Genese 28:3 - MUKANDA WA MYIDI MUKULU

³ Mvidi Mukulu wa bukole buonsu akuele lupemba mu dibaka diebe. Ulele bana ba bungi, ushale nkambua wa bisamba bivule.

Mukanda wa Nzambi Dihungila Dikulukulu ne Dihungila Dihia-dihia 2003

³ Nzambi wa Bukole Buonso akusankishe akukumbashe, akuvuishe bana ba bungi bua wewe ulue tshisumbu tshinene tshia bantu,

Genese 28:3 交叉引用

Genese 48:3

Kuambilaye Yozefe ne: — Mvidi Mukulu wa bukole buonsu uvua mummuenekele ku Kenaane mu musoku wa Luze, mungele lupemba.

Genese 35:11

Kumuambila ne: — Ndi Mvidi Mukulu wa bukole buonsu. Utante, uvulangane, wikale nkambua wa bisamba bia bungi, bakalenga nebafume ku ndelanganyi yebe.

Genese 13:16

Nemvudije ndelanganyi yebe bungi budi muntu kayi mua kuyibala. Bu mudi muntu kayi mua kubala lusenga ludi pa buloba, ke mudibu kabayi mua kubala ndelanganyi yebe.

Genese 9:1

Mvidi Mukulu kuela Nowa ne bana bende lupemba wamba ne: “Tantayi, nuvu-langane buloba bujima.

Genese 1:28

Kubelaye lupemba, wamba ne: “Tantayi, nulelangane, nuvulangane buloba bujima. Nubukokeshe, nuikale bamfumu ba minyinyi ya mu mayi, nyunyi ya mulu, bimuna, bilandadi ne bionsu bidi pa buloba.”

Genese 43:14

Mvidi Mukulu wa bukole buonsu akaje muoyi wa muntu awu, bua anufuile luse, nupingane ne Binyamine, kabidi ne Shimeyone bonsu babidi kuneku. Kadi meme nkadi mumane kufuisha muananyi. Nenshale bu muntu uvua kayi mulele anyi?

Genese 41:52

Kuinyikaye muana muibidi ne: Efrayime, wamba ne: “Mvidi Mukulu mmumpe lulelu mu ditunga edi, dimvua musombe mu dikenga dinene.”

Genese 24:60

Baledi ba Rebeka kumuela lupemba, bamba ne: “Wewe muanetu wa bakaji, Ulele balume, ulele bakaji ba bungi. Ndelanganyi yebe inyenge bimenga bia bena lukuna bayi!”

Didimanyisha 21:22

Tshivua mumone nzubu wa Mvidi Mukulu mu tshimenga etshi to. Bualu Maweja-Nangila wa bukole buonsu, pamue ne Muana wa mukoku, badi nzubu watshi.

2 Korente 6:18

Meme nengikale Tatu wenu, nuenu nenuikale bana banyi ba balume ne ba bakaji. Ke mundi ngamba Meme Maweja-Nangila wa bukole buonsu.”

Misambu 127:3

Bana, ke tshiuma tshilelela tshia bena nzubu, ndifutu didi Maweja-Nangila ubapesha!

Ekesode 6:3

Meme ke Mvidi Mukulu wa bukole buonsu uvua mumuenekele Abrahame, Izake ne Yakobe. Kadi tshivua mubambile dina dianyi dia Maweja-Nangila to.

Misambu 127:1

Musambu wa bena ngendu udi mu mukanda wa misambu ya Shelomu. Padi Maweja-Nangila kayi muibake nzubu, bibaki badi batata tshianana. Yeye kayi mulame tshimenga, balami badi batshisha tshianana.

Genese 17:20

Kadi ndi ngitaba biudi ulomba bua Ismayele. Ndi mmuela lupemba, neatante, avulangane, nealele bakalenga dikumi ne babidi, neikale nkambua wa tshisamba tshinene.

Genese 26:4

Meme nemvudije ndelanganyi yebe bu mitotu ya kulu. Nempeshe ndelanganyi yebe ditunga dionsu edi. Kabidi mu dina dia ndelanganyi yebe, nengele bisamba bionsu bia pa buloba lupemba.

Genese 26:24

Butuku abu Maweja-Nangila kumumuenekela, umuambila ne: — Kutshinyi! Ndi Mvidi Mukulu wa tatuebe Abrahame. Ndi nebe. Nenkuele lupemba. Nemvudije ndelanganyi yebe, bualu mvua munange muntu wanyi Abrahame.

Genese 27:33

Izake mukana kumukuata kapia, kukonkaye ne: — Uvua muntuadile munyinyi wa nyama wa mu bulembi, wewe kuyi muanji kufika nnganyi? Ndi mumane kudia bivuaye mundambile. Mbamuedi lupemba. Neashale nalu kashidi.

Genese 48:4

Uvua mundaye ne: “Neulele bana ba bungi. Ndelanganyi yebe neivulangane, yenza bisamba bivule. Ditunga edi nedishale dienu kashidi.”

Genese 49:25

Mvidi Mukulu wa tatuebe udi ukuambuluisha. Mvidi Mukulu wa bukole buonsu udi ukuela lupemba. Neakupeteshe bintu bimpe padi mvula uloka. Akupeteshe mayi adi apatuka munda mua buloba. Ulele bana ba bungi, bimuna biebe bivulangane.

Ekesode 1:7

Pashishe ndelanganyi ya bena Izrayele kutanta, kuvulangana kupita bungi mu Ejipitu. Kushalabu bantu ba bukole.

Rute 2:4

Mutantshi unenga, Bowaze kufika, ufumine ku Betleyeme. Kuelaye banowi muoyi ne: — Maweja-Nangila ikale nenu! Bobu pabu kuandamuna ne: — Maweja-Nangila akuele lupemba.