Lewitiki 15:5 - MUKANDA WA MYIDI MUKULU

⁵ Kabidi muntu yonsu udi ulenga bulalu abu, asukule bilamba biende, wowe mayi. Kadi neikale mupie mikiya too ne ku dilolu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Muntu yonso udi ulenga bulalu buandi tshianza neuvuwe bilulu biandi, neadioweshe ne mai, neikale mukoya tô ne dilolo.

Lewitiki 15:5 交叉引用

Lewitiki 11:25

Padi muntu wambula nyama ayi mimane kufua, nansha yeye musukule bilamba biende, utshidi amu ne mikiya too ne ku dilolu.

Lewitiki 17:15

“Padi muena Izrayele, nansha muenyi udi munkatshi muabu, udia munyinyi wa nyama mudifuile nansha mushipa kudi nyama mukuabu wa mu mpata, muntu awu neasukule bilamba biende, wowe mayi pambidi. Kadi neikale mupie mikiya too ne ku dilolu. Pashishe mikiya yende neyijike.

Lewitiki 16:26

“Nenku muntu uvua muye kushiya mbuji wa mpumbu wa Azazele mu tshipela, bangabanga ne kupingana mu mitanda, anji kusukula bilamba, wowe mayi.

Didimanyisha 7:14

Meme kumuandamuna ne: — Mfumu wanyi, tshiena mumanye. Amu wewe ke udi mua kumanya. Ke kungambilaye ne: — mBantu bavuabu bakengeshe bikole, kadi kabayi bateketa. Bavua basukule mintumpu yabu, bayitokeshe mu mashi a Muana wa mukoku.

Yakobe 4:8

Semenayi kudi Mvidi Mukulu. Nanku Yeye neasemene kunudi. Nuenu bena mibi, owayi bianza bienu. Nuenu bena mpala ibidi, shindikayi mioyi yenu kudi Mvidi Mukulu nkayende!

Ebrewu 10:22

Nenku tusemenayi kudi Mvidi Mukulu ne muoyi umue, bashindame mu ditaba dietu, bamane kulengeja muoyi wetu ku bilema bionsu bidi kondu ketu ka munda katupisha nabi, bamane kuowesha mubidi wetu ne mayi mimpe.

Ebrewu 9:26

Patupu, uvua mua kumvua makenga misangu ya bungi katshia bafuke buloba. Kadi Kristu mmumueneke mpindiewu, matuku a ku nshikidilu musangu amu umue bua kudilambula bu mulambu wa kujimija bubi.

Ebrewu 9:14

Pikalabi nanku, kadi mashi a Kristu neikale ne bukole kaayi? Neikale ne bukole bupite. Ku bukole bua Mueyelu wa tshiendelele, uvua mudilambule nkayende kudi Mvidi Mukulu bu mulambu kauyi kalema. Nanku mashi ende neumushe mu muoyi wetu malu onsu a tshianana, bua tumone mua kuenzela Mvidi Mukulu wa muoyi mudimu.

Yezekiyele 36:29

Nengumushe bubi buonsu pambidi penu. Tshiena nnutumina kabidi tshiyole tshia nzala to. Kadi nemmeneshe ntete mimpe ya kuenza bukula. Nennupeshe bintu bia bungi mu madimi enu.

Yezekiyele 36:25

Nennupumuine mayi matoke pambidi penu bua kunumusha mikiya. Eyowa, nennumushe bubi buenu buonsu, ne bukoya bunuvua bapete pa kutendelela mvidie mikuabu.

Yeshaya 22:14

Kadi Maweja-Nangila muena bukole buonsu, uvua mungambile ne: “Ndi nditshipa, tshiena ndekela tshilema etshi, amu nuenu bamane kufua.” Maweja-Nangila, Mvidi Mukulu muena bukole buonsu udi ujadika nanku.

Yeshaya 1:16

Dilongololayi, nudikobolole, nubenge buenzayi, tshibumvu kabidi nansha. Kanuenji kabidi bibi to.

