Lewitiki 6:4 - MUKANDA WA MYIDI MUKULU

⁴ Pashishe avule bilamba abi, avuale bikuabu. Umbuke ne butu abu mu mitanda, aye nabu muaba musunguluke kauyi mikiya bua kubimansha.

Mukanda wa Nzambi Dihungila Dikulukulu ne Dihungila Dihia-dihia 2003

⁴ bienzeye bibi, bikaleye muhile, yeye neahingishe bintu biakibeye anyi tshintu tshiakanyengeye ku bukole anyi bintu biakufileye mu bianza biandi anyi bintu biakadi bijimina biakuanguleye

Lewitiki 6:4 交叉引用

Sefanya 1:9

Dituku adi, nennyoke bonsu badi batupikila pa mutu pa mushiku wa nzubu wa Mvidi Mukulu, mudi bantu ba bisamba bikuabu benza. Nennyoke bonsu badi buwuja nzubu wa mfumuabu ne biuma bipeta ku buenzayi ne tshinyangu.”

Mika 2:2

Padibu bajinga madimi a bende, badi baangata ku bukole. Padibu balakana nzubu ya bakuabu, badi bayinyenga bantu ku bukole. Badi biba bintu bia muntu, ne bia bena diku diabu, banyenga bantu maloba abu.

Amosa 3:10

Maweja-Nangila udi wamba ne: “Bena Samariya kabena bamanye kuenza bualu buimpe nansha bumue. Badi bunguija mu nzubu yabu ya bukalenga, biuma bipeta mu buivi ne dishipangana.”

Yezekiyele 18:18

Amu tatuende ke uvua muenze bibi, muibe, mukengeshe bantu bavuaye nabu. Nanku tatuende neafue bua bilema biende.

Yezekiyele 18:12

Udi ukengesha bapela ne bena dikenga. Udi wiba bintu bia bantu. Kena upingaja tshieya tshivua muena dibanza mumueyeke. Udi utendelela mvidie, wenza malu mabi, andi mbenga.

Yezekiyele 18:7

Kena ukengesha muntu, nansha wiba muntu awu. Udi upingaja tshieya tshivua muena dibanza mumueyeke. Udi upesha muntu udi ne nzala biakudia, upesha muntu uvua butaka tshilamba.

Yeshaya 59:6

muntu kena mua kubuvuala, muntu kena mua kudibuikilabu. Buntande budi amu bupetesha bantu dikenga. Ke mudi bianza bienu bienza mudimu, amu bua kukengesha bantu.

Yobe 24:2

Bantu badi batentemuna mikalu ya madimi abu, bua kuiba bena mutumba nabu. Bakuabu badi biba mikoku ya bende, badi bayidishila mu mpata.

Yobe 20:19

Bualu uvua mulengulule bapele, mubakengeshe. Pa mutu pa kubashila nzubu, uvua ubanyenga uvuabu nende.

Genese 21:25

Kadi, Abrahame kuela Abimeleke lusanzu bua tshiina tshia mayi tshivua bena mudimu bende bakandamana natshi.

Lewitiki 24:18

Padi muntu ushipa tshimuna tshia mukuende, amupingajile tshimuna tshikuabu tshia muoyi.

Lewitiki 24:21

“Muntu udi ushipa tshimuna tshia bende, apingaje tshimuna tshikuabu. Muntu udi ushipa mukuende, bamushipe pende.

Dibadika 5:7

Udi ne bua kutonda bubi buende, kupingaja tshintu atshi kudi muenatshi, kusakidila kabidi tshia bitanu tshimue tshia mushinga wa tshintu atshi.

Yezekiyele 33:15

Padi muntu awu upingaja nansha bintu bivuaye muibe, kayi wenza kabidi bibi, kadi witaba ku mikenji idi mua kumusungidila, kakufua to. Neashale ne muoyi bulelela.

Malaki 1:13

Nudi nuamba kabidi ne: “Udi utupungija ne mudimu mukole be.” Nudi amu numpetula meme Mvidi Mukulu wa bukole buonsu. Nudi nundambula nyama miiba, mikale itebuka, nansha isama. Ndi nnukonka ne: mundi mua kuanyisha milambu ya mushindu ewu mmunyi?

Lewitiki 4:12

mutuangaji umuke nabi ku mitanda, aye kubioshila pa nkunyi ya kapia, muaba musunguluke udibu bimansha butu bua ku tshilambuilu.

Nehemya 5:11

Nuenu kabidi lelu nupingajile bantu madimi abu, mionji ya mvinyo, mitshi yabu ya olive, ne nzubu yabu. Kanulombi tshintu tshia kasombele ku nkanu ya tshiamu tshitoke tshia mushinga mukole, ku ntete ya kuenza bukula, ku maluvu a mvinyo, nansha ku mafuta, binuvua babasombeshe.

Yezekiyele 44:19

Padibu basue kupingana mu lubanza lua pa mbelu, muaba udi bantu bakuabu, badi ne bua kuvula bilamba bivuabu nabi, pavuabu benza midimu yabu, kubiteka mu bibambalu bia tshijila. Nanku nebavuale bikuabu bilamba bia patupu. Nanku padibu bavula bilamba abi, bantu bakuabu kabena ne mushindu wa kulenga bilamba bia batuangaji bia tshijila to.