Genese 9:20 - MUKANDA WA MYIDI MUKULU

²⁰ Nowa ke tshidime wa kumpala uvua mukuna mitshi ya maluvu.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Noa wakabanga kuikala tshidime ne yeye wakakuna mitshi ya tumuma tukese.

Genese 9:20 交叉引用

Muambi 5:9

Muntu udi munange biuma, katshia kena muanyishe bidiye mumane kupeta to. Udi musue kunema, kakupeta bionsu bidiye ujinga to. Ebi kabidi kabiena ne bua nsongu nansha.

Nsumuinu 24:30

Dimue dituku, mvua mupitshile pabuipi ne budimi bua mvinyo bua muena lulengu mububakane,

Nsumuinu 12:11

Muntu udi udima budimi buende neikale ne biakudia bia bungi. Kadi muntu udi udidinga udi upanga malu.

Nsumuinu 10:11

Miaku ya muntu muakane idi mpokolu wa muoyi. Miaku ya muntu mubi idi ijuula mvita.

Dielulula 28:30

Pikala muena Izrayele mubangile mukaji, nebabuelele mukaji awu mu nzubu kudi muntu mukuabu. Muntu muase nzubu, kakulalamu to. Yeye mukune mitshi ya mvinyo, kakupola tumuma tuende tua tshianyi nansha musangu umue.

Dielulula 20:6

Pikala muntu wa munkatshi muenu mukune mitshi ya mvinyo, kayi muanji kupolaku bimuma bia tshianyi, apingane kuende. Bualu udi mua kufua mu mvita, muntu mukuabu kuvua kupola bimuma abi.

Genese 5:29

Kumuinyikaye ne Nowa, wamba ne: — Muana ewu neatusambe ku mudimu mukole wetu wa bianza utudi tukuata, bualu Maweja-Nangila uvua mutshipe buloba.

Genese 4:2

Pashishe kulelaye kabidi Ebele muakunyi wa Kayine. Ebele uvua mulami wa mikoku, Kayine uvua tshidime.

Genese 3:23

Maweja-Nangila Mvidi Mukulu kuipata muntu mu lupangu lua Edene bua aye kudima buloba, bualu buloba ke buvuaye mumufuke nabu.

1 Korente 9:7

Katshia nukadi bumvue bamba ne: musolayi udi mua kudifuta bua mudimu udiye wenza mu mvita anyi? Muntu udi ne budimi bua mvinyo, kena mua kudia tumuma tua mu budimi abu anyi? Udi ulama mikoku, kena mua kunua mabele ayi anyi?

Musambu wa Solomo 1:6

Kanukemi bua bufiike buanyi, bualu munya mmumfiikishe nenku. Bana betu ba balume mbangumvuile lukinu, mbanteke bua kubalamina madimi a mvinyo. Kadi buanyi budimi bua mvinyo, tshivua ne mushindu wa kubulama nansha.

Genese 9:19

Bantu bonsu ba pa buloba mbafume anu kudi bana aba basatu ba Nowa.

Genese 9:21

Nowa uvua munue maluvu mukuatshike. Kulalaye mu nzubu muende butaka.