Genese 31:7 - MUKANDA WA MYIDI MUKULU

⁷ Tatuenu kunshima, kushintula difutu dianyi misangu dikumi. Kadi Mvidi Mukulu kavua musue bua tatuenu ankengeshe to.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Tatu wenu wakundinga, wakakudimuna difutu dianyi misangu dikumi, kadi Nzambi kakitabusha bua yeye kunkengesha.

Genese 31:7 交叉引用

Genese 31:41

Tudi nebe kukadi bidimu makumi abidi. Ndi mukuenzele mudimu bidimu dikumi ne binayi, bua kusela bana bebe ba bakaji babidi, pashishe bidimu bisambombu bikuabu bua kupeta bimuna. Kadi wakashintulula difutu dianyi misangu dikumi.

Genese 31:29

Meme ndi mua kukuenzela bibi. Kadi Mvidi Mukulu wa tatuebe Izake mmunkandike butuku bua lelu ne: “Udimuke, kukengeshi Yakobe ku bualu nansha bumue.”

Zekâya 8:23

Diba adi, bantu dikumi ba mu bisamba bishilangane, nebakuate muena Yuda umue, ku luzemba lua tshilamba, bamuambila ne: ‘Tudi basue kuya nebe, bualu tudi bajingulule ne: Mvidi Mukulu udi kuenu.’ ”

Misambu 37:28

Bualu Maweja-Nangila kena ulekela bantu bende, mmusue ne: bonsu benzelangane bimpe. Benji ba bibi nebabutuke kashidi, ndelanganyi yabu neijimine.

Nehemya 4:12

Muntu yonsu uvua wibaka tshimana, uvua ne muele muasa ku mikaba. Muntu mukuabu utuvua tuenda nende, uvua mumane kudilongolola bua kuela mpungi.

Dibadika 14:22

muntu nansha umue wa ku ndelanganyi eyi kakubuela mu Kenaane to. Bualu bantu aba mbamane kumona butumbi buanyi, ne malu a dikema andi mubenzele mu Ejipitu ne mu tshipela. Kadi nansha bobu bamone nanku, kabavua bangitaba to. Bavua bantete misangu ne misangu!

Yeshaya 54:17

Tshia mvita tshionsu tshidibu bafula, bua kukuenzela natshi bibi, katshiakukuenzela bualu to. Padi muntu musue kukufunda kudi bandumbulula, wewe neumupishishe. Ke tshindi ngenzela bena mudimu banyi bonsu. Ndi mbalama, mbambuluisha bua batshimune baluishi babu. Meme Maweja-Nangila, ndi ngamba nanku.”

Yeshaya 4:1

Dituku adi, bakaji muanda mutekete nebafuilakane mulume umue, bamba ne: “Kuditatshishi bua kutudisha, nansha bua kutuvuadika. Tudi tulomba amu, bua tuikale bakaji bebe, katushadi bakaji bakamba katuyi ne bana!”

Yobe 19:3

Nukadi bamane kumpenda misangu nansha dikumi. Kanuena numvua bundu, ke panudi nuntatshisha nanku anyi?

Yobe 1:10

Wewe udi mumulame bimpe, ne diku diende ne bintu biende bionsu. Udi mumututshishe dikasa dimpe mu bintu biende bionsu. Bimuna biende mbitangidika ditunga dijima.

Lewitiki 26:26

Nenkepeshe biakudia, bakaji dikumi nebasangile ditshiwa dimue bua kuoshilamu mampa, bapeta muaba mukumbane. Nebanuabanyine tupese tua mampa tukese tukese, nudia kanuyi nukuta to.

Genese 20:6

Mvidi Mukulu kuambila kabidi Abimeleke mu tshilota atshi ne: — Ndi mumanye ne: udi muenze nanku kuyi mumanye bualu. Ke pandi mukukandike ne kulengi ewu mukaji, nansha ne tshianza mene; tshianana, udi untombokela.

Yobe 19:8

Mvidi Mukulu mmujike njila bua tshipitshi. Mmuntumine miidima bua nkebe njila wanyi mpange.

Genese 15:1

Malu onsu mamane kupita, Maweja-Nangila kumuenekela Abrame, umuambila ne: — Abrame, kutshinyi to! Ndi nebe, nenkulame ku njiwu yonsu, kabidi difutu diebe nedikale dinene.

Genese 29:25

Butshia dinda, Yakobe umona Leya, kukemaye bikole! Kukonkaye mansebende Labane ne: — Udi mungenzele nanku bua tshinyi? Mvua mukuenzele mudimu bua kusela Rakele. Kadi wandingi bua tshinyi?

Genese 30:28

Nanku ungambile anu difutu dindi mua kukufuta, nenkufute.

Genese 31:24

Butuku abu Mvidi Mukulu kumuenekela Labane muena Arame mu tshilota, umukandika ne: — Udimuke, kukengeshi Yakobe ku bualu nansha bumue.

Danyele 1:20

Pa malu onsu avua mukalenga ubakonka, avua atangila meji ne lungenyi, uvua ubasangana bapite misangu dikumi bena majimbu ne bena mbuku ba mu bukalenga buende.