Genese 37:3 - MUKANDA WA MYIDI MUKULU

³ Ku bana bende bonsu, Yakobe uvua mupite kunanga Yozefe, bualu mmuana uvuaye mulele ku bukunda. Nanku uvua mumuteleshile tshinkutu tshia mushinga mukole.

Mukanda wa Nzambi Dihungila Dikulukulu ne Dihungila Dihia-dihia 2003

³ Dinanga dia Isalele kudi Yosefe diakatamba dinanga diandi kudi bana bandi bonso, bualu bua yeye wakadi muana wakaleleye ku bununu buandi, wakamulelela tshikowelu tshia maboko male.

Genese 37:3 交叉引用

2 Samuele 13:18

Muena mudimu kuipata Tamare, kukanga tshiibi. Tamare uvua muvuale muntumpu muimpe mutambe, bu mudi bana ba bakalenga bavuala padibu kabayi banji kubuela mu dibaka.

Genese 37:32

Kutshitumabu kudi tatuabu ne mukenji, bamba ne: “Kenketa tshilamba tshitudi bangule etshi. Ntshifuanangane ne tshinkutu tshia muanebe Yozefe anyi?”

Genese 37:23

Yozefe ufika muaba uvua bana babu, kumukuatabu, kumukopolabu tshinkutu tshiende tshimpe.

Yowanane 3:35

Tatu mmunange Muana; mmuteke bionsu ku bumfumu buende.

Yezekiyele 16:16

Wewe kusungula bimue bia ku bilamba biebe bia mekala, bua kulengeja nabi miaba ya kutendelela mvidie. Wewe kudiolola pa bilamba ebi, kuditua mu buendenda. Bualu ebu ki mbuanji kuenzeka, ne kabuakuenzeka kabidi to.

Balombodi 5:30

“Bena mvita mbapawule bintu bulelela, bakadi babanyangana bivuabu bapete: muena mvita yonsu mmupete nsongakaji, mulengele, umue nansha babidi mene. Sisra mmupete bilamba bilaba kakula, bizola mekala. Eyowa, mmupete tshilamba tshilengeja ne buanda bua mekala a mishindu ibidi, tshia kuela mu nshingu mua muntu udi utshimuna.”

Genese 37:31

Bana babu ne Yozefe kutua tshinkutu tshia Yozefe mu mashi a mbuji wa mpumbu uvuabu bakose muminu.