Marke 12:9 - MUKANDA WA MYIDI MUKULU

⁹ Yezu kubakonka ne: Nenku muena budimi bua nwinyo udi mua kuenza tshinyi? Muena budimi bua nwinyo nealue, neashipe bafutshidi ba budimi bua nwinyo, neafile budimi kudi bantu bakuabu.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Bua bobo bakenza nunku, muena budimi nenze tshinyi? Yeye nealue kushiha ba bidime, neahe bakuabo budimi buandi.

Marke 12:9 交叉引用

Rome 10:20

Ke padi muambi Yeshaya ukimina kuamba ne: “Mvidi Mukulu udi wamba ne: Tuamonanganyi ne bantu bavua kabayi bankeba. Ndi mudileje kudi bavua kabayi bangebeja bualu.”

Luke 19:27

Kadi bena lukuna banyi bavua kabayi basue bua meme kuikala mukalenga wabu, fikayi nabu apa. Nubashipe, meme mutangile.”

Matayi 21:43

— Ke Yezu kuamba kabidi ne: ke pandi nnujadikila ne: nebanunyenge Bukalenga bua Mvidi Mukulu, bua kubupesha tshisamba tshidi mua kukuama bimuma bilenga. [

Matayi 22:7

Mukalenga kufika munda bikole. Kutumaye tshiluilu tshiende, bua kushipa bashipianganyi aba, ne kuosha tshimenga tshiabu.

Matayi 12:45

Nanku udi uya kuangata mikishi mikuabu muanda mutekete mimupite ku bubi. Udi upingana nayi pamue, bua kusomba mu nzubu amu. Nanku muntu ewu mpindiewu udi mubi, mupite muvuaye kumpala. Ke muenzekela bantu babi ba mu tshikondu etshi.

Malaki 1:11

Meme Maweja-Nangila wa bukole buonsu, ndi njadika ne: kudi diba dipatukila too ne kudidi dibuelela bantu ba bisamba bionsu badi bannemeka. Miaba yonsu badi bangoshila musenga wa kamonya, badi bandambula milambu minkumbanyine. Bulelela, bisamba bia bende bidi binnemeka.

Yirmeya 17:3

ne mu mpata mitumbuke. Nuenu bena Yuda telejayi. Ndi ntuma bantu, bua kupawula biuma bienu bionsu, bua banyange miaba inudi nutendelela. Ke mundi nnunyoka bua bubi bunudi nuenza mu ditunga dijima.

Yeshaya 65:15

Bantu banyi nebangate dina dienu, bua kutshipa nadi bantu bakuabu. Nebambe ne: “Maweja-Nangila Mvidi Mukulu akushipe, bu mudiye mushipe kampande nansha kansanga.” Kadi, bantu banyi badi bandamate, nebapete dina dikuabu.

Yeshaya 29:17

Telejayi: Nkushale matuku amu makese, ditu dia Lebanone nediandamuke lupangu lua mitshi ya bimuma. Lupangu lua mitshi ya bimuma, neluandamuke ditu.

Yoshua 23:15

Nenku mushindu udi Maweja-Nangila Mvidi Mukulu wenu mukumbaje bionsu bivuaye munulaye, ke muakumbajaye kabidi bionsu bidiye muambe bua kununyoka. Udi mua kunubutula mu ditunga dimpe divuaye munupe.

Matayi 21:34

Tshikondu tshia kupola tumuma tshikumbana, kutumaye bena mudimu bende kudi bavuaye mushile budimu abu, bua kupeta tuende tumuma.

Marke 12:8

Kukuatabu muana, kumushipa, kuimanshabu tshitalu tshiende ku mpenga kua budimi.

Marke 12:10

Kanuena banji kubala bulelela, mudi Mukanda wa tshijila, wamba ne: “Ke dibue divua bibaki bimanshe, dikadi dibue didi dishindika nzubu.