Genese 44:18 - MUKANDA WA MYIDI MUKULU

¹⁸ Yuda kusemena pabuipi ne Yozefe, kumuambila ne: — Mukalenga, ndi musue kukuambila bualu. Kumfikidi munda to. Wewe udi mulongu umue ne mukalenga wa bena Ejipitu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Hashishe Yuda wakalua ha buihi nʼandi, wakamba ne, Mukelenge wanyi, witabushe, ndi nkutendekena, bua muntu webe ambile di ku matshu a mukelenge wanyi kunakadi ne tshiji kudi muntu webe, bualu bua wewe udi bu Palo mene.

Genese 44:18 交叉引用

Ekesode 32:22

Arone kuandamuna ne: — Mfumuanyi kumfikidi munda, bualu wewe nkayebe udi mumanye buenzayi bua bantu aba.

Genese 41:40

Wewe ne wikale mulombodi munene wa mu bukalenga buanyi. Bantu banyi bonsu nebitabe mikenji yebe. Meme nenkupite amu ku bumfumu buanyi.

Genese 18:30

Abrahame kuamba kabidi ne: — Maweja-Nangila kabikutondi, ntshidi anu ntungunuka. Misangu mikuabu neusangane bantu bakane anu makumi asatu, newenze tshinyi? Maweja-Nangila ne: — Meme musangane bantu bakane makumi asatu, tshiakubutula tshimenga.

Genese 41:44

Mukalenga kuambila kabidi Yozefe ne: — Meme ndi nshala mukalenga wa ditunga. Kadi muntu nansha umue kena mua kubulula mukana mu ditunga emu, kayi ne dianyisha diebe.

Genese 18:32

Abrahame ne: — Ndi ngakula musangu wa ndekelu, kufiki munda. Kadi wewe musangane bantu bakane anu dikumi? Maweja-Nangila kuandamuna ne: — Meme musangane bantu bakane anu dikumi, tshiakubutula tshimenga to.

Bienzedi 2:29

Bana betu, ndi mua kunuambila bualu bua nkambua wetu Davide patoke too: ukadi mufue. Bakamujika. Lukita luende ludi munkatshi muetu emu ne lelu.

Yowanane 5:22

Tatu kena ulumbuluisha muntu; kadi mmupeshe Muana bumfumu buonsu bua kulumbuluisha bantu,

Danyele 5:19

Bantu ba matunga onsu, ba bisamba bionsu, ne ba miakulu yonsu, bavua bazakala kumpala kuende, bamutshina bua bunene buvua Mvidi Mukulu mumupeshe. Uvua ushipa bavuaye musue kushipa. Uvua ushiya ne muoyi bavuaye musue kushiya nawu. Uvua ubandisha anyi ufuisha bundu, bavuaye musue kubandisha anyi kufuisha bundu.

Danyele 3:15

Nenumvue kabidi mpindiewu bela mpungi, nshiba, nzenze, lunkombe, ne biombelu bikuabu bionsu. Nanku mpindiewu nenuiname panshi, nukukuile lupingu lundi muenzeje anyi? Kadi binuabenga kulukukuila, diakamue badi banuela mu tshikutu tshidi ne kapia kakole. Diba adi, mvidie kaayi udi mua kunusungidila kundi?

Nsumuinu 19:12

Tshiji tshia mukalenga tshidi tshikuata bowa bu muadi wa nyama wa ntambue. Kadi kalolu kadiye uleja muntu, kadi bu lumuma ludi lupueka pa bisosa, lufila tshitalela.

Misambu 79:5

Maweja-Nangila neutulaminyine tshiji atshi tshikole, ne mukawu udi wosha bu kapia musangu bule munyi?

Yobe 33:31

Nanku, Yobe nteleja muebe muonsu. Shala talalaa nganji kuakula.

Estere 1:12

Batungu kufikisha mukenji awu kudi mukalenga mukaji. Kadi mukalenga mukaji kubenga mua kuya. Nenku mukalenga Ahashaveroshe kufika munda bikole.

2 Samuele 14:12

Mukaji kuandamuna ne: — Mukalenga, ndi musue kukuambilaku bualu bukuabu. Mukalenga kuandamuna ne: — Ambaku.

Genese 37:7

Tuvua baye bonsu kunowa bia mu madimi. Tuvua tusuika bisumbu bia bikunyibua bivua ne ntete ya kuenza bukula. Diakamue tshisumbu tshianyi kubanduluka kuimana. Bisumbu bienu bionsu kutshiela munkatshi, bitshikukuila.

Genese 37:8

Bakulu bende kumukonka ne: — Udi musue kushala mukalenga wetu, ututumina diyi anyi? Ke kupitabu kumufikila munda bikole bua tshilota atshi ne bua bivuaye wamba abi.

Genese 44:17

Yozefe kuandamuna ne: — Tshiena mua kuenza nanku to. Ndi nkuata amu muntu uvua ne dikopu awu, neashale mupika. Kadi nuenu bonsu pinganayi ne ditalala kudi tatuenu.

Genese 37:6

Yozefe kubambila ne: — Telejayi tshilota tshindi mulote.