Marke 3:18 - MUKANDA WA MYIDI MUKULU

¹⁸ Andre, Filipe, Bartolmayi, Matayi, Tomase, Yakobe muana wa Alfayi, Tadeyi, Simone uvua mu tshisumbu tshia baluidi ba ditunga diabu,

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ ne Andele, ne Filipo, ne Bâtolomayo, ne Matayo, ne Toma, ne Yakobo muana wa Alafayo, ne Tadaya, ne Simona Muena Kananayo,

Marke 3:18 交叉引用

Bienzedi 1:13

Bamane kufika ku Yerushalayime, kubandabu mu tshibambalu tshia nzubu tshia kulu, muaba muabu basomba misangu mivule. Bobu abu ke Petro, Yowanane, Yakobe ne Andre, Filipe ne Tomase, Bartolmayi ne Matayi, Yakobe muana wa Alfayi, Simone muluidi wa ditunga, ne Yuda muana wa Yakobe.

Marke 2:14

Pavuaye upita, kumonaye Levi muana wa Alfayi musombe mu nzubu uvuaye ulambuishila bitadi. Yezu kumuamba ne: — Ntua mu nyima! Levi kujuka, kumutua mu nyima.

Yakobe 1:1

Meme Yakobe, muena mudimu wa Mvidi Mukulu ne wa Mfumu Yezu Kristu, ndi ngela bantu bonsu ba Mvidi Mukulu badi batangalake pa buloba bujima mioyi.

Matayi 9:9

Yezu kumuka muaba awu, kumona muntu musombe ku nzubu kuvuabu balambuila bitadi. Dina dia muntu awu mMatayi. Yezu kumuambila ne: — Undonde! Nanku Matayi kujuka, kumulonda.

Yuda 1:1

Meme Yuda, muena mudimu wa Yezu Kristu, ne muanabu ne Yakobe, ndi mfundila bonsu badi Mvidi Mukulu mubikile, badiye Yeye Tatu wetu unanga, badi Yezu ulama bimpe, mukanda ewu.

Ngalate 2:9

Yakobe, Petro, ne Yowanane, bavua bantu banemeka bu balombodi banene, bavua bitabe ne: Mvidi Mukulu mmumpeshe mudimu ewu wa pa buawu. Nanku meme ne Bamabase, bavua batuele muoyi, batukuate ku tshianza, bua kuleja mutudi tukuata nabu mudimu wa momumue. Ke tuetu bonsu pamue kumvuangana nabu ne: meme ne Bamabase, netuye kukuatshila bisamba bikuabu mudimu, bobu nebakuatshile bena Yuda mudimu.

Ngalate 1:19

Kadi tshivua mumone mupostolu mukuabu nansha umue, pa kumusha Yakobe, muanabu ne Mfumu.

1 Korente 15:7

Pashishe kumuenekelaye Yakobe, ku ndekelu, mmudileje kudi bapostolu bonsu.

1 Korente 9:5

Tshiena mua kuya mu luendu ne mukaji muena ditaba, mudi bapostolu bakuabu, Petro ne bana babu ne Mfumu, benza anyi?

Bienzedi 21:18

Butshia Polu kuya netu kua Yakobe, kuvua bakulu bonsu ba Tshisumbu tshia bena ditaba basangile.

Bienzedi 15:13

Bajikija diakula, Yakobe kuamba pende ne: — Bana betu, ntelejayi!

Yowanane 21:2

Simone Petro, Tomase (udibu binyika ne: wa Dipasa), Natanayele (uvua wa mu Kana mu Ngalileya), bana ba Zebede ne balongi bakuabu babidi ba Yezu bavua pamue.

Yowanane 14:22

Yuda (ki nYudase Iskariyote to) kumukonka ne: — Mfumu, mmunyi muudi mua kudileja kutudi, kuyi udileja kudi ba pa buloba?

Yowanane 11:16

Kadi Tomase udibu binyika ne: Dipasa, kuambilaye balongi bakuabu ne: — Tuyayi bonsu ne Mulongeshi, batushipe nende!

Yowanane 1:40

Umue wa ku balongi babidi bavua bumvue muvua Yowanane muambe, balonde kabidi Yezu, uvua Andre, muanabu ne Simone Petro.

Marke 6:3

Yeye ewu ki mmuntu udi utenga nzubu anyi? Kena muana wa Mariya anyi? Kena muanabu ne Yakobe anyi? Kena muanabu ne Yoze anyi? Kena muanabu ne Yuda ne Simone anyi? Bana babu ba bakaji kabena munkatshi muetu emu anyi? Ke tshiyuabu babengela kumuitabila.

Matayi 13:55

Yeye ewu ki mmuana wa muena mabaya anyi? Mamuende ki Mariya anyi? Yakobe, Yozefe, Simone ne Yuda ki mbana babu anyi?

Marke 3:17

Yakobe ne muanabu wa balume Yowanane, bonsu babidi bavua bana ba Zebede (Yezu uvua mubinyike ne: Bowanerjese, mmumue ne: “Bantu bafuana makubakuba”),

Marke 3:19

ne Yudase muena mu Iskariyote, uvua mutangile Yezu tshitangu.