Lewitiki 5:6 - MUKANDA WA MYIDI MUKULU

⁶ Kadi bua Mvidi Mukulu kumufuila luse ku bubi buvuaye muenze, udi ne bua kulambula Maweja-Nangila dishina dia mukoku nansha dishina dia mbuji. Bidi mulambu wa kudikobolola. Ke mudi mutuangaji mua kukobolola muena tshibawu amu mushindu ewu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ yeye neafile mulambu kudi Yehowa wa disambuka dia mikenji, nansha muana mukashi wa mukoko nansha muana mukashi wa mbushi, bu mulambu wa disambuka dia mikenji, ne muakuidi neafile mulambu bua kumubuikidila nʼau bubi buandi.

Lewitiki 5:6 交叉引用

Lewitiki 4:28

Padiye umanya bualu bubi buvuaye muenze, udi ne bua kudikobolola. Alambule Maweja-Nangila mbuji wa dishina, kayi ne bulema.

Lewitiki 4:32

“Padi muena tshibawu awu musue kulambula Maweja-Nangila mukoku, asungule amu mukoku mukaji udi kauyi ne bulema, bua Mvidi Mukulu amufuile luse.

Yezekiyele 42:13

Muntu kungambila ne: — Bibambalu bia luseke lua ku mutu kua nzubu ne bia luseke lua kuinshi kua nzubu, bidi bia tshijila. Batuangaji badi mua kubuela muaba wa tshijila wa Maweja-Nangila, badi badila milambu ya tshijila anu mu bibambalu ebi. Nanku bibambalu ebi bidi bijidila. Badi batekamu milambu ya tshijila menemene: ya biakudia, ne ya nyama ya milambu ya mishindu yonsu idibu bashipa, bua kudikobolola.

Yezekiyele 40:39

Ku tshimana tshia ku ndekelu kua tshibambalu tshinene, nseke yonsu ibidi, kuvua mesa abidi. Pa mesa apa bavua bakoselapu mitu ya nyama ivuabu balambula Maweja-Nangila bu milambu ya kuosha, nansha bu milambu mikuabu ya kudikobolola.

Lewitiki 6:6

Nanku kapia kikale katema anu kutema pa tshilambuilu kashidi, kakayi kajima.

Lewitiki 4:20

Alambule Maweja-Nangila mulambu awu, anu mushindu uvuaye ulambula ngombe mulume bua kudikobolola. Nanku mutuangaji akobolole bena Izrayele anu mushindu ewu, bua Mvidi Mukulu abafuile luse.

Dibadika 6:12

Muntu awu, neatuadije kabidi kudijidila. Nealambule muana wa mukoku wa tshidimu tshimue bua mulambu wa kudikobolola nawu. Matuku onsu avuaye mumane kudijidila awu, kabena baabale kabidi to, bualu mmamane kunyanguka.

Yezekiyele 44:27

Dituku didiye upingana mu lubanza lua munda mu nzubu wanyi, udi ulambula mulambu wa kudikobolola nawu. Ke meme Maweja-Nangila Mvidi Mukulu udi utuma diyi edi.

Lewitiki 4:31

Bumushe munyinyi wa mafuta onsu, bu mudibu benza bua mulambu wa bobumue. Mutuangaji awoshe pa tshilambuilu, bualu mmulambu wa dipembu dimpe didi disankisha Maweja-Nangila. Mutuangaji akobolole muena Izrayele awu anu mushindu ewu bua Mvidi Mukulu amufuile luse.

Lewitiki 4:35

Bumushe munyinyi wa mafuta onsu, bu mudibu benza bua mukoku wa mulambu wa bobumue. Mutuangaji awoshe pa tshilambuilu pamue ne milambu mikuabu idibu boshila Maweja-Nangila. Mutuangaji akobolole muena tshibawu awu mushindu ewu bua Mvidi Mukulu amufuile luse.