Genese 50:11 - MUKANDA WA MYIDI MUKULU

¹¹ Bena ditunga dia Kenaane bamona madilu mu Ngorene-Atade, kukemabu bamba ne: — Aa mmadilu manene a bena Ejipitu! Ke padibu babikila muaba awu ne: Abele-Misrayime, mmumue ne: muaba wa madilu a bena Ejipitu.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Hakatangila bena buloba, Bena Kanana mene, madilu makole a ku tshituilu tshia Atada, bakambilangana ne, Â mmadilu makole a Bena Ejipitu, nunku bakidika muaba au ne, Abele-miselayima, udi dishiya dia Yadene.

Genese 50:11 交叉引用

Genese 24:6

Abrahame kuandamuna ne: — Wamanya, kuena mua kuya ne muananyi kuetu to.

1 Samuele 6:18

Kadi, mpuku ya tshiamu tshia mpawungi ivua bungi bupite, bilondeshile bungi bua bimenga bidi ku bumfumu bua bamfumu batanu ba bena Peleshete. — Nanku dibue dinene divu mu budimi bua Yoshuwa, muena mu Bete-Shemeshe, muaba uvuabu bateka mushete wa Maweja-Nangila, ditshidipu too ne mpindiewu, bua bantu bikale bavuluka bualu ebu.

Dielulula 11:30

(Mikuna eyi idi dishiya dia musulu wa Yardene, dishiya dia njila udi luseke ludi diba dibuelela lua musulu, mu ditunga dia bena Kenaane badi basomba mu tshibandabanda tshia Yardene. Mikuna eyi idi pabuipi ne mitshi ya nsanga ya tshijila ya mu Moreya, idi mitangilangane ne Ngilgale.)

Dielulula 3:27

Banda ku lusongu lua mukuna wa Pisga, ukenzakane nseke yonsu: ku mutu kua ditunga, kuinshi kuadi, luseke ludi diba dipatukila, ne ludidi dibuelela. Kadi ujadike, umanye ne: kuena usabuka musulu wa Yardene to.

Dielulula 3:25

Anyisha, nsabuke musulu wa Yardene, bua meme kumonaku ditunga dimpe dialabale dia mikuna, didi dishiya dia musulu, kabidi ne mikuna ya Lebanone.”

Genese 50:10

Bafika mu Ngorene-Atade, dishiya dia musulu wa Yardene, kujukulabu miadi mikole. Yozefe kuenza madilu a tatuende matuku muanda mutekete. Tshibilu tshivua tshinene.

Genese 34:30

Ke Yakobe kuambila bana bende Shimeyone ne Levi ne: — Nuangenzedi bibi, nuamfuishi bundu kudi bena Kenaane ne kudi bena Perizi. Tuetu tudi bakese, bobu badi ba bungi. Badi mua kudisanga, kumbutala ne bianyi bionsu bindi nabi.

Genese 13:7

Ke matandu kujuka pankatshi pa balami ba bimuna bia Abrame ne balami ba bia Lote. (Tshikondu atshi, bena Kenaane ne bena Perizi batshivua mu ditunga adi.)

Genese 50:12

Bana ba Yakobe kuenza bionsu amu muvua tatuabu mubashila diyi.