Marke 12:6 - MUKANDA WA MYIDI MUKULU

⁶ Muena budimi uvua mushale amu ne muntu umue, ke muanende wa balume uvuaye munange bikole. Kumutumaye kudi bafutshidi ku ndekelu, wela meji ne: “Nebanemeke muananyi.”

Mukanda wa Nzambi Dihungila Dikulukulu ne Dihungila Dihia-dihia 2003

⁶ Yeye wakadi ne muanʼandi umue mulela, wakadiye munange; wakamutuma kudibo kunshikidilu, wakamba ne, Nebanemeke muanʼanyi.

Marke 12:6 交叉引用

Yowanane 1:34

Ke Yowanane kuamba ne: “Mvua mumone nanku. Ke mundi njadika ne: Muntu awu ke Muana wa Mvidi Mukulu.”

Matayi 3:17

Ke diyi kumvuika mu diulu, diamba ne: — Ewu ke Muananyi undi munange. Yeye ke udi unsankisha bikole.

1 Yone 4:9

Mvidi Mukulu uvua mutuleje dinanga diende nenku: wakatuma Muanende umuepele mu bantu, bua tupetele muoyi kudiye.

Ebrewu 1:6

Kadi tshikondu tshivua Mvidi Mukulu musue kutuma Muanende, muanabute pa buloba, kuambaye ne: “Batumibue bonsu ba Mvidi Mukulu bamukukuile.”

Yowanane 5:23

bua bantu bonsu banemeke Muana bu mudibu banemeka Tatu. Udi kayi unemeka Muana, kena unemeka Tatu uvua mumutume.

Yowanane 3:35

Tatu mmunange Muana; mmuteke bionsu ku bumfumu buende.

Yowanane 1:49

Nanku Natanayele kumuambila ne: — Mulongeshi, udi Muana wa Mvidi Mukulu, udi mukalenga wa bena Izrayele!

Yowanane 1:18

Muntu nansha umue kena muanji kumona Mvidi Mukulu. Amu Muana mulela umue, Mvidi Mukulu udi musombe pamue ne Tatu, ke udi mutumanyishe Tatu.

Yowanane 1:14

Muaku kudienza muntu. Kusombawu munkatshi muetu. Uvua muwule ne dinanga kabidi ne bulelela. Tuetu kumona butumbi buawu. Butumbi ebu ke budi Muana mulela umue upeta kudi Tatuende.

Luke 9:35

Diyi kumvuika ku divuba, diamba ne: — Ewu mmuananyi umvua musungule, numuteleje!

Luke 3:22

Mueyelu wa Tshijila kumutulukila ne mubidi bu wa nyunyi wa nkudimba. Ke diyi kumvuika mu diulu ne: — Wewe udi muananyi munanga. Ndi ne disanka bualu buebe.

Marke 9:7

Divuba kubabuikila, diyi kumvuika mu divuba ne: — Ewu ke muananyi undi munange, numuteleje!

Marke 1:11

Kumvuaye diyi difuma mu diulu ne: — Wewe udi muananyi undi munange. Ndi nsanka bikole bualu buebe.

Matayi 26:63

Kadi Yezu uvua amu mupuwe. Ke mutuangaji munene kukonka Yezu ne: — Mu dina dia Mvidi Mukulu udi ne muoyi, ndi nkulomba bua utuandamune, uditshipe. Udi Kristu, Muana wa Mvidi Mukulu anyi?

Matayi 17:5

Patshivua Petro wakula, divuba dikenka kubabuikila. Diyi kumvuika mu divuba ne: — Ewu ke Muananyi menemene, undi munange. Yeye udi unsankisha bikole. Numuteleje.

Matayi 11:27

Tatu mmumpeshe bintu bionsu. Kakuena muntu udi mumanye Muana, anu Tatu nkayende. Kakuena muntu udi mumanye Tatu, amu Muana nkayende, kabidi ne bonsu badi Muana musue kumanyisha Tatu.

Matayi 1:23

“Nsongakaji utshidi kamama neimite difu, nealele muana wa balume. Nebamuinyike dina ne: Emanuwele,” (mmumue ne: “Mvidi Mukulu udi netu.”)

Yeshaya 42:1

Maweja-Nangila udi wamba ne: Tangila muntu wanyi. Ndi mumukoleshe. Ndi mumunange, mumusungule. Ndi mumuwuje ne Mueyelu wanyi, bua kumanyishaye bukua bisamba bilenga bindi mulongoluele bantu.

Misambu 2:12

Nutumikile muanende. Kanuyi benza nanku, yeye mufike munda, nenubutuke. Bualu tshiji tshidi mua kumulunduka lukasa. Bena diakalenga mbonsu badi banyemena kudi Maweja-Nangila!

Genese 37:3

Ku bana bende bonsu, Yakobe uvua mupite kunanga Yozefe, bualu mmuana uvuaye mulele ku bukunda. Nanku uvua mumuteleshile tshinkutu tshia mushinga mukole.

Genese 22:12

Maweja-Nangila kumukandika ne: — Kulengi muana, kumuenzedi bibi. Mpindiewu ngajadiki ne: udi untshina meme Mvidi Mukulu, bualu kuena mumpale muanebe umuepele umvua mukupeshe.

Genese 22:2

Mvidi Mukulu kumuambila ne: — Angata muanebe umuepele Izake uudi mupite kunanga awu, uye nende mu ditunga dia Moriya pa mukuna umbakuleja, umungoshile pa tshilambuilu.

Misambu 2:7

— Meme mukalenga. Ndi nnumanyisha mukenji mupeta kudi Maweja-Nangila. Mmungambile ne: “Wewe ke muananyi. Biangatshile lelu, meme ndi tatuebe.

Genese 44:20

Tuetu kuandamuna ne: “Tatu udipu. Ukadi mukulumpe. Tudi kabidi ne muakunyetu wa mukala, uvua tatu mulele ku bukulakaja buende. Mukuluende, uvuaye mulonde, ukadi mufue. Muana awu mmushale amu nkayende wa ku bana ba mukaji uvua tatu mupite kunanga. Ke mudi tatu mumunange ne yeye mene bikole.”

Marke 12:5

Muena budimi kutuma muena mudimu mukuabu kabidi, bafutshidi kumushipa. Kuenzelabu bena mudimu bakuabu ba bungi mushindu awu: kutuutabu bamue, kushipa bakuabu.

Marke 12:7

Kadi bafutshidi kuambilangana ne: “Ke washala ne bumfumu bua budimi pashishe wawa. Tuyayi banushipe, budimi bushale buetu!”

3 Yone 1:1

Meme Mukulu, ndi mfundila Ngayuse wanyi, undi mupite kunanga, mukanda ewu.