Genese 43:8 - MUKANDA WA MYIDI MUKULU

⁸ Yuda kuambila kabidi tatuende ne: — Tatu, anyisha tuye ne Binyamine. Patudi tuya, ke patudi mua kupanda, nansha wewe, nansha tuetu, nansha kabidi bana betu. Katuena basue kufua to.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Yuda wakambila Isalele tatuʼandi ne, Utume nsongalume nʼanyi, netubike, netuye, bua betu ne wewe ne bana hetu bakese bikale ne muoyo, katufu

Genese 43:8 交叉引用

Genese 42:2

Ndi mumvue bamba ne: mu Ejipitu mudi ntete ya kuenza bukula. Ndayi nutusumbile ntete ayi bua tumone mua kushala ne muoyi. Katuena basue kufua to.

Dielulula 33:6

Moshe kubela lupemba wamba ne: “Tshisamba tshia bena Rubene tshishale ne muoyi! Nansha tshiotshi ne bantu bakese, katshijiminyi kashidi tshiendelele.”

Misambu 118:17

Tshiena mfua to, nenshale ne muoyi, bua kulondela bantu bidi Maweja-Nangila muenze.

Ezela 8:21

Ku muelelu wa mukidi wa Akaya, meme kuamba bua tuetu bonsu tajile biakudia. Ke mutavua ne bua kudipuekesha, kusengelela Maweja-Nangila bua atuendeshe mu ditalala ne meku etu, kabidi ne binta bietu.

2 Bakalenga 7:13

Mulombodi mukuabu wa mu bukalenga, kupesha mukalenga Yorame meji, umuambila ne: — Tuangate nyama yetu ya tubalu itanu itshidi ne muoyi, (nyama ayi ikadi pa kufua, bu mudi bantu ba mu tshimenga). Tutume bantu bakuabu baye ne nyama ayi bua tumone tshidi mua kuenzeka.

2 Bakalenga 7:4

Tuetu baye mu tshimenga tudi mua kufua, bualu kamuena biakudia kabidi to. Kabidi nansha tuetu bashale muaba ewu tudi anu mua kufua! Nanku, tuyayi mu mitanda ya bena Siriya, tuye kudilambula kudibu. Padibu batulekela ne muoyi bidi bimpe. Kadi padibu basue kutushipa, netufue!

Dibadika 14:31

Kadi bana benu batekete banuvua nuelela meji ne: nebashale bapika, nembafikishe mu ditunga dia Kenaane, dinudi nubenga. Bobu nebadimanye.

Ekesode 20:12

“Nemeka tatuebe ne mamuebe, nanku neulale bidimu bia bungi pa buloba bundi meme Maweja-Nangila Mvidi Mukulu webe mukupeshe.

Genese 50:21

Nanku kanutshinyi to. Meme nennuambuluishe ne meku enu onsu. Yozefe kukolesha bana babu ku muoyi ne miaku eyi ya mushinga mukole.

Genese 50:8

bena diku dia Yozefe bonsu, bana babu ne Yozefe, ne bena diku bakuabu ba tatuende. Nanku mu Ngoshene muvua mushale amu bana batekete ne bimuna.

Genese 45:19

Wewe wambile bana benu, bua bangate matempu a munu mu Ejipitu, baye nawu bua kuambuilamu bakaji babu ne bana, kabidi ne tatuabu.

Genese 44:26

tuetu kubenga, tumuambila ne: “Mulombodi wa bena Ejipitu kena mua kutusumbisha biakudia, patudi katuyi baye ne muakunyetu ewu.”

Genese 42:38

Yakobe kubenga, wamba ne: — Kanuena nuya ne Binyamine wanyi to. Muanabu ukadi mufue. Yeye ke undi mushale nende. Bu yeye mupete dikasa dibi, panudi nuya nende apu, nenunshipeshe meme mukulumpe bua kanyinganyinga ka lufu luende.

Genese 44:20

Tuetu kuandamuna ne: “Tatu udipu. Ukadi mukulumpe. Tudi kabidi ne muakunyetu wa mukala, uvua tatu mulele ku bukulakaja buende. Mukuluende, uvuaye mulonde, ukadi mufue. Muana awu mmushale amu nkayende wa ku bana ba mukaji uvua tatu mupite kunanga. Ke mudi tatu mumunange ne yeye mene bikole.”