Genese 19:1 - MUKANDA WA MYIDI MUKULU

¹ Batumibue babidi kufikamu Sodome dilolu. Kusanganabu Lote musombe ku tshibuelelu tshia tshimenga. Lote ubamona, kujukaye bua kubakidila. Kuinyikaye mutu panshi, wamba ne:

Mukanda wa Nzambi Dihungila Dikulukulu ne Dihungila Dihia-dihia 2003

¹ Banjelo aba babidi bakafikaku Sodoma dilolo Lota wakadi ushikama ku tshibi tshia ku Sodoma. Lota wakabamona, wakabika bua kubakidila, wakabakukiula hanshi.

Genese 19:1 交叉引用

Genese 18:22

Benyi babidi kutungunuka ne luendu kuya ku Sodome. Kadi Maweja-Nangila kushala muaba uvua Abrahame.

Ebrewu 13:2

Nuvuluke ne: nudi ne bua kuakidila bimpe benyi badi bamvuila. Bualu bamue bavua benze nanku bavua bakidile batumibue ba Mvidi Mukulu kabayi bamanye.

Yobe 31:32

Muenyi kavua ulala pambelu musangu nansha umue. Ku mbelu kuanyi kuvua anu kunzuluila muena luendu yonsu.

Luke 17:28

Nebienzeke bu mu tshikondu tshia Lote: bantu bavua badia, banua, basumba, basumbisha bintu, bakuna, bibaka nzubu.

Genese 11:27

Ndelanganyi ya Tera, tatuende wa Abrame, wa Nahore ne wa Arane idi nunku: Arane kulela Lote.

Genese 18:16

Bantu abu kujuka batangile ku Sodome. Abrahame kuya kubashindikija.

Genese 19:2

— Bakalenga banyi, bu nuenu basue, kanupitshi to. Tuyayi ku mbelu. Nowa mayi ku makasa, nulale. Patshiabu dinda nenutungunuke ne luendu luenu. Bobu kuandamuna ne: — Tudi tulala anu pambelu muaba utudi ewu.

Genese 19:10

Kadi batumibue babidi kukoka Lote, kumubueja mu nzubu, kukanga tshiibi.

Misambu 69:12

Mvua muvuale bilamba bia madilu, bobu kunsaka mu misambu.

Genese 13:12

Abrame kushala mu ditunga dia Kenaane. Lote kuya kuasa mitanda yende mu bimenga bia mu mpata wa Yardene, wendakana ne bimuna biende too ne ku Sodome.

Genese 23:12

Abrahame kuinama panshi kumpala kua bonsu bavua muaba awu,

Genese 48:12

Yozefe kumbusha bana pambidi pa tatuende, kuinyikaye mutu panshi.

Rute 4:1

Bowaze kuya ku tshibuelelu tshia musoku, muaba udi bantu basombela bua kuyukidilangana. Kumonaye muanabu uvuaye muambe ne: ke udi mua kupiana Rute, upita mu njila. Bowaze kumuimanyika, kumubikila muaba uvuaye awu, wamba ne: — Muanetu, sombela apa. Awu kusomba.

Yobe 29:7

Pamvua nya mu tshimenga mu tshipangu tshia bakulu, mvua nsomba nabu ku tshibuelelu tshia tshimenga.