Luke 6:21 - MUKANDA WA MYIDI MUKULU

²¹ “Nuenu badi ne nzala mpindiewu, nudi bena diakalenga, bualu Mvidi Mukulu neanudishe, nuukute! “Nuenu badi badila mpindiewu, nudi bena diakalenga, bualu nenuseke!

Mukanda wa Nzambi Dihungila Dikulukulu ne Dihungila Dihia-dihia 2003

²¹ Nuenu badi ne nsala katataka nudi ne disanka, bua nuenu nenukute. Nuenu badi badila katataka nudi ne disanka, bua nuenu nenuseke.

Luke 6:21 交叉引用

Yowanane 6:35

Ke Yezu kubambila ne: — Meme ndi diampa dia muoyi. Muntu udi ulua kundi kakufua nzala to. Udi ungitaba kakufua nyota nansha.

Matayi 5:6

Bantu badi bajinga muabu muonsu mua kukumbaja bidi Mvidi Mukulu musue, ke bena diakalenga, bualu Mvidi Mukulu neabakumbajile bionsu bidibu bajinga!

Yakobe 1:12

Muntu udi ulama ditaba padibu bamuteta, mmuena diakalenga. Yeye mumane kuleja muoyi mukole, neapete nsala wa kalumbandi. Nsala awu ke muoyi udi Mvidi Mukulu mulaye bonsu badi bamunanga.

Luke 1:53

Uvua mupeshe bavua ne nzala bilenga bia bungi, mutangalaje babanji bianza bitupu.

Matayi 5:4

Bantu badi banyingalala, ke bena diakalenga, bualu Mvidi Mukulu neabasambe!

Didimanyisha 7:16

Kabakumvua kabidi nzala musangu nansha umue. Nyota kayakubasuma. Munya kawakubosha. Luya lukole kaluakubabuela.

Luke 6:25

“Nuenu badi ne bintu bionsu mpindiewu, nudi bena diakabi, bualu nenufue ne nzala! “Nuenu badi baseka mpindiewu, nudi bena diakabi, bualu nenubungame, nudile!

1 Korente 4:11

Too ne ku lelu ewu, tudi tukenga, tufua nzala ne nyota, katuyi ne bilamba bikumbane. Badi batutuuta, tutua eku tutua kuaka.

Yowanane 4:10

Yezu kumuandamuna ne: — Bu wewe mumanye bidi Mvidi Mukulu upeshangana, mumanye kabidi muntu udi ukulomba mayi a kunua, wewe ke uvua mua kumulomba mayi, yeye kukupesha mayi a muoyi.

Yirmeya 31:9

Badi bapingana badila muadi, kadi meme ndi ngenda nabu, mbasamba. Nembafile ku misulu idi ne mayi mavule. Ndi mbafile mu njila muimpe, udi kayi ne biniina, bua kabayi kudishinda. Bualu meme ndi tatu wa bena Izrayele. Efrayime ke muananyi muanabute.

Yeshaya 30:19

Nuenu bena Siyone, badi basomba mu Yerushalayime, katshia kanuakudila kabidi to. Panuabikila Maweja-Nangila, neanuambuluishe ne muoyi wa kalolu. Yeye mumvue amu muadi wenu, neanuandamune.

Misambu 107:9

Bualu udi mupeshe bavua ne nyota mayi a kunua, mubumbuile bavua ne nzala bivuabu bakengela.

Misambu 17:15

Meme nenkumone, bualu tshivua muenze bibi. Pangabika, nenkutangile, kabiyi bintonda!

Genese 21:6

Sara kusanka wamba ne: — Mvidi Mukulu mmunsekeshe. Nanku bonsu bumvue batela Izake nebaseke pamue nanyi.

Genese 17:17

Abrahame kudiela mutu panshi, useka wamba ne: “Muntu mukulumpe wa bidimu lukama, udi mua kulela muana bishi? Kabidi Sara udi ne bidimu makumi tshitema, neapete muana mushindu kaayi?”

