Lewitiki 1:13 - MUKANDA WA MYIDI MUKULU

¹³ Bia munda ne bikonu babisukule mu mayi. Mutuangaji abiele mulu, abinyukule, abioshile bionsu Maweja-Nangila pa tshilambuilu, bualu mmulambu wa kuosha, udi ne dipembu dimpe didi disankisha Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

¹³ kadi neuvuwe bintu bia munda ne bioku ne mai, ne muakuidi neoshile bintu bionso ha tshioshelu bu mulambu wa kuosha ha kahia bu tshintu tshidi tshitua dihembu kudi Yehowa.

Lewitiki 1:13 交叉引用

Lewitiki 1:9

Kadi, bia munda bionsu, ne bikonu bia ngombe, babisukule mu mayi. Pashishe mutuangaji abioshe pamue ne munyinyi onsu udi pa tshilambuilu, bua dipembu dimpe dia mulambu wa kuosha disankishe Maweja-Nangila.

Lewitiki 2:11

“Kadi, kanuena mua kuela buanga bua mampa mu mulambu nansha umue unudi nulambula Maweja-Nangila to. Panudi nulongolola mulambu wa kuoshila Maweja-Nangila, kashidi kenu kanuena mua kuelamu buitshi, nansha buanga bua mampa to.

Lewitiki 4:31

Bumushe munyinyi wa mafuta onsu, bu mudibu benza bua mulambu wa bobumue. Mutuangaji awoshe pa tshilambuilu, bualu mmulambu wa dipembu dimpe didi disankisha Maweja-Nangila. Mutuangaji akobolole muena Izrayele awu anu mushindu ewu bua Mvidi Mukulu amufuile luse.

Dibadika 15:4

Muntu yonsu udi undambula nyama, neasakidile kabidi ne mulambu wa bintu bia pa madimi: kilo isatu ya bukula, budibu basambakaje ne litre umue ne tshitupa wa mafuta.

Dibadika 28:11

“Dituku dia kumpala dia ngondu yonsu, nungoshile meme Maweja-Nangila ngombe milume ibidi, mukoku wa tshimpanga, ne bana ba mikoku muanda mutekete, badi bamane kukumbaja tshidimu tshijima. Bimuna bionsu abi, kabikadi ne bulema pambidi to.

Dielulula 12:27

Pikala mulambu awu wa kuosha, nulambule munyinyi ne mashi pa tshilambuilu tshia Maweja-Nangila Mvidi Mukulu wenu. Kadi pikalawu wa bobumue, nuele mashi pa tshilambuilu tshia Maweja-Nangila, pashishe nudie munyinyi.

Genese 8:21

Mulambu kununkilawu Maweja-Nangila mupuya muimpe. Kununganaye wamba ne: “Nansha bantu bikale anu ne meji mabi biangatshile ku buana buabu, kadi tshiena ntshipa buloba kabidi bua buenzayi bua muntu. Tshiena mua kubutula bionsu bidi ne muoyi musangu muibidi bu mumvua muenze emu.

Lewitiki 2:2

Aye nabi kudi batuangaji, bana ba Arone. Mutuangaji ambule dianza dia bukula budi ne mafuta, ambule kabidi musenga wa kamonya onsu. Abioshe bionsu pa tshilambuilu. Bualu bidi mulambu wa tshivulukilu, udi ne dipembu dimpe didi disankisha Maweja-Nangila.

Lewitiki 3:5

Batuangaji boshe munyinyi onsu ewu pa tshilambuilu, pamue ne mulambu wa kuosha, bualu udi mulambu wa dipembu dimpe didi disankisha Maweja-Nangila.

Lewitiki 6:14

Bukula abu, buikale busambakaja ne mafuta, bukanga pa dilata bua kuenza mukata. Pashishe bangabanga ne kulambula Maweja-Nangila mukata awu, wikale mukosolola bitupa, bualu mmulambu wa dipembu dimpe didi disankisha Maweja-Nangila.

Lewitiki 8:21

Kusukulaye bia munda ne bikonu mu mayi. Kubishaye ne munyinyi wa nyama uvua mushale pa tshilambuilu. Bualu mmulambu wa kuosha, udi ne dipembu dimpe didi disankisha Maweja-Nangila.

Dibadika 15:3

nungoshile nyama mijima bua kundambula. Nundambule kabidi milambu ya bobumue. Nuenze nanku bua kukumbaja malaya, nansha anu ku budisuile buenu, nansha kabidi bua bibilu. Milambu ayi, ikale ya ngombe, mbuji nansha mikoku. Nenganyishe mupuya muimpe wayi.

Dibadika 28:8

Muana wa mukoku udi mushale, uundambule dilolu, padi diba dibuela, pamue ne bintu binuvua basakidile dinda. Nanku dipembu dia mulambu wa kuosha awu nedinsankishe.

2 Kulondolola 4:6

Kuenzabu malongu manene dikumi a tshiamu tshikunze. Kutekabu malongu atanu ku dia balume dia nzubu wa Mvidi Mukulu, atanu ku dia bakaji, bua kuowelamu mayi. Bavua basukuilamu milambu ya kuosha, ivuabu balambula. Mayi avua mu dilongu dinene dia tshijengu, batuangaji ke bavua bawowa.

Yezekiyele 40:38

Ku tshiibi tshia ku mutu wa nzubu kuvua tshibambalu tshikuabu tshivua tshilamatangane ne tshibambalu tshinene. Ke muaba uvuabu basukuila minyinyi ya nyama ivuabu bashipa bua kuyilambula Mvidi Mukulu bu milambu ya kuosha.