Genese 27:29 - MUKANDA WA MYIDI MUKULU

²⁹ Bisamba bia bantu bikukuatshile mudimu. Bantu bonsu bakukukuile. Wikale mfumu wa bana benu, bana benu ba mamuebe bakukukuile. Muntu udi ukuela lupemba, nebamuele lupemba. Muntu udi ukukebela diakabi, neikale muena diakabi.”

Mukanda wa Nzambi Dihungila Dikulukulu ne Dihungila Dihia-dihia 2003

²⁹ bantu bakukuatshile mudimu, ne bisamba bia bantu bitue mpala hanshi ku mesu kuebe wikale mukelenge wa bana benu, bana ba mamu webe batue mpala hanshi ku mesu kuebe, muntu yonso udi ukuela mulau neadiele mulau muntu yonso udi ukuvudishila disanka, adivudishile disa nka.

Genese 27:29 交叉引用

Dibadika 24:9

Bena Izrayele kuzonzama, kulala panshi bu nyama ya ntambue. Udi mua kubajula ku bukole nnganyi? Izrayele, udi ukuela lupemba, bamuele pende! Udi ukutshipa, bamutshipe biende!

Genese 12:3

Bonsu badi bakuela lupemba, nembele. Kadi bonsu badi bakutshipa, nembatshipe. Nengele bisamba bionsu bia pa buloba lupemba bualu buebe.

Yeshaya 49:23

Bana bebe nebabadishe kudi bakalenga bakaji ba mu matunga. Nebabakoleshe kudi bakalenga ba matunga. Nebatue mpala panshi kumpala kuebe. Nebakunemeke, balaka lupuishi lua ku makasa ebe. Nenku neumanye, mundi Maweja-Nangila, mudi bonsu badi batekemena kundi kabayi bafue bundu musangu nansha umue.

Rome 9:12

Ke muvua Mvidi Mukulu uleja mudiye ukungula bantu mudiye musue. Udi ubasungula, ubabikila, kayi utangila bidibu benza.

Yeshaya 45:14

Izrayele, Maweja-Nangila udi ukuambila ne: tshionsu tshidi bena Ejipitu bapeta ku mudimu wabu, makasa adi bena Kushe, nansha bantu bale ba kafiondu ba mu Seba bapeta, bionsu ebi nebipitshile muebe, nebikale bintu biebe. Bantu aba nebakulonde, bamane kubasuika ne nkanu. Nebadiele panshi kumpala kuebe, bakutondela ne: “Mvidi Mukulu udi amu kuebe. Kena munga muaba to.”

Yeshaya 49:7

Maweja-Nangila, wa tshijila wa bena Izrayele, udi mudiangatshile mu bianza tshilumbu tshia tshisamba tshiende. Mpindiewu, wewe udibu bapepeja, udibu badiombola, udi mupika wa bakalenga ba tshikisu, Maweja-Nangila udi ukuambila ne: “Pamona bakalenga muudi mupatuke mu bupika, nebajuke mu nkuasa yabu. Balombodi ba matunga pamonabu, nebadiele panshi bua kukunemekela.” Nebaleje mudibu banemeka Maweja-Nangila, wa tshijila wa Izrayele. Bualu yeye uvua mukusungule, udi ukumbaja kabidi bivuaye mulaye.

Yeshaya 9:7

Maweja-Nangila uvua mulumbuluishe ndelanganyi ya Yakobe. Kupishaye bukalenga bua Izrayele.

Misambu 72:8

Mukalenga adie bumfumu ku mayi manene too ne ku makuabu, ku musulu wa Perate too ne ku ntengu ya buloba.

1 Bakalenga 22:47

ne mushindu uvuaye muipate balume ne bakaji bonsu bavua benda tshiendenda mu nzubu ya mvidie yabu bua kuyitendelela. Bavua bashala benza nanku nansha tshikondu tshia tatuende Asa.

Dibadika 23:8

Kadi bantu badi Mvidi Mukulu kayi mutshipe, mundi meme mua kubatshipa mbishi? Bantu badi Maweja-Nangila kayi mukanyine, mundi mua kubakanyina meme mmunyi?

Genese 37:7

Tuvua baye bonsu kunowa bia mu madimi. Tuvua tusuika bisumbu bia bikunyibua bivua ne ntete ya kuenza bukula. Diakamue tshisumbu tshianyi kubanduluka kuimana. Bisumbu bienu bionsu kutshiela munkatshi, bitshikukuila.

Genese 27:37

Izake kuandamuna Esawu ne: — Yakobe mmumane kushala mfumuebe. Bana benu bonsu nebikale bapika bende. Kabidi nkadi mumane kumupesha ntete ya kuenza bukula ne ya maluvu. Tshiena ne tshindi mua kukuenzela kabidi mpindiewu, muananyi.

Didimanyisha 19:16

Bavua bafunde pa muntumpu wende ne pa tshibelu tshiende dina diende ne: “Mukalenga mupite bakalenga bonsu, Mfumu mupite bamfumu bonsu.”

Matayi 25:45

Mukalenga neabandamune ne: “Ndi nnujadikila bulelela ne: bilenga bionsu binuvua kanuyi benzele umue wa ku bakese aba, ke meme mene unuvua babenge kubienzela.”

Matayi 25:40

Mukalenga neabandamune ne: “Ndi nnujadikila bulelela ne: bilenga bionsu binuvua benzele umue wa ku bana betu bakese aba, ke meme unuvua babienzele.”

Genese 25:33

Yakobe kuandamuna Esawu ne: — Nanku anji kuditshipa ne: Ndi mpesha Yakobe bumuanabute buanyi. Esawu kuditshipa, kusumbisha bumuanabute buende kudi muakunyende.

Genese 9:27

Mvidi Mukulu asankishe Yefete, ndelanganyi ya Yefete isombe mu nzubu ya ntenta ya bena Sheme; Kenaane ikale mupika wa Yefete!”

Genese 27:30

Izake wela Yakobe lupemba kujika. Anu Yakobe ulayangana ne tatuende, mukuluende Esawu ufika ufumina mu tshisuku ku dikebela tatuende nyama.

Genese 27:40

Neupete biakudia, amu wewe muluangana mvita, newikale mupika wa muakunyebe Yakobe. Kadi neudipikule amu nkayebe. Neutshibule mutshi wa mujuwu, uvuaye mukuambuishe ku bukole, neuwumushe pa nshingu.”

Genese 37:10

Yozefe kuawila kabidi tatuende tshilota atshi. Awu kumutandisha, wamba ne: — Atshi ntshilota kayi? Udi musue ne: meme, mamuebe ne bana benu bonsu tukutuile binu anyi?

Dibadika 24:18

Yeye neakuate ditunga dia Seyire, ditunga dia baluishi bende bena Edome. Bena Izrayele nebabatshimune.

Yeshaya 60:12

Kadi tshisamba tshionsu, nansha bukalenga buonsu, bidi bibenga kukuenzela mudimu, nebijimine. Bisamba abi nebibutuke.

Yeshaya 60:14

Bantu bavua bakukengesha, nebasemene kuudi, nebiname panshi. Bantu bonsu bavua bakulembakaje, nebadiele ku makasa ebe. Nebakuinyike ne: “Ke tshimenga tshia Maweja-Nangila”, “Ke Siyone musoku wa wa tshijila wa bena Izrayele.”