Genese 50:9 - MUKANDA WA MYIDI MUKULU

⁹ Mu njila amu, bavua kabidi ne musumba wa bantu babande pa tubalu ne matempu.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Bantu bakadi benda mu makalu ne ha nyima ha tubalu bakaya nʼandi, tshisumbu tshinene be.

Genese 50:9 交叉引用

Bienzedi 8:2

Bantu balamatshi ba Mvidi Mukulu kujika Stefane. Kudilabu bikole bua lufu luende.

Musambu wa Solomo 1:9

Munanga wanyi, ndi nkufuanyikija ne nyama muimpe wa kabalu mukaji, udi ukoka ditempu dia lumu dia mukalenga wa bena Ejipitu.

2 Bakalenga 18:24

Kadi, wewe kuena mua kunyemesha mulombodi wa bena mvita ba mfumuanyi nansha umue, nansha yeye kayi mumanye mvita to. Wewe udi mutekemene anu kudi bena Ejipitu bua kumupeshabu matempu a mvita ne nyama ya tubalu!

Ekesode 14:28

Mayi awu kubutula matempu ne bavua babanda pa tubalu bia tshiluilu tshijima tshia mukalenga wa bena Ejipitu, tshivuabu balonda natshi bena Izrayele mu mayi. Muntu nansha umue wa bena Ejipitu kena mupande to.

Ekesode 14:17

Nempeshe bena Ejipitu muoyi mukole wa tshitunu bua banulonde. Pashishe meme nendeje butumbi buanyi. Nembutule mukalenga wa bena Ejipitu ne tshiluilu tshiende tshijima, matempu ne badi babanda pa tubalu.

Ekesode 14:7

Kuangataye matempu onsu a mu Ejipitu, kadi nangananga matempu mimpe nkama isambombu. Ditempu dionsu divua ne muendeshi ne bena mvita kabidi.

Genese 46:29

Yozefe kuangata ditempu diende, kuya mu Ngoshene bua kumonangana ne tatuende. Bamonangana, Yozefe kupukila tatuende, kudila musangu mule, mumuele mu tshitupa.

Genese 41:43

Kumubandishaye mu ditempu divuabu babande amu kudi tshindonda tshiende. Bantu bavua banyema badianjidila kumpala kuende, bela mbila, bamba ne: “Mushilayi njila, apite”. Ke muvua Yozefe mupete bumfumu bua ditunga dijima dia bena Ejipitu nanku.

Genese 50:8

bena diku dia Yozefe bonsu, bana babu ne Yozefe, ne bena diku bakuabu ba tatuende. Nanku mu Ngoshene muvua mushale amu bana batekete ne bimuna.

Genese 50:10

Bafika mu Ngorene-Atade, dishiya dia musulu wa Yardene, kujukulabu miadi mikole. Yozefe kuenza madilu a tatuende matuku muanda mutekete. Tshibilu tshivua tshinene.