Lewitiki 10:12 - MUKANDA WA MYIDI MUKULU

¹² Pashishe Moshe kuambila Arone ne bana bende ba balume babidi, Elazare ne Itamare, bavua bashale ne muoyi ne: — Angatayi bukula budi bushale bua ku mulambu uvuabu balambula Maweja-Nangila. Nuenze nabu mampa kaayi mela buanga. Kadi nuadile pabuipi ne tshilambuilu, bualu adi biakudia bia tshijila menemene.

Mukanda wa Nzambi Dihungila Dikulukulu ne Dihungila Dihia-dihia 2003

¹² Mose wakambila Alona ne Eleaza ne Itama, bana bandi balume bakadi bashala, ne, Nuangate mulambu wa bukula udi ushala munkatshi mua milambu idibo boshila Yehowa ha kahia, nûdie ne bintu bidi kabiyi ne luevene hehi ne tshioshelu, bualu bua tshintu etshi ntshintu tshia tshijila,

Lewitiki 10:12 交叉引用

Lewitiki 21:22

Kadi muntu awu, udi mua kudia biakudia bidibu bandambula, nansha biobi bia tshijila menemene, nansha bia tshijila.

Yezekiyele 44:29

Nebadie milambu ne minyinyi ya nyama idibu bafila bua milambu ya kudikobolola. Bintu bionsu bidi bena Izrayele bantekela, mbia batuangaji.

Lewitiki 7:9

Padi mulambu wa bintu bia mu madimi bioshe muiku, bilambe mu luesu, nansha bikange pa dilata, bintu ebi nebishale bia mutuangaji uvua mulambule mulambu awu.

Ekesode 29:2

Wangate bukula bua ntete, wenze mampa adi kaayi mela buanga ne mikata mikanga ne mafuta, kayiyi miela buanga. Wangate kabidi tukata tubidi tupepele tukanga ne mafuta, kadi katuyi tuela buanga.

Ekesode 6:23

Arone uvua musele Elisheba muana wa Aminadabe. Elisheba awu uvua muanabu ne Nashone. Elisheba kulela bana ba balume banayi: Nadabe, Abiku, Elazare ne Itamare.

Lewitiki 10:13

Kabidi nudi mua kuadila amu muaba wa tshijila. Tshitupa tshia milambu ivuabu balambula Maweja-Nangila etshi, ntshienu nuenu batuangaji, bu mu-vua Maweja-Nangila mungambile.

Dibadika 3:2

Arone uvua ne bana ba balume banayi: Nadabe, muanabute, Abiku, Elazare ne Itamare.

Ekesode 29:33

Batuangaji nkayabu ke badi mua kudia bintu abi, bualu bivua bibajidila nabi, kabidi bibabanjija nabi bua kubakobolola. Nanku, muntu mukuabu kena mua kudia biakudia abi to, bualu mbia tshijila.

Lewitiki 24:9

Arone ne bana bende ba balume nebangate mikata ayi, bua kuyidila pa muaba kampande wa tshijila. Kadi mikata ayi idi amu ya Arone ne bana bende ba balume, bualu idi ya tshijila menemene, ivuabu bamane kundambula meme, Maweja-Nangila. Mikata ayi idi yabu bua kashidi.”

2 Kulondolola 31:14

Tshiibi tshia ku luseke ludi diba dipatukila lua nzubu wa Mvidi Mukulu, bavua batshilame kudi muena Levi mukuabu, dina diende Kora, muana wa Imna. Muena levi awu uvua ne mudimu kabidi wa kuangata milambu ya budisuileivua bantu balambula Mvidi Mukulu, ne wa kuabanya bintu bia ku milambu ya tshijila, ne bia ku milambu ya tshijila menemene.

Ezela 7:5

Buki uvua muana wa Abishuwa, Abishuwa uvua muana wa Pinase, Pinase uvua muana wa Elazare, Elazare uvua muana wa kumpala wa Arone, mutuangaji munene.