Genese 32:31 - MUKANDA WA MYIDI MUKULU

³¹ Yakobe kuamba ne: — Ndi nginyika muaba ewu dina ne: Penuyele, mpala wa Mvidi Mukulu, bualu ndi mumonangane ne Mvidi Mukulu mpala ne mpala, meme kushala ne muoyi.

Mukanda wa Nzambi Dihungila Dikulukulu ne Dihungila Dihia-dihia 2003

³¹ Hakalueye Penuele, diba diakabanda, ne Yakoba wakadi utebuka bualu bua tshikundukundu tshiandi.

Genese 32:31 交叉引用

2 Korente 12:7

mBandeje malu adibu kabayi mua kumvuija. Kadi bua tshimonyi mua kuditambisha, Mvidi Mukulu mmumpeshe dikenga dinene. Mutumibue wa diabolu mmuntatshishe bua tshiditembi.

2 Korente 12:9

Kungandamunaye ne: “Tshiudi natshi dikenga, ke amu dinanga dindi nkunanga nadi, bualu bukole buanyi budi budileja patoke paudi muena butekete.” Ke mundi musue kuditemba nangananga bua butekete buanyi, bua bukole bua Kristu buntulukile.

Misambu 38:17

Nkavua mukulombe ne: ubakandike, kabasanki pandi mu dikenga, kabaditembi pandi ntupakana.

Balombodi 8:8

Ngideyone kumuka mu tshimenga tshia Sukote. Kuyaye ku Penuyele. Kulombaye kabidi bena tshimenga atshi biakudia. Bena tshimenga kuandamuna anu mushindu uvuabu bandamuna kudi bena Sukote awu.

Genese 32:25

Yakobe kushala nkayende dishiya. Muntu kampande kuluangana nende mvita too ne muatshi butuku.

Genese 19:23

Butshia, Lote kufika mu Soware.

Genese 19:15

Pa kabundubundu batumibue abu kusamina Lote, bamba ne: — Jukayi lukasa, angata mukajebe ne bana bebe ba bakaji babidi. Tuyayi bua kanuvu kubutuka pamue ne tshimenga etshi.

Genese 32:32

Diba dipatuka, Yakobe kumuka ku dilobu dia Penuyele, wenda utebuka, bualu tshikundukundu tshivua tshikoyoboke.

1 Bakalenga 12:25

Yerobowame kukoleshisha tshimenga tshia Shekeme ne bimana, mu buloba bua mikuna bua Efrayime. Kusombaye mu tshimenga atshi. Pashishe, kumukaye mu Shekeme, bua kuya kukolesha kabidi tshimenga tshia Penuyele ne bimana.

1 Bakalenga 18:26

Bambi ba Baale, kuangata ngombe uvuabu babapesha. Kulongololabu mulambu. Pashishe, kulombabu kapia kudi Baale biangatshile ku dinda too ne munda munya, bamba ne: “Mvidie Baale wetu utuitabe!” Bavua baja maja, banyunguluke tshilambuilu tshivuabu bibake. Kadi, mvidie Baale kena mubandamune diyi nansha dimue to.

Genese 16:13

Agare kudikonka ne: “Ndi mumone Udi mummone anyi?” Kuinyikaye Maweja-Nangila uvua umuakuisha dina ne: “Wewe udi Ele-Royi, mmumue ne: Mvidi Mukulu udi mummone.”

Ekesode 24:10

Kumonabu Mvidi Mukulu wa Izrayele, muimane pa mabue matoke a mushinga mukole, engelela. Mabue awu avua mafuanangane ne mubidi wa tshibuashibuashi.

Ekesode 24:11

Bakulu ba bena Izrayele bamane kumona Mvidi Mukulu nanku, kudiabu, kunuabu pamue. Kadi Mvidi Mukulu kena muenzele bakulu ba bena Izrayele abu bibi to.

Dielulula 5:24

bamba ne: “Maweja-Nangila Mvidi Mukulu wetu, mmumane kutuleja butumbi ne bukole buende. Lelu tuakumumvua wakula munkatshi mua kapia. Nanku tuetu tudi bajadike ne: Mvidi Mukulu udi mua kuakula ne bantu, kabayi bafua to.

Dielulula 5:26

Kakuena muntu ukadi mumvue Mvidi Mukulu wa muoyi wakula munkatshi mua kapia, bu mutudi tuetu bena Izrayele bumvue, kushalaye ne muoyi.

Balombodi 6:22

Ngideyone kujadika ne: muntu awu uvua mutumibue wa Maweja-Nangila. Nanku kuelaye diyi ne: — Maweja-Nangila Mvidi Mukulu, ndi muena diakabi! Bualu ndi mumone mutumibue webe mpala ne mpala!

Balombodi 6:23

Kadi, Maweja-Nangila kumuambila ne: — Wikale ne ditalala, kutshinyi, kuena ufua to!

Yeshaya 6:5

Ke meme kuamba ne: “Eyi! Ndi mubutuke, bualu mishiku yanyi nya muena buakulavi. Tshiena mua kutumbisha Maweja-Nangila. Bena mu tshisamba tshietu kabidi badi ne mishiku ya bena buakulavi. Kadi ndi mudimuene nkayanyi mukalenga, Maweja-Nangila muena bukole buonsu!”