Genese 25:6 - MUKANDA WA MYIDI MUKULU

⁶ Patshivuaye ne muoyi, kupeshaye bana bavuaye mulele ne bakaji bakuabu, biabu bintu bia bumpianyi. Kadi kubumushaye mu ditunga divua Izake. Kubatumaye mu ditunga dia ku luseke ludi diba dipatukila.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Abalahama wakaha bana ba bakashi bandi bakuabo matabisha, wakabumusha kudi Isaka hakadiye ne muoyo, wakabatuma ku luseke lua ku esete.

Genese 25:6 交叉引用

Genese 21:14

Abrahame, kujuka dinda dionsu, kupesha Agare diampa ne kabulubulu tente ne mayi. Kumusuikaye muana panyima, umuambe ne: Ndaku. Agare uvua wenda ulalakana mu tshipela tshia Bersheba.

Balombodi 6:3

Misangu yonsu ivua bena Izrayele bamane kukuna biakudia mu madimi, bavua bababunda mvita kudi bena Madiyane, bena Amaleke, ne kudi bantu balalakanyi bavua bafuma luseke ludi diba dipatukila.

Bienzedi 14:17

Kadi uvua udimanyisha matuku onsu mu malu mimpe avuaye wenza: udi unulokeshila mvula, ubobesha bikunyibua mu tshikondu tshiabi, unupa biakudia, usankisha mioyi yenu.

Matayi 5:45

Nanku nenuikale bana ba Tatu wenu udi mu diulu, bualu Yeye udi ubandishila bantu babi ne bantu bimpe diba diende; kabidi udi utekesha mvula bua bantu bonsu, bua badi benza bimpe, ne bua badi benza bibi.

Yobe 1:3

Uvua ne mikoku binunu muanda mutekete, nyama ya tumelu binunu bisatu, nyama ya ngombe milume ne mikaji tshinunu, ya mpunde mikaji nkama itanu. Uvua kabidi ne bena mudimu bavule. Bantu bonsu bavua basombe ku luseke lua Palestine ludi diba dipatukila, amu yeye ke uvua mubapite ku bubanji ne ku biuma.

Yobe 1:1

Ku kale, mu ditunga dia Usa, muvua muntu dina diende, Yobe. Muntu ewu uvua unemeka Mvidi Mukulu, umuitaba, uvua muntu muimpe, mubenge malu mabi.

Balombodi 19:4

Kumulamaye ku nzubu kuende matuku asatu. Muena Levi awu ne muena mudimu wende kudia, kunua, kulala ku nzubu aku.

Genese 35:22

Pavua Yakobe musombe muaba awu, Rubene kubuelela Bila, mukaji mupika wa tatuende, mu nzubu. Yakobe kumanya bualu abu, kunyingalala bikole. Bana ba balume bonsu ba Yakobe bavua dikumi ne babidi.

Genese 32:22

Yakobe mumane kutumina Esawu milambu, kushalaye mulale muaba awu butuku abu.

Genese 25:1

Abrahame kusela mukaji mukuabu, dina diende Ketura.

Genese 16:3

Abrame mumane kusomba mu ditunga dia Kenaane bidimu dikumi, Sarayi kumupesha Agare bua ikale mukajende.

Genese 30:9

Leya umona ne lulelu luakoseki, kufilaye mupika wende Zilpa kudi Yakobe, bua ashale mukajende.

Genese 30:4

Rakele kufila Bila mupika wende kudi Yakobe, yeye kumuangata.

2 Kulondolola 11:21

Ku bakaji bende bonsu dikumi ne muanda mukulu, bana ba bakalenga, Robowame uvua mupite kunanga Maaka, muana wa Abishalome. Uvua musele kabidi bakaji bakuabu makumi asambombu, bavuaye mubanjije. Uvua ne bana ba balume makumi abidi ne muanda mukulu, ne bana ba bakaji makumi asambombu.

Genese 29:1

Yakobe kutungunuka ne luendu, kuya ku ditunga dia kudi diba dipatukila.