Genese 23:18 - MUKANDA WA MYIDI MUKULU

¹⁸ Bena Iti kujadikilabu bantu bonsu bavua ku tshibuelelu tshia tshimenga ne: muaba udi Abrahame musumbe washadi mu dina diende.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ bu buhianyi buandi ku mpala kua bana ba Hete ne kua bonso bakadi babuela mu musoko wandi.

Genese 23:18 交叉引用

Yirmeya 32:12

Meme kupesha Baruke, muana wa Neriya, ne muikulu wa Masheya, mikanda yonsu ibidi. Anameyele, muana wa tatu mukuabu, ne bantu bakuabu bavua batua tshiala ku mikanda ya disumba, bavua muaba awu, kabidi ne bena Yuda bakuabu bonsu bavua mu lupangu lua bena mvita balami ba mukalenga.

Rute 4:1

Bowaze kuya ku tshibuelelu tshia musoku, muaba udi bantu basombela bua kuyukidilangana. Kumonaye muanabu uvuaye muambe ne: ke udi mua kupiana Rute, upita mu njila. Bowaze kumuimanyika, kumubikila muaba uvuaye awu, wamba ne: — Muanetu, sombela apa. Awu kusomba.

Genese 34:20

Amore ne muanende Shekeme kuya ku tshibuelelu tshia tshimenga, muaba wa tshisombelu, kubikila bena ditunga, babambila ne:

Genese 10:15

Kenaane kulela bana ba balume babidi: Sidone muanabute, ne muakunyende Ete.

Genese 23:10

Efrone, muena Iti, uvua musombe munkatshi mua bana babu amu. Kuandamunaye Abrahame ne bena Iti bavua basombe ku tshibuelelu tshia tshimenga bonsu bateleja ne:

Genese 23:19

Pashishe, Abrahame kujika muena kuende mu lubuebue alu luvua mu budimi bua Makpela pabuipi ne Mambre, udibu babikila ne: Ebrone, mu ditunga dia Kenaane.

Genese 25:9

Bana bende Izake ne Ismayele kumujika mu lubuebue lua Makpela luvua pabuipi ne Mambre, mu budimi bua Efrone, muana wa Sohare, muena Iti.

Genese 34:24

Bena ditunga bonsu bavua muaba awu kuitaba bivua Amore ne muanende Shekeme bambe. Kutekabu bantu balume bonsu ba mu tshimenga atshi panshi.