Lewitiki 4:6 - MUKANDA WA MYIDI MUKULU

⁶ Atue munu mu mashi awu, amiamine mashi misangu muanda mutekete ku luseke ludi lumueneka lua tshilamba tshidi tshilembeleja muaba wa tshijila udi Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

⁶ muakuidi neafue munu wandi mu mashi, neamiamine mashi misangu muanda mutekete ku mpala kua tshilulu tshikudika tshidi hankatshi ha nsubu wa tshitendelelu ku mesu kua Yehowa.

Lewitiki 4:6 交叉引用

Yoshua 6:8

Bionsu bivua bienzeka amu muvua Yoshuwa muambe. Batuangaji muanda mutekete bavua benda bela mpungi yabu kumpala kua mushete wa tshijila.

Yoshua 6:4

Batuangaji muanda mutekete nebadianjidile kumpala kua mushete wa tshijila. Mutuangaji yonsu neikale ne mpungi. Kadi dituku dia muanda mutekete, nenunyungulule tshimenga misangu muanda mutekete. Batuangaji nebikale benda bela mpungi.

Lewitiki 26:28

meme nennufikile munda, nnuluisha. Nemvudije dikenga dienu tshiakabidi misangu muanda mutekete.

Lewitiki 26:24

meme panyi nennubenge. Nemvudije tshiakabidi dinyoka dienu misangu muanda mutekete.

Lewitiki 26:18

“Padi bionsu ebi binuenzekela kanuyi nungitaba, nanku nemvudije makenga enu awu misangu muanda mutekete, bua malu mabi anudi benza.

Lewitiki 16:19

Neatue munu mu mashi awu, aamiamine ku tshilambuilu atshi misangu muanda mutekete, bua kujikija mikiya ivuaku, bua bubi bua bena Izrayele ne bua kutshijidila tshiakabidi.

Lewitiki 16:14

Arone atue munu mu mashi a ngombe mulume awu, aamiamine pa tshibuikidiji tshia mushete wa ndondu luseke ludi diba dipatukila luatshi. Atue kabidi munu, amiamine mashi kumpala kua mushete awu misangu muanda mutekete.

Lewitiki 14:18

Kadi mafuta makuabu adi mashale mu tshianza, mutuangaji neaele muntu awu mu mutu bua kumukobolola, kumpala kua Maweja-Nangila.

Lewitiki 14:27

pashishe atue munu wende watshianza tshia balume, udi mulonde tshiala mu mafuta adi mu tshianza tshia bakaji, amiamine mafuta awu ne munu wende misangu muanda mutekete kumpala kua Maweja-Nangila.

Lewitiki 14:16

Pashishe atue munu wende wa tshianza tshia balume, udi ulonda tshiala, mu mafuta adi mu tshianza tshiende tshia bakaji, amiamine mafuta awu ne munu misangu muanda mutekete kumpala kua Maweja-Nangila.

Lewitiki 9:9

Nanku, bana bende ba balume kumuambuilabu mashi. Arone kutua munu wende mu mashi awu, kualaba ku matumba matalame avua ku tshilambuilu. Pashishe kuitshikijaye mashi avua mashale kuinshi kua tshilambuilu.

Lewitiki 8:15

Moshe kukosa ngombe awu muminu, kutua munu mu mashi, kualaba ku matumba matalame avua ku tshilambuilu bua kumbusha mikiya. Pashishe kuitshikijaye mashi avua mashale kuinshi kua tshilambuilu. Ke muvua Moshe mujidile tshilambuilu bua tshikale muaba wa kulambuila milambu ya kukobolola nayi bantu.

Lewitiki 4:34

Mutuangaji atue munu mu mashi awu, aalabe ku matumba matalame adi ku tshilambuilu tshia milambu ya kuosha. Pashishe mashi onsu adi mashale, mutuangaji ayitshikije kuinshi kua tshilambuilu atshi.

Lewitiki 4:30

Mutuangaji atue munu mu mashi a mbuji awu, aalabe ku matumba matalame adi ku tshilambuilu tshia milambu ya kuosha. Pashishe mashi adi mashale, mutuangaji ayitshikije kuinshi kua tshilambuilu atshi.

Lewitiki 4:25

Mutuangaji atue munu mu mashi awu, aalabe ku matumba matalame adi ku tshilambuilu tshia milambu ya kuosha. Pashishe mashi adi mashale, ayitshikije kuinshi kua tshilambuilu atshi.

Lewitiki 4:17

Atue munu mu mashi awu, aamiamine misangu muanda mutekete ku luseke ludi lumueneka lua tshilamba tshidi tshilembeleja muaba wa tshijila udi Maweja-Nangila.

Dibadika 19:4

Elazare neatue munu mu mashi a ngombe awu, aamiamine mu mushiku wa mbelu wa ntenta wa kusambakena misangu muanda mutekete.

Lewitiki 25:8

“Nuindile bikondu muanda mutekete. Tshikondu tshionsu tshikale ne bidimu muanda mutekete. Mmumue ne: bidimu bionsu nebikale makumi anayi ne tshitema.

Ekesode 40:21

Moshe kuteka mushete awu muaba wa tshijila. Kulembeleja tshilamba pankatshi pa muaba wa tshijila ne muaba wa tshijila menemene, bua kujika mushete, bu muvua Maweja-Nangila muambile Moshe.

Ekesode 40:26

Kutekaye tshilambuilu tshia tshiamu tshia mpawungi mu ntenta amu. Tshilambuilu atshi tshivua kumpala kua tshilamba tshilembeleja.

Lewitiki 8:11

Kumiaminaye kabidi mafuta awu misangu muanda mutekete ku tshilambuilu, ne ku bintu bivuaku, ku dilongu dinene dia koweshila bantu mayi, ne ku tshitaku tshiadi.

Lewitiki 14:7

Pashishe amiamine mashi awu pambidi pa muena nsudi misangu muanda mutekete bua kumukobolola, wamba ne: ‘Muntu ewu kena ne mikiya.’ Nenku mutuangaji alekele nyunyi uvua mushale ne muoyi, aye mu tshisuku.