Genese 43:11 - MUKANDA WA MYIDI MUKULU

¹¹ Yakobe kuambila bana bende ne: — Padibi nanku, angatayi bintu bia mushinga mukole bia mu ditunga dietu: kamonya, buitshi, ndundu, manananshi, ne bimuma bia amande. Nubiele mu bibombi bienu bua kutuadila muena Ejipitu awu.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Tatu wabo Isalele wakabambila ne, Bikala bualu butukuate, enzai bienu nunku nuangate bintu biakakuamibua mu buloba buetu, nubiteke mu bisaka bienu, nuye nʼabi bu matabisha kudi mulume au Nuangate bintu bia muhuya muimpe, baume ne buitshi ne mula ne pistaches ne amandes,

Genese 43:11 交叉引用

Genese 37:25

Pashishe kusombabu bua kudia. Bakenzakana, kumonabu tshisumbu tshia bena Ismayele, bafuma ku ditunga dia Ngilaade baya ku Ejipitu. Tumelu tuabu tuvua tuambule manananshi a mupuya muimpe a mishindu mishilangane.

Yirmeya 8:22

Mu Ngilaade kamuena buanga, nansha munganga anyi? Mputa wa bantu banyi bena Izrayele, kena mua kuma bua tshinyi?

Yezekiyele 27:17

Bena Yuda ne bena Izrayele bavua basumbishangana nebe bintu, bakupesha ntete ya kuenza bukula ya mu tshimenga tshia Minite; batua bakupesha mponda, buitshi, mafuta ne kamonya ka mupuya muimpe.

Nsumuinu 18:16

Kupesha muntu tshintu, kudi kukunzuluila njila wa wewe kumonangana ne bantu banene.

1 Samuele 9:7

Shawule kukonka muena mudimu ne: — Patuafika kudi muambi awu, netumupeshe tshinyi? Katuena kabidi ne mampa mu mifuku yetu to. Katuena nansha ne tshintu tshia disanka tshia kumulambula. Tudi tshianana.

Bienzedi 21:14

Bu muvua Polu kayi musue kuitaba bituvua bambe, tuetu kulekela kumusengelela, tuamba ne: — Bienzeke mudi Mfumu musue!

Yezekiyele 27:15

Bena Dedane bavua kabidi basumbishangana nebe bintu. Uvua mufike mu bidila bia bungi bua kuenda mushinga. Batua bakufute ne mibanga ne mabaya mafike fitutuu.

Musambu wa Solomo 8:14

“Munanga wanyi, patuka lukasa, tunyeme bu nyama wa kabuluku, bu ngulungu muana, tuye ku mikuna idi inunka dipembu dimpe.

Musambu wa Solomo 4:14

Mudi mitshi idibu benza nayi enna, narde, safrane, kalmuse, musenga wa kamonya, mire ne alowe, kabidi ne mafuta a mupuya muimpe.

Musambu wa Solomo 4:10

Mubangila wanyi, muanetu wa bakaji, dinnanga diebe ndinkokeshe, ndinkuate bikole mudi maluvu kaayi mua kunkuata. Mafuta ebe a mupuya adi ansankisha, mapite mafuta makuabu onsu.

Nsumuinu 21:14

Dipa dia mu musokoku didi ditalaja tshiji. Kusankisha muntu ne tshintu mu musokoku kudi kutuyisha tshiji tshikole.

Nsumuinu 19:6

Bantu ba bungi badi balabidila muntu munene. Bonsu badi badia bulunda ne tshipapayi.

Nsumuinu 17:18

Muntu mubule lungenyi udi udieyeka bua dibanza dia munga muntu. Udi udiila mukuabu lupiku.

Misambu 76:11

Nansha tshiji tshia bantu netshikutumbishe, ne bonsu bikale bapambuke ku tshiji tshiebe, nebakuenzele tshibilu.

Misambu 72:10

Bakalenga ba mu Tarshishe ne ba mu bidila bia kule, nebamutumine malambi, ba mu Saba ne ba mu Seba bamutuadile milambu.

Misambu 68:29

Mvidi Mukulu wanyi, leja bukole buebe. buuvua mutuenzele nabu malu a dikema!

Estere 4:16

“Uye kusangisha bena Yuda bonsu badi mu Shushane. Nujile biakudia bualu buanyi, kanuyi nudia nansha nunua matuku asatu a munya ne a butuku. Netuenze kabidi nanku meme ne bena mudimu banyi. Pashishe, nansha bu mudibi bikandika kudi diyi, nenye kudi mukalenga. Nanku, bu bobu mua kunshipa nebanshipe!”

2 Bakalenga 20:12

Tshikondu atshi, mukalenga wa Babilone, Merodake-Baladane, muana wa Baladane, kumvua lumu lua disama dia Izkiya. Kumutuminaye bantu ne mukanda, ne bintu bia kumusankisha.

