Genese 25:8 - MUKANDA WA MYIDI MUKULU

⁸ kutuilaye mu diakalenga, kulonda bankambua bende.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Abalahama wakahuola muoyo wandi, wakafua mununu, bidimu biandi biakakumbana bia bungi, ne yeye wakadisangisha ne bankambua bandi.

Genese 25:8 交叉引用

Genese 49:33

Amu Yakobe mumane kulayangana ne bana bende, kudiololaye pa bulalu, kufuaye, kulonda bankambua bende.

1 Kulondolola 29:28

Davide kufua mumane kukulakaja bikole. Uvua ne biuma kabidi ne lumu lupite. Muanende Shelomu kumupingana mu bukalenga.

Genese 15:15

Wewe neukole ukulakaja, ufua ne disanka ne ditalala, ulonda bankambua bebe.

Yobe 42:17

Yobe kufua, mulale panu muboboke.

Genese 25:17

Ismayele mumane kukumbaja bidimu lukama makumi asatu ne muanda mutekete, kulondaye bankambua bende mu lufu.

Bienzedi 13:36

Mu tshikondu tshiende, Davide mmukumbaje bivua Mvidi Mukulu musue. Pashishe kufuaye. Kumujikabu pabuipi ne bankambua bende, kubolaye.

Nsumuinu 20:29

Dikanda dia bansonga ke buimpe buabu. Lumu lua bantu banunu ke nsuki yabu mitoke.

Yobe 5:26

Neukulakaje bikole, neufue nebakujike, amu bu mudibu bapole ntete ya kuenza bukula padiyi ipia.

Balombodi 8:32

Ngideyone mumane kukulakaja bimpe, kufuaye. Kumujikabu mu lukita lua tatuende Yowashe, mu Ofra, musoku wa bena diku dia Abiyezere.

Genese 25:7

Abrahame mumane kukulakaja, mukumbaje bidimu lukama makumi muanda mutekete ne bitanu,

Bienzedi 5:10

Safira kudishinda diakamue ku makasa a Petro, kukula muoyi. Bansongalume kubuela, kumusangana mufue. Kumuambulabu, kuya kumujika pabuipi ne bayende.

Genese 49:29

Yakobe kuambila bana bende ne: — Nkadi nkeba kulonda bankambua banyi. Nunjike anu mu lubuebue ludi mu budimi bua Efrone, muena Iti, mu nkita ya bankambua banyi.

Bienzedi 12:23

Diakamue mutumibue wa Mvidi Mukulu kusamisha Erode, bualu uvua udikebela lumu luvua Mvidi Mukulu ne bua kupeta. Kubuelaye bikusu, kufua.

Bienzedi 5:5

Ananiyase umvua miaku eyi, kuponaye panshi, kufila. Bowa kukuata bantu bonsu bavua bumvua bualu ebu.

Yirmeya 6:11

Maweja-Nangila, tshiji tshikole tshiudi wewe natshi, meme kabidi ndi amu natshi. Tshiena kabidi ne mushindu wa kutshituyisha to. Tangalaja tshiji tshianyi atshi ne kudi bana badi mu misesu. Utshipumuine bansonga muaba udibu basangile. Batatu ne bamamu, bakulakaje ne bikunda, nebabakuate bonsu baye nabu mu bupika.

Balombodi 2:10

Pashishe bantu bonsu ba tshikondu tshia Yoshuwa kufua. Ndelanganyi yonsu ivua ilonda, kayivua mimanye Maweja-Nangila bimpe, kabidi kayivua mimanye bionsu bivuaye muenzele bena Izrayele.

Dibadika 27:13

Pawabandila ditunga adi, neufue, mufuile mukuluebe Arone, ulonda bankambua bebe.

Dibadika 20:24

— Arone kakufika mu ditunga dingapesha bena Izrayele nansha. Neafuile muaba ewu, bualu nuvua bantombokele ku mayi a Meriba.

Genese 35:18

Rakele ulela, kushala ukengakana ne lufu. Pa kukulaye muoyi, kuinyikaye muana awu ne: Benoni, mmumue ne: Makenga. Kadi Yakobe, tatuende kumuinyika ne: Binyamine, mmumue ne: Diboku dia bukole.

Genese 37:35

Bana bende ba balume ne bakaji kufika bua kumusamba. Yakobe kubenga, wamba ne: “Ndi ndila amu Yozefe too ne mungafua.” Ke muvua Yakobe mutungunuke ne madilu a muanende Yozefe nanku.

Dielulula 32:50

Pashishe neufuile pa mukuna apu, bua ulonde bankambua bebe. Ke muvua muanenu Arone mufuile pa mukuna wa Ore, mulonde bankambua bende.

Genese 50:13

Kuyabu ne tshitalu tshiende mu ditunga dia Kenaane. Kutshijikabu mu lubuebue luwa mu budimi bua Makpela, muaba uvua Abrahame musumbe kudi Efrone muena Iti, bua wikale wende wa kujika bafue. (Lubuebue alu luvua pabuipi ne Mambre.)

1 Kulondolola 23:1

Mukalenga Davide mumane kukulakaja, kusungulaye muanende wa balume Shelomu bua ikale mukalenga wa bena Izrayele.

2 Kulondolola 24:15

Mutuangaji Yoyada mumane kukulakaja bikole, kufuaye muikale ne bidimu lukama ne makumi asatu.