Misambu 51:7

Eyowa, ndi muenji wa malu mabi, katshia bandela, muena tshibawu, katshia bangimita.

Misambu 51:2

Musambu ewu mmusake tshikondu tshivua muambi Natane mumonangane ne Davide, yeye mumane kubuelela Batsheba mu nzubu.

Misambu 26:6

Nengowe bianza, ndeja ne: tshiena ne bualu. Maweja-Nangila, nentendelele, nyungulukile tshilambuilu tshiebe.

Dibadika 19:22

Tshidi muntu udi ne mikiya ulenga tshidi tshipia mikiya. Muntu mulenge muntu udi ne mikiya, udi ushala pende ne mikiya too ne ku dilolu.”

Dibadika 19:10

Muntu udi wangata butu bua ngombe mukunze awu, neasukule kabidi bilamba biende. Kadi udi ne mikiya too ne ku dilolu. Bena Izrayele ne benyi badi munkatshi muabu, bakumbaje mikenji eyi kashidi.

Lewitiki 16:28

Muntu uvua muye kuosha bintu abi, neasukule bilamba biende, wowe mayi pambidi bua kupingana mu mitanda.

Lewitiki 14:27

pashishe atue munu wende watshianza tshia balume, udi mulonde tshiala mu mafuta adi mu tshianza tshia bakaji, amiamine mafuta awu ne munu wende misangu muanda mutekete kumpala kua Maweja-Nangila.

Lewitiki 13:34

Padi matuku awu muanda mutekete ajika, mutuangaji neakenkete muntu awu tshiakabidi. Padiye usangana mputa ya bilundu kayiyi mitampakane mutu mujima, kayiyi miondoke, mutuangaji neambe ne: muntu ewu kena mupie mikiya to. Nanku muntu uvua ne disama, neasukule anu bilamba biende bua kikadi ne mikiya to.

Lewitiki 13:6

Pashishe, dituku dia muanda mutekete, mutuangaji neakonkonone muntu awu tshiakabidi. Padiye usangana dikeji dienda dikepela, kadiyi ditampakane pambidi, mutuangaji neajadike ne: muntu awu uvua amu ne tshiuja. Mutuangaji neambe ne: muntu awu kena ne mikiya to. Nanku muntu awu neasukule amu bilamba biende bua kikadi ne mikiya.

Lewitiki 11:32

Kadi padi kanyama kamue ka ku tunyama etu kapona, kafuila mu tshintu bu mudi: luvu, tshilamba, tshiseba nansha tshibombi, badi ne bua kusukula tshintu atshi. Kadi, tshidi ne mikiya too ne ku dilolu, pashishe mikiya idi ijika.

Lewitiki 11:28

Muntu yonsu udi uyambula, padiyi mifue, nansha yeye musukule bilamba biende, utshidi anu ne mikiya too ne ku dilolu.

Ekesode 19:10

Maweja-Nangila kuambila Moshe ne: — Pingana kudi bantu, ubambile ne: “Lelu ne malaba numushe mikiya, nusukule kabidi bilamba bienu.”

Lewitiki 15:4

Muaba onsu udi muntu awu usomba, nansha bulalu budiye ulala, bidi anu bipia mikiya.

Lewitiki 15:6

Muntu yonsu udi usomba pa tshintu tshivua muena disama musombe, neasukule bilamba biende, wowe mayi. Kadi neikale mupie mikiya too ne ku dilolu.

1 Samuele 20:26

Dituku adi, Shawule kena muebeje bualu to. Uvua wela meji ne: Davide kena mufike, bualu udi mua kuikala ne mikiya ya mu mpukapuka.

Lewitiki 11:24

“Nyama mikuabu idi ipetesha muntu mikiya too ne ku dilolu, padiye uyilenga, yoyi mimane kufua.

Lewitiki 15:18

“Padi mulume mubuelele mukaji mu nzubu, bonsu babidi nebowe mayi mubidi mujima. Kadi nebikale bapie mikiya too ne ku dilolu.