Lewitiki 22:9 - MUKANDA WA MYIDI MUKULU

⁹ “Batuangaji bakumbaje muabu muonsu bindi mubambile. Tshianana nebikale bena tshibawu, amu bua biakudia. Nebafue, bualu kabena balonda mikenji idi itangila bintu bia tshijila. Bualu meme ndi Maweja-Nangila, udi ujidila batuangaji bua bankuatshile mudimu.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Bobo nebatumikile dî dianyi, bua biahidiabo, nebadituadile bubi buabo, nebafue meme ndi Yehowa wakabajidila.

Lewitiki 22:9 交叉引用

Ekesode 28:43

Bilamba abi, Arone ne bana bende ba balume babivuale anu padibu babuele mu ntenta wa kusambakena, nansha padibu baye pabuipi ne tshilambuilu tshidi muaba wa tshijila bua mudimu wa butuangaji, nanku butaka buabu kabuakumueneka, kabuena bubakebela lufu to. Arone alame mukenji ewu kashidi ne ndelanganyi yende yonsu.

Dibadika 18:32

Nuenu bamane kundambula bidi bimpe ku bintu bionsu abi, kanuena nuenza tshilema panudi nuangata bidi bishala. Nanku kanuakunyanga milambu ya tshijila ya bena Izrayele to. Kanuakubunda tshibawu tshia lufu nansha.

Dibadika 18:22

Bena Izrayele bakuabu kabena mua kufika kabidi muaba wa tshijila to. Tshianana, badi mua kubunda tshibawu tshia lufu.

Lewitiki 22:16

Padi batuangaji badia bintu bia tshijila bia milambu, kabayi babikumbanyine, badi badibueja mu tshibawu. Bualu meme ndi Maweja-Nangila udi ujidila milambu.”

Lewitiki 16:2

“Ambila muanenu Arone kabuedi tshibuelabuela muaba wa tshijila menemene, panyima pa tshilamba tshidi tshijika mushete wa tshijila ne tshibuikidiji tshiawu to. Bualu yeye mubuele nanku, udi mua kufua musangu undi lumuenekela mu muinshi, udi pa mutu pa tshibuikidiji tshia mushete.

Matayi 23:17

Nudi bantu batshimbakane, bampofu! Tshidi ne mushinga mupite ntshinyi? Tshiamu tshia mpawungi, peshi nzubu wa Mvidi Mukulu, udi uvuija tshiamu tshia mpawungi etshi tshia tshijila?

Lewitiki 16:13

Muaba awu kumpala kua Maweja-Nangila, neele musenga wa manananshi mu mbabula. Muinshi wa manananshi awu, neubuikile mushete wa ndondu ne tshibuikidiji tshiawu. Nanku Arone kakufua to.

Lewitiki 18:30

“Nenku Meme Maweja-Nangila Mvidi Mukulu wenu, ndi ngamba ne: ‘Nutumikile mikenji yanyi, anu bu mundi munupayi. Kanuenji malu mabi, avuabu benza kudi bantu bavua badianjile kuasa mu ditunga edi. Nudilame bua kanupi mikiya.’ ”

Dielulula 11:1

Nunange Maweja-Nangila Mvidi Mukulu wenu, numuenzele mudimu, nukumbaje meyi ne mikenji yende.