Genese 49:16 - MUKANDA WA MYIDI MUKULU

¹⁶ Dane neikale mfumu wa tshisamba tshiende, netshikale bu bisamba bikuabu bia Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Dana nealumbuluile bantu bilumbu biabo, bu tshimue tshia mu bisamba bia Bena Isalele.

Genese 49:16 交叉引用

Dielulula 33:22

Moshe kuela Dane lupemba, wamba ne: “Dane udi utupika bu muana wa ntambue, ufuma ku mikuna ya mu Bashane.”

Genese 30:6

Rakele kuamba ne: — Mvidi Mukulu mmumbingishe. Wateleji dilomba dianyi, wampeshi muana wa balume. Rakele kuinyika muana awu dina ne: Dane.

Balombodi 15:20

Shimeshone uvua mushale mulombodi wa bena Izrayele bidimu makumi abidi, mu tshikondu tshivua bena Peleshete ne bumfumu.

Balombodi 13:2

Mu tshimenga tshia Sora, muvua muntu uvuabu binyika ne: Manowa. Uvua wa mu tshisamba tshia Dane. Mukajende kavua mulele muana nansha umue to.

Dibadika 10:25

Tshiluilu tshivua ku diyi dia tshisamba tshia Dane kulonda muaba wa ndekelu, bena mvita bambula dibendela diabu. Akiyezere, muana wa Amishadayi, ke uvua ulombola bena Dane.

Genese 49:15

Isakare mmumone ne: muaba undi ndala mmuimpe, ditunga dindi nsomba ndilenga. Udi wambula majitu pa makaya, wenza mudimu bu mupika.

Genese 49:17

Dane udi bu nyoka udi mu njila, bu nyoka wa ntoke ku mpenga kua njila: nyoka udi usuma kabalu mu lutambiku lua tshibelu. Udi mubandapu udishinda, ubunguluka.