Malaki 3:13 - MUKANDA WA MYIDI MUKULU

¹³ Maweja-Nangila udi wamba ne: “Nudi nunjana, pashishe nudi nukonka ne: ‘Tudi tukujana, tukuamba bishi?’

Mukanda wa Nzambi Dihungila Dikulukulu ne Dihungila Dihia-dihia 2003

¹³ Yehowa udi wamba ne, Mei enu akadi annyoka. Kadi nuenu nudi nunkonka ne, Tuakukunyoka munyi?

Malaki 3:13 交叉引用

Malaki 2:17

Nudi nutondesha Maweja-Nangila ne mayuki enu. Nudi nukonka ne: “Tudi tumutondesha munyi?” Bidi bimutonda ke miaku inudi nuamba ne: “Maweja-Nangila udi wanyisha muntu udi wenza malu mabi. Tshianana uvua mua kunyoka bantu ba mushindu ewu. Ke kabidi miaku yenu ya ne: “Mvidi Mukulu utu ukosa nsambu pa yoyi, udi penyi?”

Rome 9:20

Kadi wewe muntu udi welangana mpata ne Mvidi Mukulu, udi nganyi? Luesu lua dima ludi mua kukonka udi mulufumbe ne: “Udi mutufumbe nenku bua tshinyi?”

Yeshaya 37:23

Uuvua upenda nnganyi? Uuvua ujana ne dikamakama nnganyi? Wewe mutshimbakane, uuvua mutangile ne kapeja nnganyi? Uvua usendeka amu meme, Mvidi Mukulu wa tshijila wa bena Izrayele!

2 Tesalonike 2:4

Muena bubi awu neabenge bionsu bidi bantu bakukuila, ne mvidie yonsu idibu batendelela. Neaditeke ku mutu kua bionsu abi. Neabuele ne mu nzubu wa Mvidi Mukulu. Neatekemu nkuasa wende, udiamba ne: ndi Mvidi Mukulu.

Malaki 2:14

Nudi nukonka ne: katshiena ubianyisha bua tshinyi? Bualu nuvua balaye ku mesu kua Maweja-Nangila ne: nendamate mukaji undi musele ku buana buanyi. Yeye ke muena kuanyi undi musungule. Kadi nuenu kumubenga.

Yirmeya 8:12

Bantu aba, kabena banyingalala to, kabena ne bundu nansha bukese bua buenzavi buabu. Kabena bamanye mua kutonda bubi buabu. Nanku Maweja-Nangila udi wamba ne: nebabutuke pamue ne bena Izrayele bakuabu, nebadishinde panshi musangu umue, ne bonsu bandi nyoka.

Yobe 40:8

Udi ubenga mundi nkosa nsambu anyi? Udi musue kumpisha bua wewe kubinga anyi?

Ekesode 5:2

Mukalenga wa bena Ejipitu kubandamuna ne: — Maweja-Nangila nnganyi? Meme tshiena mumanye Maweja-Nangila bua meme kuitaba diyi diende. Tshiena ndekela bena Izrayele baye to!

Malaki 3:8

Ndi nnuandamuna ne: ‘Panudi nudinga Mvidi Mukulu, nudi nuenza bimpe anyi? Kadi nuenu nudi amu nundinga!’ Nudi nunkonka ne: ‘Tudi tukudinga munyi?’ ‘Nudi nundinga mu tshia dikumi tshia binudi nupeta, ne mu milambu.

Yeshaya 5:19

Bantu aba badi bamba ne: “Maweja-Nangila enze lukasa tshionsu tshidiye musue kuenza. Tudi basue kutshimona. Mvidi Mukulu wa tshijila wa bena Izrayele enze tshionsu tshidiye muelele meji, tudi basue kutshimanya!”

Misambu 10:11

Muntu mubi udi wela meji ne: “Mvidi Mukulu kena bualu ne bindi ngenza. Kena musue kubimanya, kena musue kubimona!”

Yeshaya 46:12

Nuenu bantu badi bateketa mu maboku, nuenu badi bela meji ne: malu andi mulaye atshidi kule, ntelejayi.

Yirmeya 44:18

Kadi katshia tulekela kufila milambu eyi ya manananshi ne ya maluvu kudi mvidie Astarte, Mukalenga mukaji wa mu diulu, tukadi bapange bintu bionsu. Tudi bapungile ne mvita kabidi ne tshiyole tshia nzala.

Yezekiyele 18:25

Nudi nuamba ne: ‘Bidi Maweja-Nangila wenza kabiena bimpe to. Udi ukolesha malu!’ Nuenu bena Izrayele, telejayi bimpe, udi ukolesha malu mmeme anyi? Nansha kakese! Badi bakolesha malu bapitshisha, ke nuenu!

Osheya 7:16

Pikala bena Efrayime bapingana kudi muntu, kabena bapingana kundi meme Maweja-Nangila to. mBafuanangane ne buta bua mbale, budi kabuyi bukumbane bua kuela nabu mikete. Bamfumu babu nebafue mu myita, bualu bavua bampende! Nebabaseke kudi bena Ejipitu!

Malaki 3:12

Bisamba bikuabu bionsu nebinuambe ne: nudi bena diakalenga, bualu nudi nusomba mu ditunga dimpe ditambe. Maweja-Nangila wa bukole buonsu, ndi njadika nanku.’ ”

Malaki 3:14

Nuvua nuamba ne: ‘Kukuatshila Mvidi Mukulu mudimu kakuena ne difutu to. Tuvua bitabe mikenji yende, banyingalale, bua Maweja-Nangila kutufuilaye luse, kadi katuvua bapete bualu bua nsongu nansha bumue.

Yobe 15:13

Udi ufikila Mvidi Mukulu munda, umujana bua tshinyi?

Yeshaya 3:8

Yerushalayime mmubutuke, Yuda mmudishinde panshi. Bualu bidi bena Yuda bamba, ne bidibu benza, bidi amu bileja mudibu babenga Maweja-Nangila, bamutuila nkanana.

Yezekiyele 35:13

Nudi bambunde, kadi meme tshiena mupue bipendu bienu muoyi to.