Genese 42:24 - MUKANDA WA MYIDI MUKULU

²⁴ Yozefe kubashiya mutantshi bua kuya kudila. Yozefe upingana, kubambilaye ne: “Ndi ndama Shimeyone.” Kumusuikishaye nkanu, bobu batangile.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Yeye wakabakoma nyima, wakadia, ne yeye wakatshinguluka kudibo, wakayikila nʼabo, wakakuata Shimeona, wakamusuika ku mesu kuabo.

Genese 42:24 交叉引用

Genese 43:30

Yozefe kubuela lukasa mu nzubu wa kulala udila. Bualu uvua ne tshintekateka bua muakunyende uvuaye mumone.

Ebrewu 4:15

Katuena ne mutuangaji munene udi mupange kukenga netu mu butekete buetu. Kadi mutuangaji wetu munene, bavua bamuteta mu bionsu mudibu batuteta tuetu. Kadi yeye kavua muenze bubi.

1 Korente 12:26

Padi tshidimba tshia mubidi tshimue tshisama, bidimba bionsu bidi bisama pamue natshi. Padibu batumbisha tshidimba tshimue, bidimba bikuabu bionsu bidi bisanka pamue natshi.

Rome 12:15

Sankayi ne badi basanka, nudile ne badi badila.

Luke 19:41

Yezu ufika pabuipi ne tshimenga, utshimona, kuasaye muadi bualu buatshi,

Yeshaya 63:9

Mu makenga abu onsu, kena mutume muntu mukuabu bua kubambuluisha. Kadi uvua mubasungidile amu yeye mene. Yeye uvua muangate bualu buabu ne manza abidi, bualu uvua mubanange, ubumvuila luse. Yeye ke uvua mudiangatshile malu abu, mubambule mu maboku ende, ku tshikondu ne ku tshikondu.

Genese 43:23

Muena mudimu awu kubakolesha ku muoyi, wamba ne: — Kanupampakanyi to! Nuikale ne ditalala! Nuvua bampeshe makuta enu, ndi nawu! Kadi Mvidi Mukulu wenu, Mvidi Mukulu wa bankambua benu, ke udi mulongolole makuta mu bibombi bienu. Muena mudimu kupatula kabidi Shimeyone mu lukanu.

Genese 43:14

Mvidi Mukulu wa bukole buonsu akaje muoyi wa muntu awu, bua anufuile luse, nupingane ne Binyamine, kabidi ne Shimeyone bonsu babidi kuneku. Kadi meme nkadi mumane kufuisha muananyi. Nenshale bu muntu uvua kayi mulele anyi?

Genese 34:25

Kadi kupita matuku asatu, patshivua balume bonsu basama mputa ya butengu, Shimeyone ne muanabu Levi, bakulu ba Diina, kuangata muela wa mvita, kubuela mu tshimenga, kakuyi udi ubenzela bualu, kushipamu bantu balume bonsu.

Genese 42:23

Kabavua bamanye ne: Yozefe udi umvua bitudi tuamba to, bualu Yozefe uvua ne muntu uvua wandamuna mu muakulu wabu bivuaye uyukila nabu.

Genese 45:1

Yozefe kupanga mua kukolesha muoyi kumpala kua bantu bende. Ke kupatuishaye bantu bonsu pa mbelu, kushala anu nkayende ne bana babu. Kudimanyishaye kudibu.

Genese 45:2

Yozefe kudila bikole. Muadi wende kumvuika kudi bena Ejipitu bonsu. Bavua bumvue bualu ebu ne mu nzubu wa mukalenga wa bena Ejipitu.