Genese 48:20 - MUKANDA WA MYIDI MUKULU

²⁰ Dituku adi Yakobe kuela bana abu lupemba, wamba ne: — Bua kujingila bantu diakalenga, bena Izrayele nebatele mena enu, bamba ne: “Mvidi Mukulu anusankishe bu muvuaye musankishe Efrayime ne Menashe!” Ke muvua Yakobe muteke Efrayime kumpala kua Menashe nanku.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Yeye wakabavudishila disanka dituku adi, wamba ne, Isalele neavudishile bakuabo disanka bualu buenu, neambe ne, Nzambi anuvuishe disanka dia Efelayima ne dia Manashe, yeye wakateka Efelayima ku mpala kua Manashe.

Genese 48:20 交叉引用

Genese 24:60

Baledi ba Rebeka kumuela lupemba, bamba ne: “Wewe muanetu wa bakaji, Ulele balume, ulele bakaji ba bungi. Ndelanganyi yebe inyenge bimenga bia bena lukuna bayi!”

Genese 28:3

Mvidi Mukulu wa bukole buonsu akuele lupemba mu dibaka diebe. Ulele bana ba bungi, ushale nkambua wa bisamba bivule.

Dibadika 13:16

Bantu aba, ke bavua Moshe mutume bua kutentekela ditunga dia Kenaane. Nanku, Moshe kuinyika Osheya, muana wa Nune, dina dia Yoshuwa.

Dibadika 13:11

Ngadi, muana wa Sushi, wa mu tshisamba tshia Menashe, muana wa Yozefe.

Dibadika 13:8

Osheya, muana wa Nune, wa mu tshisamba tshia Efrayime.

Ebrewu 11:21

Amu bua ditaba, Yakobe utata muele bana bonsu babidi ba Yozefe lupemba pavuaye upunga ne lufu. Utata mueyemene ku lusongu lua dikombu diende, utendelela Mvidi Mukulu.

Genese 48:21

Pashishe Yakobe kulaya Yozefe, umuambila ne: — Nkadi mikolu ku tshiina. Kadi Mvidi Mukulu neanulame, anupingaje mu ditunga dia bankambua benu.

Yoshua 17:14

Ndelanganyi ya Yozefe kukonka Yoshuwa ne: — Maweja-Nangila mmumane kutuela lupemba bua tuvulangane. Kadi udi utuabanyina tshitupa tshia ditunga amu tshimue bua tshinyi?