Genese 47:29 - MUKANDA WA MYIDI MUKULU

²⁹ Yakobe umvua ne: diba dia lufu diakumbanyi, kubikilaye muanende Yozefe, umuambila ne: — Pawikala munnange, kunjiki mu Ejipitu nansha. Kuata muinshi mua tshibelu tshianyi, uditshipe bua kundeja muudi munnange ne mundamate.

Mukanda wa Nzambi Dihungila Dikulukulu ne Dihungila Dihia-dihia 2003

²⁹ Dituku dia lufu lua Isalele diakalua ha buihi, Wakabikila muanʼandi Yosefe, wakamuambila ne, Bingikala ne luse ku mesu kuebe, ulenge tshianza tshiebe muinshi mua tshibelu tshinyi, uditshihe bua kungenzela malu mimpe ne a bushuwa, ndi nkutendekena ne, Kabanjiki mu Ejipitu.

Genese 47:29 交叉引用

Dielulula 31:14

Maweja-Nangila kuambila Moshe ne: — Ukadi pa kufua. Bikila Yoshuwa. Nufike nende kumpala kua ntenta wa kusambakena, bua mmumanyishe mikenji yanyi. Moshe ne Yoshuwa kuya ku ntenta wa kusambakena.

Genese 24:49

Mpindiewu panuikala bitabe bua kukumbaja dijinga dia mfumuanyi, nansha panuikala babenge, nungambile patoke bua mmone tshindi mua kuenza.

Genese 24:2

Dituku dikuabu Abrahame kuambila muena mudimu mukulumpe wa ku bena mudimu bende ne: — Kuata muinshi mua tshibelu tshianyi,

1 Bakalenga 2:1

Mukalenga Davide umvua ne: nkadi pa kufua, kubelaye muanende Shelomu, umuambila ne:

Ebrewu 11:22

Amu bua ditaba, Yozefe pakavuaye pa kufua, uvua umanyisha bena Izrayele muvuabu ne bua kupatuka mu Ejipitu. Utata ubaleja kabidi bivuabu ne bua kuenza ne mifuba yende.

Ebrewu 9:27

Muntu yonsu udi ne bua kufua musangu umue. Kunyima kua lufu, Mvidi Mukulu neamulumbuluishe.

Misambu 89:48

Umvuluke, matuku anyi a panu adi makese! Badi mua kuamba ne: udi mufuke bantu bua patupu!

Misambu 49:9

Mushinga wa muoyi wa muntu mmupite. Bidiye mua kufuta kabiena mua kukumbana nansha kakese.

Misambu 49:7

Badi batekemena amu ku mpetu yabu, baditemba bua bubanji budibu nabu.

Misambu 6:5

Maweja-Nangila, kolesha, unsungidile. Umpandishe, bualu wewe udi mulenga mupite.

Yobe 30:23

Ndi mumanye ne ukadi untuma ku bafue, muaba udi bonsu batshidi ne muoyi ne bua kusangila.

Yobe 14:14

Kadi muntu mumana kufua, udi mua kubika tshiakabidi anyi? Uvua amu mua kuikala ne lutulu mu matuku atshidiye ukuata mudimu panu, utekemena too ne paudi ufika, bua kunjula.

Yobe 7:1

Bantu badi ne lutatu lukole pa buloba, badi benza mudimu bu bapika.

2 Samuele 14:14

Tuetu bonsu tudi ne bua kufua. Diba adi tudi anu bu mayi adibu bitshikija panshi, kabayi mua kuaboya kabidi to. Kadi mpindiewu, Mvidi Mukulu kena musue kuenzela Absalome nanku to. Mvidi Mukulu mmumane kulongolola bua Absalome uvuabu bipate apingane pabuipi nende.

2 Samuele 7:12

Pakumbana diba dia lufu luebe, nensungule umue wa ku bana bebe menemene, bua kukupinganaye mu bukalenga. Nemmuambuluishe bua kushindamaye mu bukalenga.

Genese 47:9

Yakobe kuandamuna ne: — Ndi muendakane eku ne eku bu muenyi, ne ntatu ne makenga, bidimu lukama ne makumi asatu. Kadi bidimu ebi mbikese, bualu kabiena bungi bua bidimu bia bankambua banyi bavua pabu bendakanyi to.

Genese 3:19

Neupete tshiakudia tshiebe anu ku tshisululu tshia mu mpala muebe, too ne pawapingana mu buloba bundi mukufuke nabu. Udi lupuishi, newandamuke kabidi lupuishi.

Genese 27:2

Izake kumuambila ne: — Udi mumone ne: nkadi mununu, nkadi mikolu ku tshiina. Tshiena mumanye dituku dia lufu luanyi.

Genese 50:5

“Tatu wanyi kayi muanji kukula muoyi, uvua munshila diyi bua meme kuditshipa bua kumujika amu mu ditunga dia Kenaane mu lukita luvuaye mumane kudilongolola.” Nanku ndi ndomba bua kuya kumujika. Pashishe nempingane.

1 Samuele 26:10

Bu mudi Maweja-Nangila ne muoyi, ndi nkujadikila ne: Maweja-Nangila nkayende neajikije bualu buende. Shawule udi mua kufua bu mudi bantu bonsu bafue anyi udi mua kufua mu mvita.

2 Samuele 2:32

Kuambulabu tshitalu tshia Ashayele, kutshijikabu mu lukita lua tatuende ku Betleyeme. Pashishe Yowabe ne bena mvita bende, kuenda butuku bujima, ufika ku Ebrone, butuku bumane kutshia.

Genese 48:21

Pashishe Yakobe kulaya Yozefe, umuambila ne: — Nkadi mikolu ku tshiina. Kadi Mvidi Mukulu neanulame, anupingaje mu ditunga dia bankambua benu.

Genese 50:12

Bana ba Yakobe kuenza bionsu amu muvua tatuabu mubashila diyi.

Dielulula 31:16

Maweja-Nangila kudianjila kumanyisha Moshe ne: — Ukadi pa kufua. Kunyima kua lufu luebe bena Izrayele nebatendelele mvidie idibu batendelela kudi bantu benyi badi mu ditunga dinuabuela. Bena Izrayele nebambenge. Nebanyangakaje ndondu umvua mutue nabu.

Yoshua 2:14

Batentekedi abu kumuandamuna ne: — Tudi baditshipa kuudi. Tuetu katuyi bakumbaje bitudi tukulaya, Maweja-Nangila atushipe, kadi amu wewe kuyi muambile muntu tshitudi bavuile munemu. Nanku, padi Maweja-Nangila utupa ditunga edi, netukumbaje tshitudi bakulaye. Netukufuile luse.

Yoshua 23:14

Meme nkadi pa kufua. Kadi mpindiewu, munda muenu ne mu meji enu, numanye ne: kakuena bualu nansha bumue buvua Maweja-Nangila Mvidi Mukulu wenu munulaye, budiye kayi mukumbaje. Bionsu bivuaye munulaye, mmumane kubikumbaja.