Lewitiki 19:3 - MUKANDA WA MYIDI MUKULU

³ “Muntu yonsu wa kunudi anemeke tatuende ne mamuende, kabidi anemeke dituku dia Dikisha. Bualu Meme ndi Maweja-Nangila Mvidi Mukulu wenu.

Mukanda wa Nzambi Dihungila Dikulukulu ne Dihungila Dihia-dihia 2003

³ Muntu yonso atshine tatuʼandi ne mamuʼandi, nuvuluke matuku a lumingu ndi Yehowa, Nzambi wenu.

Lewitiki 19:3 交叉引用

Ekesode 20:12

“Nemeka tatuebe ne mamuebe, nanku neulale bidimu bia bungi pa buloba bundi meme Maweja-Nangila Mvidi Mukulu webe mukupeshe.

Ekesode 20:8

“Uwluke dituku dia Dikisha, udinemeke, bualu ndia tshijila.

Ebrewu 12:9

Tuvuluke batatuetu ba pa buloba! Bavua batunyoka, tuetu kubanemeka. Nenku tudi ne bua kutumikila Tatu wetu wa mu diulu bipitshidile, bua tuikale ne muoyi.

Nsumuinu 30:17

Padi muntu useka tatuende, nansha ubenga kuitaba ku diyi dia mamuende, bikololu nebimutonkole mesu, biminyi nebimudie.

Lewitiki 11:44

Meme ndi Maweja-Nangila Mvidi Mukulu wenu. Nuikale bantu ba tshijila, bualu meme ndi wa tshijila. Kanudinyangi nuenu ne bintu ebi bibi, bidi bilandala panshi, bualu nudi mua kupia mikiya.

Yeshaya 58:13

Maweja-Nangila udi wamba ne: “Panudi nulekela mudimu dituku dia Dikisha, nulekela kudienzela malu dituku dianyi dia tshijila, panudi nutangila dituku dia Dikisha bu dituku dia disanka, dia kungenzela mudimu, bu dituku dia kunnemeka, panudi nudinemekelamu bushiwa, nulekela mudimu, nubenga kudienzela malu, nubenga kuakula bia tshianana,

Nsumuinu 30:11

Kudi bantu badi batshipa batatuabu, bajana bamamuabu misangu yonsu.

Nsumuinu 23:22

Teleja tatuebe, bualu mmukulele. Kupepeji mamuebe pakadiye mukulakaje.

Dielulula 27:16

“Muntu yonsu udi kayi unemeka tatuende ne mamuende, asangane muena tshibawu kuenza anyi?” Bantu bonsu ne: “Enze!”

Ekesode 21:17

“Muntu udi wela tatuende nansha mamuende milawu, numushipe.

Ekesode 21:15

“Muntu udi utuuta tatuende nansha mamuende, numushipe.

Ekesode 16:29

Nuvuluke ne: ndi munupeshe dituku dia muanda mutekete bua dikale dia dikisha. Ke pandi munupeshe muladilu wa dituku adi, biakudia bikumbane bua nuenu kudia matuku abidi. Nanku, lekelayi kuendakana dituku dia muanda mutekete. Muntu yonsu asombe ku mbelu kuende.

Malaki 1:6

— Meme Maweja-Nangila wa bukole buonsu, ndi ngambila batuangaji ne: Muana wa balume udi unemeka tatuende, muena mudimu udi unemeka mfumuende. Kadi meme tshiena tatuenu anyi? Tshiena mfumuenu anyi? Nanku kanuena nunnemeka, kanuena nuntshina bua tshinyi? Nudi numpetula, nunkonka ne: “Tudi bakupetule munyi?”

Yezekiyele 20:12

Mvua muele diyi kabidi bua banemeke dituku dia Dikisha, bua kuleja diumvuangana didi pankatshi panyi nabu, bua kubavuluija kabidi ne: meme Maweja-Nangila ndi mubajidile bua bangenzele mudimu.

Lewitiki 26:2

“Nuikishe dituku dia Dikisha. Nunemeke muaba wanyi wa tshijila. Bualu ndi Maweja-Nangila.

Nsumuinu 1:8

Muananyi, uteleje tshidi tatuebe ukulongesha. Kupetudi mibelu ya kudi mamuebe.

Lewitiki 19:30

Nuikishe dituku dia Dikisha, nunemeke muaba wanyi wa tshijila. Bualu meme ndi Maweja-Nangila.

Lewitiki 23:3

“Nuenze mudimu matuku asambombu, kadi dituku dia muanda mutekete dikale dituku dia Dikisha, dia tshijila. Nuikishe, nudisangishe bua kuntumbisha meme Maweja-Nangila, miaba yonsu inudi basombe. Kanuena ne bua kukuata mudimu dituku adi to.

Dielulula 5:16

“Muntu yonsu wa kunudi anemeke tatuende ne mamuende, mundi munuambile. Nanku nenuikale bena diakalenga mu ditunga, dindi meme Maweja-Nangila Mvidi Mukulu wenu munupeshe bua nushalemu ne muoyi matuku a bungi.

Genese 48:12

Yozefe kumbusha bana pambidi pa tatuende, kuinyikaye mutu panshi.

Lewitiki 19:25

Kadi biangatshile mu tshidimu tshitanu, nudi mua kutuadija kudia bimuma. Nuenu benze nanku, biakudia bienu nebivulangane. Bualu meme ndi Maweja-Nangila Mvidi Mukulu wenu.

Lewitiki 19:31

“Kanubuelakanyi ne bantu badi babuka bua kumvua tshidi bakishi bamba. Nuenu benze nanku, nenupie mikiya. Bualu meme ndi Maweja-Nangila Mvidi Mukulu wenu.

Lewitiki 19:34

Kadi, nusombe nende bu muena ditunga. Numunange, munudi nudinanga. Nuvuluke ne: nuvua benyi mu ditunga dia Ejipitu. Meme ndi Maweja-Nangila Mvidi Mukulu wenu.

Nehemya 9:14

Wewe kubaleja mudi dituku dia Dikisha dikale dituku diebe wewe, dituku dia tshijila. Wewe kubamanyisha mikenji yebe mikuabu, mukana mua Moshe, muntu webe.