Genese 18:24 - MUKANDA WA MYIDI MUKULU

²⁴ Wewe musangane bantu bakane makumi atanu mu musoku awu, udi mua kufuilaku musoku mujima luse, bua kupandisha bantu aba makumi atanu, anyi udi ubutula musoku mujima?

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Bikala bantu bakane makumi atanu mu musoko, wewe neûshihe, kuena usungila musoko bualu bua bantu bakane makumi atanu badimu, anyi?

Genese 18:24 交叉引用

Yirmeya 5:1

Endakanayi misesu yonsu mu Yerushalayime. Nutangile bimpe, nukebulule. Nutangile mu bisalu bionsu. Nuenu bapete muntu nansha umue udi wenza malu mempe, udi musue kuikala muntu muakane, nuenu basangane muntu wa nanku, meme Maweja-Nangila nemfuile Yerushalayime luse.

Yeshaya 1:9

Kadi bu Maweja-Nangila muena bukole buonsu, kayi mupandishe kasumbu kakese ka bantu, tuvua mua kubutuka bu tshimenga tshia Sodome, tuvua mua kujimina bu tshimenga tshia Ngomore.

Genese 18:32

Abrahame ne: — Ndi ngakula musangu wa ndekelu, kufiki munda. Kadi wewe musangane bantu bakane anu dikumi? Maweja-Nangila kuandamuna ne: — Meme musangane bantu bakane anu dikumi, tshiakubutula tshimenga to.

Bienzedi 27:24

Kungambilaye ne: “Polu, kutshinyi to. Neumonangane ne Kezare. Bu mudi Mvidi Mukulu mukunange, neakupandishe ne bonsu baudi nabu mu majuwa emu.”

Genese 18:23

Abrahame kusemena kudiye, umukonka ne: — Maweja-Nangila, neubutule muntu muakane pamue ne muena tshibawu anyi?

Genese 18:25

Wewe kuena mua kuenza nanku, kuena mua kushipa muntu muakane pamue ne muena tshibawu. Abu bualu buyile kule. Bonsu babidi nebamueneke anu bu bena tshibawu. Wewe mukoshi wa nsambu munene wa buloba bujima, kuena mua kukosa nsambu bibi to.

Yobe 35:8

Bimpe nansha bibi biudi wenza, bidi biambuluisha nansha bikengesha anu bantu nebe.