Genese 45:26 - MUKANDA WA MYIDI MUKULU

²⁶ Kuambilabu tatuabu ne: — Muanebe Yozefe utshidi ne muoyi! Yeye ke udi ulombola ditunga dijima dia Ejipitu. Yakobe uvua mupuwe kayi wenza bualu! Kavua muitabe bivuabu bamuambile to.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Bakamuambila ne, Yosefe utshidi ne muoyo, ne yeye udi mukelenge wa buloba bua Ejipitu Mutshima wandi wakahandika yeye kakitabusha di diabo.

Genese 45:26 交叉引用

Genese 44:28

Umue ukadi mujimine. Misangu mikuabu mbamudie kudi nyama, bualu katshia waya, tshiena mumumone to.

Genese 37:35

Bana bende ba balume ne bakaji kufika bua kumusamba. Yakobe kubenga, wamba ne: “Ndi ndila amu Yozefe too ne mungafua.” Ke muvua Yakobe mutungunuke ne madilu a muanende Yozefe nanku.

Luke 24:41

Kadi balongi kabatshivua bitaba to, bualu bavua ne disanka dipite, bakema bikole be. Ke Yezu kubakonka ne: — Muaba ewu, nudi ne tshintu tshia kudia anyi?

Luke 24:34

babambila ne: — Bushuwa, Mfumu mmubiike ku bafue! Simone mmumumone!

Luke 24:11

Kadi bapostolu bavua bela meji ne: malu adi bakaji abu batulondela aa kaena mua kuenzeka to. Nanku kabatua babitaba to.

Yona 2:7

Mvua mudine mu mayi too ne kasuki, kufika ne ku tshitaku tshia mikuna. Bakavua banginjidila biibi bia nzubu wa lufu. Kadi anu wewe Maweja-Nangila Mvidi Mukulu wanyi, ke uvua mumpatule mu dijimba edi ne muoyi.

Misambu 126:1

Musambu wa bena ngendu. Pavua Maweja-Nangila mutupingajile disanka mu Siyone, tuvua bu bantu badi balota.

Misambu 105:21

Kumutekaye ku mutu kua bukalenga buende, ne mfumu wa bintu biende bionsu,

Yobe 29:24

Pamvua nseka, bavua basanka bikole, mimuemue ya pa mpala panyi ivua ibakolesha ku muoyi.

Yobe 9:16

Nansha meme mumubikile, yeye mungitabe, tshiena mua kushindika ne: uvua munteleje to.

Genese 42:38

Yakobe kubenga, wamba ne: — Kanuena nuya ne Binyamine wanyi to. Muanabu ukadi mufue. Yeye ke undi mushale nende. Bu yeye mupete dikasa dibi, panudi nuya nende apu, nenunshipeshe meme mukulumpe bua kanyinganyinga ka lufu luende.

Genese 42:36

Tatuabu Yakobe kubambila ne: — Nuambutuidi bana banyi babidi: Yozefe kufua, Shimeyone kenaku! Mpindiewu nudi basue kuya kabidi ne Binyamine. Anu meme nkayanyi makenga bungi nunku!

Genese 37:31

Bana babu ne Yozefe kutua tshinkutu tshia Yozefe mu mashi a mbuji wa mpumbu uvuabu bakose muminu.

Genese 45:25

Bana babu ne Yozefe kumuka mu Ejipitu, kupingana mu ditunga dia Kenaane, muaba uvua tatuabu Yakobe.

Genese 42:29

Bafika ku Kenaane kuvua tatuabu Yakobe, kumulondelabu muvua luendu luabu lujima. Bavua bamba ne:

Genese 48:11

wambila Yozefe ne: — Tshiena mumanye ne: nenkumone kabidi to. Kadi Mvidi Mukulu mmungambuluishe. Ngakumonyi wewe, kumona kabidi ne bana bebe.