Genese 47:12 - MUKANDA WA MYIDI MUKULU

¹² Yozefe uvua wambuluisha tatuende, bana babu ne bonsu ba mu diku diabu ne biakudia bilondeshile bungi bua bantu.

Mukanda wa Nzambi Dihungila Dikulukulu ne Dihungila Dihia-dihia 2003

¹² Yosefe wakadisha tatuʼandi ne bana babo ne bantu bonso bakadi mu nsubu wa tatuʼandi, ku meku abo.

Genese 47:12 交叉引用

Genese 45:11

Kuneku meme nemmudishe bimpe, kayi mua kukenga tshintu, yeye ne bena diende bonsu, kabidi ne bimuna biende. Bualu bidimu bikuabu bia tshiyole bitshidi bishale bitanu.”

1 Timote 5:8

Padi muntu kayi ulama bena diende, nangananga badiye nabu mu nzubu umue, mmuvile ditaba. Udi mupite ku bubi muntu udi kayi mumanye Mvidi Mukulu.

1 Timote 5:4

Kadi padi mukaji mukamba ne bana, nansha ne bikulu, bana aba badianjile kukumbaja tshidi bena ditaba ne bua kuenzela bena diku diabu. Nanku bakuatshile mamuabu, nansha kakuabu, mudimu, muvua bamamu babakuatshile kumpala. Ke tshidi Mvidi Mukulu musue.

1 Timote 4:8

Manaya a kuibidija mubidi adi mimpe, alengelela bantu, kadi amu kakese. Kadi kutumikila Mvidi Mukulu kudi kubambuluisha mu bionsu, bualu kudi kutulaya muoyi bua mpindiewu, ne bua matuku atshidi kumpala.

1 Tesalonike 2:7

Bu mutudi bapostolu ba Kristu, tuvua mua kunuleja bumfumu buetu. Kadi patuvua kuenu, tuvua banuleje muoyi wa kalolu, amu mudi mamu ukuba bana bende.

Rute 4:15

Mukaji wa muanebe udi mukunange, mukupeshe muana. Nanku mmupite ne bana ba balume muanda mutekete.

Ekesode 20:12

“Nemeka tatuebe ne mamuebe, nanku neulale bidimu bia bungi pa buloba bundi meme Maweja-Nangila Mvidi Mukulu webe mukupeshe.

Genese 47:24

Kadi, diba dia kunowa, nufile tshia bitanu tshimue tshia bintu abi kudi mukalenga wa bena Ejipitu. Biakudia bidi bishale mbienu. Nubilame bua maminu. Bikuabu nudie ne bena meku enu bonsu.

Genese 47:21

Yozefe kubueja bantu mu bupika mu ditunga dijima.

Genese 47:1

Pashishe Yozefe kuya kuambila mukalenga wa bena Ejipitu ne: — Tatu ne bana betu mbafike ne bimuna biabu, kabidi ne bintu biabu bionsu. Mbafumine ku ditunga dia Kenaane. Mpindiewu mbasombe mu ditunga dia Ngoshene.

Genese 50:21

Nanku kanutshinyi to. Meme nennuambuluishe ne meku enu onsu. Yozefe kukolesha bana babu ku muoyi ne miaku eyi ya mushinga mukole.

Genese 45:7

Mvidi Mukulu ke udi muntume kumpala kuenu mu ditunga edi bua meme kunulamina biakudia, bua kunupandisha nuenu ne ndelanganyi yenu yonsu mushindu ewu wa dikema.

Genese 45:10

Tatu neasombe pabuipi nanyi mu ditunga dia Ngoshene, pamue ne bana bende, bikulu bende, too ne bimuna biende: mikoku, mbuji, ngombe ne bionsu bidiye nabi.

Yeshaya 22:24

Kadi ndelanganyi ya mu diku diende yonsu, bakulu ne bana, nebatekemene amu kudiye, amu bu mudibu bakudika bintu bia mu tshikuku, ngesu ne makopu, ku mulonda umue. Bionsu ebi mbujitu kaayi!