Genese 47:27 - MUKANDA WA MYIDI MUKULU

²⁷ Bena Izrayele kusomba mu Ejipitu, kuasa mu ditunga dia Ngoshene. Kuvulanganabu bikole, kusumba mpangu.

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Isalele wakashikama mu buloba bua Ejipitu, mu buloba bua Goshene bakangata bintu mu buloba abu, bakavulangana bakakumbana ba bungi.

Genese 47:27 交叉引用

Genese 46:3

Mvidi Mukulu kumuambila ne: — Meme ndi Mvidi Mukulu wa tatuebe Izake. Kutshinyi bua kuya ku Ejipitu to. Nemvudije ndelanganyi yebe mu ditunga dia Ejipitu.

Ekesode 1:7

Pashishe ndelanganyi ya bena Izrayele kutanta, kuvulangana kupita bungi mu Ejipitu. Kushalabu bantu ba bukole.

Bienzedi 7:17

Matuku avua Mvidi Mukulu ne bua kukumbaja bivuaye mulaye Abrahame, tshisamba tshietu kutanta, kuvulangana mu Ejipitu.

Misambu 107:38

Maweja-Nangila udi ubela lupemba, udi ubavudija ba bungi, kena ukepesha bimuna biabu nansha.

Zekâya 10:8

Nembikile bantu banyi, nembasangishe pamue, bualu ndi mujadike bua kubapikula. Nebavulangane bungi buvuabu kale.

Misambu 105:24

Maweja-Nangila kuvudija bantu bende, kulelabu bana ba bungi, kubapeshaye bukole bupite bua baluishi babu.

Dielulula 26:5

Pashishe muntu udi ufila bintu abi, neambe kabidi kumpala kua Maweja-Nangila ne: “Nkambua wanyi uvua muena Arame, kayi ne muaba wa kusomba. Kadi uyile kusomba ku Ejipitu ne tshisumbu tshikese tshia bantu bavuaye nabu. Bantu abu kuvulangana, kuenza tshisamba tshinene tshia bantu, tshia bukole kabidi.

Genese 26:4

Meme nemvudije ndelanganyi yebe bu mitotu ya kulu. Nempeshe ndelanganyi yebe ditunga dionsu edi. Kabidi mu dina dia ndelanganyi yebe, nengele bisamba bionsu bia pa buloba lupemba.

Nehemya 9:23

Ndelanganyi yabu ivua ya bungi, mipite mitotu ya mu diulu. Udi mubafile bua bakuate ditunga dia Kenaane, diuvua mulaye bankambua babu.

Dielulula 10:22

Pafikile bankambua benu mu Ejipitu, kabavua bapite ku makumi muanda mutekete to. Kadi mpindiewu, Maweja-Nangila Mvidi Mukulu wenu mmunuvudije bu mitotu ya mulu.

Ekesode 1:12

Kadi pa wabu bakengesha bena Izrayele nanku, bavua amu bavulangana mu ditunga dijima. Bena Ejipitu bamona nanku, kutshinabu bena Izrayele bikole.

Genese 28:14

Ndelanganyi yebe neyivulangane bu lusenga lua pa buloba. Neyimuangalake nseke yonsu inayi ya buloba. Nengele bisamba bionsu bia pa buloba lupemba mu dina diebe ne dia ndelanganyi yebe.

Genese 17:6

Nemvudije ndelanganyi yebe. Ku ndelanganyi aku nekupatuke bisamba bia bungi, nekupatuke kabidi bakalenga banene.

Genese 13:16

Nemvudije ndelanganyi yebe bungi budi muntu kayi mua kuyibala. Bu mudi muntu kayi mua kubala lusenga ludi pa buloba, ke mudibu kabayi mua kubala ndelanganyi yebe.

Genese 8:9

Nyunyi wa nkudimba mumane kuya, kena mupeta muaba wa kuikila, bualu mayi atshivua pa buloba. Nanku nyunyi kupingana. Nowa kuolola tshianza kumukuata, kumubueja mu buatu.

Genese 8:7

Kutumaye nyunyi wa tshikololu, kunyungulukatshi too ne pamuenekela buloba bume.

Genese 34:10

Nenuase pabuipi netu. Ditunga edi nedikale dienu kabidi. Asayi muaba onsu unudi basue, nuende mushinga, nusumbe miaba ya nuenu kusomba kashidi.

Genese 35:11

Kumuambila ne: — Ndi Mvidi Mukulu wa bukole buonsu. Utante, uvulangane, wikale nkambua wa bisamba bia bungi, bakalenga nebafume ku ndelanganyi yebe.

Genese 47:11

Yakobe ne bana bende kusomba mu ditunga dia Ejipitu, muaba muimpe uvua Yozefe mubasunguile bua wikale wabu. Bavua basombe pabuipi ne tshimenga tshia Ramsese, bu muvua mukalenga wa bena Ejipitu muambe.