Marke 2:22 - MUKANDA WA MYIDI MUKULU

²² Muntu kena wela nwinyo mupiamupia mu milondu ya biseba bikulukulu. Yeye muenze nanku, nwinyo mupiamupia neapande milondu, maluvu ne milondu nebijimine tshiapamue. Kadi bidi bimpe kuela nwinyo mupiamupia mu milondu ya biseba bipiabipia!

Mukanda wa Nzambi Dihungila Dikulukulu ne Dihungila Dihia-dihia 2003

²² Nunku kabidi bantu kabatu bela maluvu mahia-mahia mu milondo ya biseba bikulukulu; bienzabo nunku, malulu neahande biseba, maluvu ne biseba nebibutuke; kadi bantu batu bela malulu mahia-mahia mu biseba bihia-bihia.

Marke 2:22 交叉引用

Matayi 9:17

Kabidi kabena mua kuela maluvu a nwinyo mapiamapia mu milondu ya biseba mikulukulu to. Bualu milondu ya biseba neyitayike, maluvu apumuke. Nanku milondu neyinyanguke. Kadi bua kulama bionsu bibidi bimpe, badi bela maluvu mapiamapia mu milondu ya biseba mipiamipia.

Misambu 119:83

Nkadi ne minyengu mu mpala bu mulondu muteka pa muinshi, kadi tshiena mpua biudi musue muoyi.

Misambu 119:80

Nengenze biudi musue ne muoyi wanyi mujima, nanku tshiakufua bundu ku mesu kuebe to.

Yoshua 9:13

Musangu utuvua bangate milondu eyi ya biseba bia nyama, bayuwuje ne maluvu itshivua amu mipiamipia. Kadi monayi lelu yonsu mmimane kupandika. Bilamba bietu ne bisabata bietu bidi bisunsuke bikole, amu bua luendu lua mutantshi mule lutuvua bende.

Yoshua 9:4

Nanku kumvuanganabu bua kushima bena Izrayele. Kuangatabu bintu bia kudia mu njila. Kuambuishabu nyama yabu ya mpunde, bibombi bia kale bimane kusunsuka, ne milondu ya kale ya biseba, ivua ne mvinyo, mipandike kabidi mitelakaje.

Yobe 32:19

Bia nanku bidi amu bitutuka munda muanyi, bu maluvu adibu bela mu milondu ya biseba mipiamipia, akeba kuyipanda.

Marke 2:21

Muntu kena wasa tshitetela tshia tshilamba tshipiatshipia ku tshilamba tshikulukulu. Yeye muenze nanku, tshitetela tshia tshilamba tshipiatshipia tshidi tshipanda tshilamba tshikulukulu, disosu nedidiunde kabidi.

Marke 2:23

Dituku dikuabu dia Dikisha, Yezu uvua upitshila mu madimi a ntete ya kuenza bukula. Balongi bende kutuadija kutula miepu ya ntete ivua ku muelelu wa njila.