Genese 29:1 - MUKANDA WA MYIDI MUKULU

¹ Yakobe kutungunuka ne luendu, kuya ku ditunga dia kudi diba dipatukila.

Mukanda wa Nzambi Dihungila Dikulukulu ne Dihungila Dihia-dihia 2003

¹ Yakoba wakaya ku luendu luandi wakateka ku buloba bua bantu ba ku esete.

Genese 29:1 交叉引用

Balombodi 6:3

Misangu yonsu ivua bena Izrayele bamane kukuna biakudia mu madimi, bavua bababunda mvita kudi bena Madiyane, bena Amaleke, ne kudi bantu balalakanyi bavua bafuma luseke ludi diba dipatukila.

Balombodi 6:33

Bena Madiyane, bena Amaleke, ne bantu balalakanyi bavua bafuma luseke ludi diba dipatukila, kudisangisha, kusabuka Yardene. Kuasabu mitanda yabu mu mpata wa Yizreyele.

Osheya 12:12

Bena Ngilaade, mbena buenzayi ba kalanda-musenga. Nebabutuke bonsu. Muaba wa tshijila wa ku Ngilgale, bavua balambula ngombe milume. Kadi, bilambuilu biabu, nebishale amu mishiki ya mabue mu madimi.

Muambi 9:7

Nenku udie biakudia biebe ne disanka, unue maluvu ebe ne musangelu, bualu Mvidi Mukulu mmumane kuanyisha biudi wenza.

Misambu 119:60

Tshiena njingakana bua kuenza tshiudi muambe.

Misambu 119:32

Ndi ndonda njila uudi ungambila, bualu udi munzulule lungenyi luanyi.

Dibadika 23:7

Balaame kuamba ne: “Balake, mukalenga wa bena Mowabe, mmumbikile, ku mikuna ya Arame ya ku luseke ludi diba dipatukila: ‘Balaame, ufike bua kukanyina, kutshipa mene bena Izrayele, ndelanganyi ya Yakobe!’

Balombodi 8:10

Zeba ne Salmuna bavua ku Karkore ne bena mvita babu, bavua bashale anu binunu dikumi ne bitanu. Ke bena mvita bavua bashale ba ku bantu balalakanyi bavua bafuma luseke ludi diba dipatukila. Bualu bena mvita bakuabu binunu lukama ne makumi abidi, bavua bamane kubashipa mu mvita.

Balombodi 7:12

Bena Madiyane, bena Amaleke, ne bantu balalakanyi bavua bafuma luseke ludi diba dipatukila, bavua bapasalala mu mpata bungi bu mpasu. Bivua ne tumelu tupite bungi, bu lusenga ludi ku muelelu wa mayi manene.

Genese 25:20

Izake mumane kukumbaja bidimu makumi anayi, kuselaye Rebeka, muana wa Betuyele, muena Arame, mufumine ku tshitupa tshia Mezopotamiya tshia ku mutu kua misulu. Rebeka uvua ne muanabu wa balume, dina diende Labane.

Genese 24:10

Muena mudimu awu kuangata tumelu dikumi tua mfumuende ne bionsu bivuaye mumone ne mbilenga. Bavua benda batangile mu tshimenga muvua Nahore musombe mu tshitupa tshia ku mutu kua misulu mu ditunga dia Mezopotamiya.

Genese 25:6

Patshivuaye ne muoyi, kupeshaye bana bavuaye mulele ne bakaji bakuabu, biabu bintu bia bumpianyi. Kadi kubumushaye mu ditunga divua Izake. Kubatumaye mu ditunga dia ku luseke ludi diba dipatukila.

Genese 35:1

Dituku dikuabu Mvidi Mukulu kuambila Yakobe ne: — Juka, uye kuasa ku Betele. Ungashileku tshilambuilu, bualu ke muaba umvua mukumuenekele pauvua unyema muanenu Esawu.

Genese 35:7

Yakobe kuashilamu Mvidi Mukulu tshilambuilu. Kutshinyika dina ne: Mvidi Mukulu wa mu Betele, bualu muaba awu ke uvua Mvidi Mukulu mumumuenekele diba divuaye unyema muanabu Esawu.