Lewitiki 5:7 - MUKANDA WA MYIDI MUKULU

⁷ “Padi muntu kampande kayi ne mushindu wa kupeta dishina dia mbuji nansha dia mukoku bu mulambu wa kudikobolola, udi mua kulambula Maweja-Nangila tumandankutshi tubidi nansha nkudimba ibidi. Nyunyi umue ikale mulambu wa kudikobolola nawu. Mukuabu ikale mulambu wa kuosha.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Bikaleye kayi ne mushinga wa muana wa mukoko, yeye neafile mulambu wa disambuka dia mikenji kudi Yehowa, nansha nyunyu ya nkutshi ibidi nansha mputu nyunyu ibidi, nyunyu umue bu mulambu wa kubuikila nʼau bubi ne mukuabo bu mulambu wa kuosha ha kahia.

Lewitiki 5:7 交叉引用

Lewitiki 12:8

“Kadi padi mukaji awu kayi mua kupeta muana wa mukoku, udi mua kufila nkudimba ibidi, nansha tumanda-nkutshi tubidi. Nyunyi umue ikale bu mulambu wa kuosha, mukuabu ikale bu mulambu wa kumukobolola nawu. Nanku padi mutuangaji ulambula bintu abi kudi Maweja-Nangila, buvyele bua mukaji buajiki.”

Matayi 10:16

— Telejayi! Ndi nnutuma bu mikoku munkatshi mua nkashama. Nanku nuikale ne budimu bu bua nyoka, kabidi ne muoyi mulenga bu wa nyunyu wa nkudimba.

2 Korente 8:12

Panudi nufila ne muoyi wa kalolu, Mvidi Mukulu neapime binudi nufila bilondeshile binudi nabi; kakubipima bilondeshile binudi kanuyi nabi.

Matayi 3:16

Yowanane mumane kutua Yezu mu mayi, Yezu kupatukamu diakamue. Diulu kubululuka. Yezu kumona Mueyelu wa Mvidi Mukulu upueka bu nyunyu wa nkudimba, umuikila.

Lewitiki 14:31

alambule nyunyi umue bu mulambu wa kudikobolola, mukuabu bu mulambu wa kuosha. Mutuangaji alambule mulambu awu pamue ne mulambu wa bukula. Ajikije mikiya yonsu kumpala kua Maweja-Nangila bua muntu ashale kayi ne mikiya.”

Luke 2:24

Batua balambula kabidi ne mulambu udibu bafunde mu mikenji ayi ne: “Nufile nkutshi ibidi, nansha bana ba nkudimba babidi.”

Lewitiki 16:5

Bena Izrayele nebamupe mbuji ibidi ya mpumbu ya mulambu wa kukobolola nawu bantu, ne mukoku wa tshimpanga umue bua mulambu wa kuosha.

Lewitiki 15:30

Mutuangaji alambule nyunyi umue bua mulambu wa kukobolola nawu muntu, nyunyi mukuabu bua mulambu wa kuosha. Pashishe neajikije mikiya ya mukaji awu kumpala kua Maweja-Nangila, bua kumukobolola ku mikiya ya tshijila tshiende tshia bakaji.

Lewitiki 9:3

Pashishe wambile bena Izrayele, bafile pabu mbuji wa mpumbu kudi Maweja-Nangila bu mulambu wa kukobolola nawu bantu. Bafile kabidi muana wa ngombe mulume, kabidi ne muana wa mukoku wa tshidimu tshimue, kayi ne bulema, bua kubilambula Maweja-Nangila bu mulambu wa kuosha.

Lewitiki 5:11

“Kadi padi muntu kayi ne mushindu wa kupeta tumandankutshi tubidi nansha nkudimba ibidi, alambule Maweja-Nangila kilo inayi ya bukula. Kadi pa bukula abu, kena mua kuelamu mafuta, nansha kutekapu musenga wa kamonya to. Bualu mmulambu wa kudikobolola nawu.

Matayi 21:12

Yezu kubuela mu nzubu wa Mvidi Mukulu. Kuipataye mu nzubu amu bantu bonsu bavua basumbisha bintu, ne bavua babisumba. Kutonkolaye mesa a bashintudi ba makuta, ne nkuasa ya basumbishi ba nyunyi ya nkudimba.

Lewitiki 7:1

“Mulambu wa dinua tshibalu badi baulambula mushindu ewu: “Ke mulambu wa tshijila menemene.

Lewitiki 12:6

“Nanku padi matuku a kudilongolola ku buvyele akumbana, bua muana wa balume, nansha bua wa bakaji uvuaye mulele, mukaji awu aye kudi mutuangaji, imanyine ku mushiku wa mbelu wa ntenta wa kusambakena. Amupeshe muana wa mukoku wa tshidimu tshimue bua aulambule Maweja-Nangila, bu mulambu wa kuosha. Neamupeshe kabidi nkudimba nansha kamanda-nkutshi bu mulambu wa kukobolola nawu bantu.

Lewitiki 14:30

Mutuangaji angate nyunyi umue wa ku idi muntu mufile, kamanda-nkutshi nansha nkudimba,

Dibadika 5:6

bua amanyishe bena Izrayele ne: — Muntu yonsu, mulume nansha mukaji, udi wenzela mukuende bibi, neikale ne tshilumbu tshinene kudi Maweja-Nangila.

Dibadika 6:10

Dituku dia muanda mukulu neaye ne tumandankutshi tubidi nansha ne nkudimba ibidi kudi mutuangaji, mu mushiku wa ntenta wa kusambakena.

Dibadika 6:11

Mutuangaji nealambule nyunyi umue bua mulambu wa kudikobolola nawu, nyunyi mukuabu bua mulambu wa kuosha. Neakobolole muntu awu bua kumusha mikiya, bualu uvua musemene pabuipi ne tshitalu. Dituku adi, mutuangaji neamuambile ne: udi mua kudijidila tshiakabidi.

Lewitiki 27:8

“Padi muntu ukenga, kayi mupete mushinga uvuabu balomba, udi ne bua kufila muntu, uvuaye mutela ne: ngua dilaya awu, kudi mutuangaji. Nenku mutuangaji neatshinke mushinga udi mukengi ewu mua kufuta, bilondeshile dimona diende dia makuta.