Didimanyisha 21:3

Ke meme kumvua diyi dikole difumina ku nkuasa wa butumbi, diamba ne: “Mpindiewu Mvidi Mukulu udi usomba pamue ne bantu! Neashale nabu. Bobu nebikale tshisamba tshiende. Mvidi Mukulu mene neashale nabu; neikale Mvidi Mukulu wabu.

2 Korente 12:10

Ke pandi nsanka bualu bua Kristu mu butekete buanyi, nansha diba mene didibu batupenda, bantatshisha, bankengesha, bankuatshisha bowa. Nanku pandi ne butekete, ke pandi ne bukole.

2 Korente 11:27

Mvua mukuate midimu mikole ya dipungi. Mvua mutshishe butuku misangu ne misangu. Mvua mufue ne nyota. Mvua mupange biakudia matuku mulongulongu. Mashika avua mantonde, bualu tshivua ne bilamba bikumbane.

2 Korente 6:10

Badi batubungamija, kadi tudi tuleja amu disanka. Tudi tumueneka bu bapele, kadi tudi tunemesha bantu bavule. Tudi tumueneka bu badi ku bianza kutupu, kadi tudi ne bionsu.

Yowanane 11:35

Ke Yezu kudila.

Yezekiyele 9:4

Maweja-Nangila kumuambila ne: — Endakana mu tshimenga tshijima tshia Yerushalayime. Ufunde tshimanyinu pa mpala ya bantu bonsu badi badila, banyingalala bua malu mabi onsu adi bantu benza mu tshimenga etshi.

Yezekiyele 7:16

Bantu bikale bapanduke nebanyemene mu mikuna. Bu nyunyu ya nkudimba idi idila, nebatue mikemu bua bilema biabu.

Yirmeya 31:25

Bualu badi bapungila ne nyota, nembapeshe mayi a kunua, badi batekete ne nzala, nembadishe.

Yirmeya 13:17

Panudi kanuyi nuteleja mubelu ewu, nendile muadi nkayanyi ku mpenga bua ditambisha dienu dinene. Nempuekeshe binsonji bua tshisumbu tshia mikoku ya Maweja-Nangila, tshidi tshiya mu bupika.

Yirmeya 9:1

Eyi, bu meme mu tshipela, muaba udi bena luendu bikishila, mvua mua kubenga bantu banyi bena Izrayele, mvua mua kubashiya kashidi. Bualu mbantu batomboke. Bonsu badi amu babenga Maweja-Nangila.

Yeshaya 66:10

Nuenu badi bananga Yerushalayime, sankayi nende pamue, sangulukayi bualu buende. Nuenu bonsu bavua mu madilu, bua pavuaye mu dikenga, sankayi nende mpindiewu.

Yeshaya 25:6

Maweja-Nangila muena bukole buonsu, nealongoluele bantu bonsu didia dinene, pa mukuna wa Siyone. Bantu nebadie minyinyi ya mafuta, banue maluvu masheme, — minyinyi mimpe mitekete, maluvu a mvinyo mimpe menemene, mamane kulala bidimu. —

Misambu 143:6

Ndi ngolola bianza kuudi, ndiumvua ku mesu ebe ne nyota bu buloba buume bukeba mayi.

Misambu 119:136

Ndi ndila, binsonji bipueka, pandi mmona bantu kabayi balama mikenji yebe.

Misambu 65:4

nansha bobu benza bibi bipite. Bubi buetu budi butunemenena bujitu. Amu wewe ke udi mua kubujimija.

Misambu 28:7

Maweja-Nangila udi undama, udi ngabu wanyi. Ndi mmutekemena muanyi muonsu. Bu nuwuaye mungambuluishe, ndi nsanka, ntshionkomoka, ndi musue kumuimbila misambu, kumutumbisha.

Luke 6:20

Ke Yezu kutangila balongi bende, ubambila ne: “Nuenu bapele nudi bena diakalenga, bualu nenuikale ne Mvidi Mukulu mu Bukalenga bupiabupia!

Luke 6:22

“Padi bantu banukina, banubenga, banupenda, banupenda bualu bua Muana wa muntu, nudi bena diakalenga.