Genese 27:27 - MUKANDA WA MYIDI MUKULU

²⁷ Yakobe kupukila tatuende Izake. Izake, umvua mupuya wa bilamba bia muanende, kumuelaye lupemba, wamba ne “Mupuya wa muananyi wa balume, mmufuanangane ne mupuya wa budimi budi Maweja-Nangila mujingile diakalenga.

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Yeye wakasemena ha buihi, wakatuangana nʼandi mishiku, yeye wakanunkila muhuya wa bilulu biandi, wakamuvudishila disanka ne, Tangila, muhuya wa muanʼanyi udi bu muhuya wa budimi buakasankishibua kudi Yehowa,

Genese 27:27 交叉引用

Ebrewu 6:7

Padi mayi a mvula abuela mu buloba misangu ne misangu, buloba bumeneshila badi babudima biakudia bimpe, Mvidi Mukulu udi ubuela lupemba.

Misambu 65:10

Udi uditatshisha bua buloba, ulokesha mvula. Buloba budi bufuka, bukuama bimuma. Mvidi Mukulu, wewe udi uwuja misulu ne mayi tente, ulongoluela bantu maminu, wamenesha:

Genese 26:12

Tshidimu atshi, Izake kukuna biakudia mu ditunga adi. Maweja-Nangila kumusankisha. Izake kupeta bintu bipite bungi. Pa tshintu tshimue tshivuaye mukune, kupetaye lukama.

Ebrewu 11:20

Amu bua ditaba diende kabidi, Izake utata muele Yakobe ne Esawu lupemba, bua matuku atshivua kumpala.

Musambu wa Solomo 2:13

Bimuma bibishi bidi bidiunda ku mutshi wa mfiku. Mionji ya mvinyo idi yela bilongu, itangalaja dipembu diayi dimpe. Mulunda wanyi, juka lukasa! Munanga wanyi, katuye!

Genese 27:15

Rebeka kuangata kabidi bilamba bia Esawu muanabute bivua mu nzubu, kubivuadika Yakobe, muana muakunyi.

Genese 27:26

Ke Izake kuambila Yakobe ne: — Muananyi, semena apa, ungupukile!

Genese 48:10

Yakobe katshivua umona bimpe to, bualu ukavua muntu mukole. Yozefe kumusemejila bana pabuipi. Yakobe kubupukila,

Dielulula 33:13

Moshe kuela ndelanganyi ya Yozefe lupemba, wamba ne: “Maweja-Nangila mmuele ditunga dia Yozefe lupemba. Buloba buabu budi bupeta tshitalela tshia mu diulu, bupeta kabidi mayi adi afuma muinshi mua buloba.

Genese 27:39

Nanku Izake kumuambila ne: “Wewe kuakusomba mu ditunga didi ne biakudia bia bungi, nansha mu buloba budi dibungi dipite kubolesha.

Genese 48:15

Ke kuelaye Yozefe lupemba, wamba ne: Ndi ntendelela Mvidi Mukulu, uvua bankambua banyi, Abrahame ne Izake, bitabe, Ndi ntendelela Mvidi Mukulu, udi mundame too ne ku mpindiewu.