Genese 33:10 - MUKANDA WA MYIDI MUKULU

¹⁰ Yakobe kutendakena Esawu ne: — Bu wewe musue, umfuile luse. Angata mulambu undi mukutuadile ewu, bua kujadika muudi mumane kumfuila luse. Kabidi pandi nkutangila, ndi bu mumone Mvidi Mukulu wanyi bua luse lunene luudi mumfuile.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Yakoba wakamba ne, Nansha, ndi nkutendekena ne, Biwikala nʼanyi luse, witabushe matabisha a ku tshianza tshinyi, bualu bua nakumona mpala webe bu muntu udi umona mpala wa Nzambi, ne wewe wakusanka bua bualu buanyi.

Genese 33:10 交叉引用

Yobe 33:26

Padiye utendelela, Mvidi Mukulu udi umuteleja bimpe. Nenku udi usemena kudi Mvidi Mukulu, wela mbila ya disanka. Bualu Mvidi Mukulu, mmumupingaje muende nuwuaye kale.

Didimanyisha 22:4

Nebamone mpala wende. Nebafunde dina diende pa mpala yabu.

Yirmeya 31:2

Maweja-Nangila udi wamba ne: Meme ndi mfuila bantu banyi luse. Nensangishe mu tshipele bonsu bavua muele kauyi mushipe. Nanku bena Izrayele nebapingane kuabu, basombe mu bupole.

Genese 32:30

Yakobe kumuebeja ne: — Kadi wewe mene, dina diebe nnganyi? Kampande awu kumuandamuna ne: — Udi musue kumanya dina dianyi bua tshinyi? Pashishe kuelaye Yakobe lupemba.

Misambu 41:11

Kadi wewe Maweja-Nangila, umfuile luse, umpingajile bukole, bua mmone mua kudisombuela, kubanyoka.

2 Samuele 14:32

Absalome kuandamuna ne: — Bualu mvua mukubikile, wewe kubenga. Meme mvua musue kukutuma kudi mukalenga Davide bua wewe kumuambila ne: “Ndi mumuke ku Ngeshure bua tshinyi? Bivua bimpe bua meme kusomba amu ku Ngeshure!” Mpindiewu, ndi musue kufika ku nzubu kua mukalenga. Pangikala muenze bibi, mukalenga anshipe!

2 Samuele 14:28

Absalome kushala mu Yerushalayime bidimu bibidi. Mukalenga Davide kubenga bua Absalome kafiki ku nzubu kuende.

2 Samuele 14:24

Mukalenga Davide kumuambila ne: — Absalome aye amu ku nzubu kuende! Kafiki muaba undi to! Nanku Absalome kuya ku nzubu kuende. Kena mumonangane ne mukalenga Davide to.

2 Samuele 3:13

Davide kuitaba ne: “Eyowa, ndi muanyishe bua kutua nebe ndondu. Kadi ndi nkulomba anu tshintu tshimue: bua meme kumonangana nebe, ufike ne mukajanyi Mikale, muana wa Shawule. Anu wewe mufike nende, nanku netuyukile nebe.”

1 Samuele 20:3

Davide kuambila Yonatane ne: — Ndi nditshipa, nkujadikila ne: tatuebe udi unkebela lufu! Kadi, tatuebe mmumanye ne: meme Davide ndi mulunda webe. Ke padiye wamba ne: Ki mbimpe bua Yonatane amanye bualu ebu to. Bualu neanyingalale bikole. Nanku, bu mudi Maweja-Nangila ne muoyi, ne bu muudi wewe Yonatane ne muoyi, ndi nkujadikila ne: nkushala anu katupa kakese bua tatuebe kunshipa.

Rute 2:10

Rute kuinyika mutu panshi, ukema, umukonka ne: — Mmunyi muudi mungangate ne musangelu, bu muntu mumane kummanya kuonsu eku, panyi muikale muntu muenyi?

Genese 50:4

Batangalaja amu madilu a Yakobe, Yozefe kuambila balombodi ba mu bukalenga bua bena Ejipitu ne: — Ndi nnusengelela ne: Panudi bannange, nundombele kudi mukalenga wa bena Ejipitu, akumbaje dijinga dianyi edi:

Genese 47:29

Yakobe umvua ne: diba dia lufu diakumbanyi, kubikilaye muanende Yozefe, umuambila ne: — Pawikala munnange, kunjiki mu Ejipitu nansha. Kuata muinshi mua tshibelu tshianyi, uditshipe bua kundeja muudi munnange ne mundamate.

Genese 19:19

Ukadi mumane kumfuila luse, nangananga paudi mumpatule mu tshimenga etshi bua kumpandisha. Kadi meme tshiena mua kufika ku mukuna, diakabi adi kadiyi dianji kunkuata, bualu kuaka nkupite bule. Ndi mua kufuila mu njila.

Matayi 18:10

— Kanupepeji nansha umue wa ku badi bu bana. Ndi nnujadikila ne; batumibue ba Mvidi Mukulu, badi balama bana aba, badi mu diulu, bamonangana diba dionsu ne Tatu wanyi udi mu diulu. [

Genese 43:3

Yuda kuandamuna tatuende ne: — Mulombodi wa ditunga dia Ejipitu uvua mutudimuja, wamba ne: panuikala kanuyi bafike ne muakunyenu wa mukala awu, kanufiki kabidi kundi to.

Genese 33:9

Esawu kuambila Yakobe ne: — Muakunyanyi, ndi ne bintu bikumbane. Shala ne biebe ebi.

Genese 33:11

Ndi nkusengelela ne: angata mulambu undi mukutuadile ewu, bualu Mvidi Mukulu wanyi mmumpe bintu bia bungi. Yakobe kunanukila bikole. Esawu kuitaba.