2 Bakalenga 16:8

Nanku, Akaze kusangisha tshiamu tshia mpawungi ne tshiamu tshitoke tshia mushinga mukole, bivua mu nzubu wa Maweja-Nangila ne mu tshibambalu tshia kuteka bintu tshivua ku nzubu wa bukalenga. Kutuminaye mukalenga wa bena Ashure bintu abi bua kumusankisha nabi.

2 Bakalenga 8:8

kuambilaye Azayele ne: — Angata tshintu tshia disanka, uye kupesha muambi Elisha. Pashishe umuambile bua akonke Maweja-Nangila bua disama dindi nadi edi ne didi mua kujika.

1 Bakalenga 15:19

“Tutue nebe ndondu bu muvua batatuetu batue. Ke pandi nkutumina tshiamu tshitoke tshia mushinga mukole ne tshiamu tshia mpawungi bua kukusankisha. Nanku, uye kushipa ndondu uuvua mutue ne Basha, mukalenga wa bena Izrayele, bua Basha umushe bena mvita bende badi mu buloba buanyi.”

1 Bakalenga 10:25

Ku tshidimu tshionsu, bantu bonsu aba bavua bakadila Shelomu bintu bia kumusankisha nabi: bintu bienza ne tshiamu tshitoke tshia mushinga mukole, ne tshiamu tshia mpawungi, bilamba, bintu bia kuluangana nabi mvita, manananshi, nyama ya tubalu nansha ya mpunde.

1 Bakalenga 10:15

Tusakidile milambu ivuabu bapeta ku bintu bia ku matunga makuabu bivua bangenda mushinga babueje mu ditunga, ku bungenda mushinga bukuabu, ne ku bitadi bivuabu balambula kudi bakalenga ba bisamba bikuabu, nansha bivuabu bapeta kudi balongolodi ba maloba a mu ditunga.

1 Samuele 25:27

Angata bintu bia disanka bindi mukutuadile, ubiabanyine bansongalume baudi nabu.

Dielulula 33:14

Munya udi umenesha biakudia pa madimi abu. Badi banowa bipiabipia ku ngondu ku ngondu.

Genese 43:14

Mvidi Mukulu wa bukole buonsu akaje muoyi wa muntu awu, bua anufuile luse, nupingane ne Binyamine, kabidi ne Shimeyone bonsu babidi kuneku. Kadi meme nkadi mumane kufuisha muananyi. Nenshale bu muntu uvua kayi mulele anyi?

Genese 33:10

Yakobe kutendakena Esawu ne: — Bu wewe musue, umfuile luse. Angata mulambu undi mukutuadile ewu, bua kujadika muudi mumane kumfuila luse. Kabidi pandi nkutangila, ndi bu mumone Mvidi Mukulu wanyi bua luse lunene luudi mumfuile.

Lewitiki 20:24

Ke pandi nnulaya ne: Nenupete buloba buabu ebu, ditunga didi mabele ne buitshi. Meme Maweja-Nangila ndi nnupeshadi.’ Bualu ndi Maweja-Nangila Mvidi Mukulu wenu, udi munusungule munkatshi mua bisamba bikuabu.

Genese 43:10

Bu tuetu katuyi banengakane bikole, tuvua mua kuikala bamane kuya bapingane ne biakudia misangu ibidi.

Genese 43:15

Bana ba Yakobe kuangata bintu abi, ne makuta a kusumba biakudia, kabidi ne avuabu babapingajile awu. Kuangatabu kabidi ne muakunyabu Binyamine. Kuyabu ne bintu bionsu abi kudi Yozefe mu Ejipitu.

Genese 43:25

Bana ba Yakobe bamona nanku, kudianjilabu kulongolola bintu bivuabu batuadile Yozefe. Bualu bavua bumvue ne: neafike mu munya bua kudia netu.

Genese 43:26

Yozefe ufika ku nzubu kuende, kudielabu panshi kumpala kuende, kumulambula bintu biabu.

Yezekiyele 27:22

Bangenda mushinga ba mu Saba ne ba mu Ragma, nuvua nusumbishangana nabu bintu. Bavua bakufuta ne manananshi mimpe, mabue a mushinga mukole a mishindu yonsu, ne tshiamu tshia mpawungi.

Ekesode 3:8

Ndi mufike bua kubasungidila kudi bena Ejipitu, kubumusha mu ditunga edi, kubabueja mu ditunga dialabale didi ne mabela ne buitshi bipite bungi. Ke ditunga didibu basombe mpindiewu kudi bena Kenaane, bena Iti, bena Amore, bena Perizi, bena Ivi ne bena Yebusa.