale munene. Nebamuinyike Muana wa Mvidi Mukulu, Muena kulu. Maweja-Nangila Mvidi Mukulu neamuteke mukalenga, bu muvua nkambua wende Davide.

Marke 14:61

Kadi Yezu utua mupuwe, kavua wandamuna to. Mutuangaji munene kumukonka tshiakabidi ne: — Udi Meshiya, Muana wa Mvidi Mukulu utudi mua kutumbisha anyi?

Rome 16:20

Mvidi Mukulu, udi utupa bupole, neaboze amu mpindiewu diabolu muinshi mua makasa enu. Dinanga dia Mfumu wetu Yezu Kristu dishindame munda muenu!

Marke 5:6

Kumuenenaye Yezu ku bule, kuyaye kudiye lubilu, kutuaye binu kumpala kuende,

Marke 5:8

(Uvua muambe nanku bualu Yezu uvua mutumine mikishi mibi diyi bua ipatuke munda mua muntu ewu!)

Yakobe 2:19

Udi witaba ne: Mvidi Mukulu udi amu umue. Bidi bimpe. Mikishi mibi idi itaba kabidi nanku, izakala ne bowa.