Genese 19:28 - MUKANDA WA MYIDI MUKULU

²⁸ Utangila ditunga dijima dia Sodome ne Ngomore, kumonaye muinshi ubanda mulu bu wa tshikutu tshia kapia.

Mukanda wa Nzambi Dihungila Dikulukulu ne Dihungila Dihia-dihia 2003

²⁸ wakatangila ku luseke lua Sodoma ne Amola ne Mpata yonso, ne tangilai, muishi wakadi ubanda bu muishi wa tshikutu.

Genese 19:28 交叉引用

Didimanyisha 18:9

Bakalenga ba buloba, bavua benze nende malu a bundu, basanke pamue ne bubanji buende, nebadile, bele miyenga, pamonabu muinshi wa kapia kadi kosha tshimenga.

Didimanyisha 9:2

Mutotu unzulula kandondu, muinshi kupatukamu, mufuane wa mu tshikutu tshinene tshia kapia. Kufiikishawu diba ne kapepe.

Didimanyisha 21:8

Kadi bena bukata, bantu badi bavila Mvidi Mukulu, bamutombokela, bashipianganyi, benji ba malu a bundu, benji ba malu a majimbu, batendeledi ba nwidie, ne bena dishima bonsu, nebabele mu mayi manene atema kapia ka mvuanda. Mayi manene aa ke lufu luibidi.

Didimanyisha 18:18

Bavua bela bibingu, pavuabu bamona muinshi wa kapia kavua kosha tshimenga, bamba ne: “Kakuvua tshimenga tshifuanangane ne tshimenga tshinene etshi to!”

Yuda 1:7

Nuvuluke kabidi bimenga bia Sodome ne Ngomore, ne bikuabu bivua nabi mutumba. Bena bimenga abi bavua benza malu mabi, anu bu batumibue aba, bakeba kuenda buendenda ne bantu ba mushindu mukuabo. Badi babanyoka mpindiewu mu kapia ka kashidi, bua tshilejilu tshiabu tshidimuje bantu bonsu.

Didimanyisha 19:3

Kuambabu kabidi ne: “Aleluya! Tumbishayi Maweja-Nangila! Muinshi wa kapia kadi kosha tshimenga tshinene udi uya mulu kashidi.

2 Petro 2:7

Uvua musungidile Lote, muntu wa malu mimpe, uvua unyingalala bua malu mabi avua bantu bena buenzavi ba tshikondu tshiende benze.

Misambu 107:34

buloba bua bufuke buenza bua lusenga, pikala badi basombapu benza malu mabi.

Ekesode 19:18

Mukuna wa Sinayi uvua mufikisha kudi muinshi, bualu Maweja-Nangila uvua mupueke pa mukuna munkatshi mua muinshi wa kapia. Muinshi uvua ubanda bu tshikutu tshia kapia. Mukuna mujima kunyunga bikole.

Malaki 3:2

Kudi muntu washala ne muoyi pafikaye anyi? Kudi muntu washala muimane kulu pamuenekaye anyi? Yeye neikale bu kapia kadi kengulula tshiamu, bu nsabanga wa kusukula nende bilamba.