Marke 1:24 - MUKANDA WA MYIDI MUKULU

²⁴ — Wewe Yezu wa mu Nazarete, udi musue kutuenzela tshinyi? Udi mulue kutubutula anyi? Ndi mumanye bimpe ne: udi wa Tshijila, Mvidi Mukulu mmukutume!

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Wewe Yesu Muena Nazaleta, budi nʼebe bualu kai? Wewe wakulua bua kutushiha, anyi? Ndi mukumanye, wewe udi Wa Tshijila wa Nzambi.

Marke 1:24 交叉引用

Matayi 8:29

Ke bobu kuela mbila ne: — Muana wa Mvidi Mukulu, butudi nebe mbunganyi? Udi mufike bua kutunyoka, diba kadiyi dianji kukumbana, bua tshinyi?

Yakobe 2:19

Udi witaba ne: Mvidi Mukulu udi amu umue. Bidi bimpe. Mikishi mibi idi itaba kabidi nanku, izakala ne bowa.

Luke 4:34

— Akia! Yezu wa mu Nazarete, udi musue kutuenzela tshinyi? Udi mulue kutubutula anyi? Ndi mukumanye bimpe ne: udi Wa Tshijila! Mvidi Mukulu mmukutume!

Bienzedi 3:14

Nuenu kubenga muntu wa tshijila, muitabi wa Mvidi Mukulu, kulomba Pilate, bua anulekele mushipianganyi.

Didimanyisha 3:7

— Fundila mutumibue wa Tshisumbu tshia bena ditaba ba mu Filadelfiya ne: “Wa Tshijila ne wa diyi dimue, udi mulame nsapi ya mukalenga Davide, ukangula tshiibi, munga muntu kayi mua kukanga; utshikanga, munga muntu kayi mua kutshikangula, udi wamba ne:

Bienzedi 2:27

kuakundekela mu kandondu ka bafue, kuakuanyisha bua meme, mulunda webe, mbolele mu lukita.

Luke 8:28

Muntu awu umona Yezu, kuelaye lubila, udiela ku makasa ende, wamba ne diyi dikole ne: — Yezu, Muana wa Mvidi Mukulu Muena kulu, butudi nebe mbunganyi? Ndi nkusengelela ne: kunkengeshi to.

Marke 5:7

kuela diyi dikole ne: — Yezu Muana wa Mvidi Mukulu wa kulu, butudi nebe mbunganyi? Ndi nkusengelela mu dina dia Mvidi Mukulu, kunnyoki nansha!

Misambu 16:10

Kuakunshiya mu kandondu ka bafue. Kuakuanyisha bua mbolele mu lukita.

Yowanane 6:69

Mpindiewu tudi tuitaba, tumanya ne: wewe ke wa Tshijila udi mufume kudi Mvidi Mukulu.

Luke 1:35

Mutumibue kumuandamuna ne: — Mueyelu wa Tshijila neukutulukile. Bukole bua Mvidi Mukulu Muena kulu nebukubuikile bu mundidimbi. Nanku muana uwalela neikale wa tshijila. Nebamuinyike Muana wa Mvidi Mukulu.

Bienzedi 24:5

Tudi bamanye se: muntu ewu ntshipupu. Udi utombueja bena Yuda bonsu pa buloba bujima. Udi mfumu wa tshisumbu tshia bena Nazarete.

Bienzedi 4:27

Bushuwa, mu tshimenga emu, Erode ne Ponsiyo Pilate, bantu benyi ne bena Izrayele, mbumvuangane bua kubenga muntu webe wa tshijila Yezu uudi musungule.

Luke 24:19

Yezu kubakonka ne: — Malu adi menzekemu mmalu kaayi? Balongi kumuandamuna ne: — Malu avua menzekele Yezu wa mu Nazarete. Uvua muambi wa bukole. Uvua mubuleje ku midimu ivuaye wenza, ne ku miaku ivuaye wakula. Mvidi Mukulu, ne bantu bonsu, kumuanyisha.

Matayi 2:23

Kusombaye mu tshimenga tshiyuabu binyika ne: Nazarete. Bionsu ebi bivua bienzeka bua kukumbaja diyi divua bambi bamba ne: “Nebamuinyike ne: mmuena Nazarete.”

Luke 8:37

Nanku bantu bonsu ba mu buloba bua Ngerasa kulomba Yezu bua umuke muaba awu, bualu bavua ne bowa bua bungi. Ke Yezu kubuela mu buatu, kuya.

Ekesode 14:12

Tuvua bamane kukuambila ne: “Utulekele, tuikale bapika ba bena Ejipitu. Bualu mbimpe kuenzela bena Ejipitu mudimu pa mutu pa kufuila mu tshipela!”

Danyele 9:24

Mbapeshe tshisamba tshiebe ne tshimenga tshia tshijila tshiudi musombe bidimu makumi muanda mutekete, bua bajikije ditomboka diabu, balekele malu mabi, bafuilangane luse, bakose nsambu pa yoyi kashidi. Nanku malu adi Mvidi Mukulu uleja, adi bambi bambe, neakumbane. Nebajidile tshiakabidi nzubu wa Mvidi Mukulu wa tshijila.

Marke 1:23

Amu diba adi, muntu kumueneka mu nzubu wa kutendelela amu, muikale ne mukishi mubi munda, umutatshisha. Kuelaye lubila ne:

Marke 1:25

Yezu kukanyina mukishi mubi, kuwambila ne: — Puwa, patuka munda mua muntu ewu!

Marke 10:47

Padiye umvua ne: assu udi usua Yezu wa mu Nazarete, kubangaye kuela mbila ne: — Yezu, Muana wa Davide, umfuile luse!

Marke 14:67

Kumonaye Petro ota kapia, kumujojaye, umuamba ne: — Wewe kabidi uvua ne Yezu wa mu Nazarete.

Marke 16:6

Kadi yeye kubambila ne: — Nudi nukeba Yezu wa mu Nazarete uvuabu bapopela pa mutshi mutshiamakane. Ukadi mumane kubiika ku lufu, kena apa nansha. Jojayi muaba uvuabu bamuteke. Kanutshinyi nansha.

1 Yone 2:20

Kadi nuenu nuvua bapete Mueyelu wa Tshijila, uvua Kristu munupumuine. Ke panudi bonsu bamanye bulelela.