Genese 15:13 - MUKANDA WA MYIDI MUKULU

¹³ Maweja-Nangila kuambila Abrame ne: — Umanye bimpe ne: ndelanganyi yebe neyisombe mu ditunga dia bende. Nebayikengeshe, ishale ku bupika bidimu nkama inayi.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Yehowa wakambila Abalama ne, Umanye biebe bimpe ne, Tunkanu nuina biebe nebikale bendakanyi mu buloba budi kabuyi buabo, netukuatshile bena buloba mudimu, nebatukengeshe to bidimu nkama mai,

Genese 15:13 交叉引用

Ekesode 1:11

Bena Ejipitu kusungula bamfumu ba mudimu bavua ne bua kuenzeja bena Izrayele mudimu mukole bua kubatekesha. Bena Izrayele kuashila Mukalenga wa bena Ejipitu tshimenga tshia Pitome ne tshia Ramsese bua balaminemu bintu biende.

Bienzedi 7:17

Matuku avua Mvidi Mukulu ne bua kukumbaja bivuaye mulaye Abrahame, tshisamba tshietu kutanta, kuvulangana mu Ejipitu.

Ngalate 3:17

Ndi musue kuamba ne: Mvidi Mukulu mmufue ndondu ne Abrahame, mumulaye ne: nendame ndondu wanyi ewu. Kupita bidimu nkama inayi ne makumi asatu, mikenji kushisha kufika ku bantu. Nanku mikenji eyi kayena mua kushipa ndondu ewu, nansha kunyanga dilaya dia Mvidi Mukulu.

Lewitiki 19:34

Kadi, nusombe nende bu muena ditunga. Numunange, munudi nudinanga. Nuvuluke ne: nuvua benyi mu ditunga dia Ejipitu. Meme ndi Maweja-Nangila Mvidi Mukulu wenu.

Genese 17:8

Ditunga edi dijima dia Kenaane diudi upitshila mpindiewu bu muenyi, nenkupeshadi kashidi. Nedishale bupianyi buebe ne bua ndelanganyi yebe. Meme nengikale Mvidi Mukulu wenu.

Dielulula 10:19

Nanku nuenu bena Izrayele, nunange bantu benyi badi munkatshi muenu. Bualu nuvua penu benyi mu ditunga dia Ejipitu.

Ekesode 23:9

“Kanukengeshi muenyi, bualu nudi bamanye dikenga diende, bu munuvua penu benyi mu ditunga dia Ejipitu.

Ekesode 22:21

Kanukengeshi bakaji bakamba nansha bana ba nshiya.

Genese 15:16

Amu tunkanunuina tuebe tua tshikondu tshinayi netupingane mu ditunga edi kashidi. Bualu nengipate bena Amore anu pambamona ne bubi buabu budi bukengela dinyoka.

Genese 47:4

Tudi bafike bua kusomba munemu, bualu ku Kenaane kudi tshiyole tshikole, tshiumisha too ne bisosa bia kudisha bimuna bietu. Nanku, anyisha bua tusombele mu Ngoshene.

Ekesode 1:13

Kubenzejabu mudimu wa bupika ne tshikisu tshipite bukole.

Ekesode 2:24

Mvidi Mukulu kumvua mikemu yabu, kuvuluka ndondu uvuaye mutue ne Abrahame, Izake ne Yakobe.

Ekesode 3:8

Ndi mufike bua kubasungidila kudi bena Ejipitu, kubumusha mu ditunga edi, kubabueja mu ditunga dialabale didi ne mabela ne buitshi bipite bungi. Ke ditunga didibu basombe mpindiewu kudi bena Kenaane, bena Iti, bena Amore, bena Perizi, bena Ivi ne bena Yebusa.

Ekesode 3:10

Nanku ndi nkutuma kudi mukalenga wa bena Ejipitu, bua uye kupatula bantu banyi bena Izrayele badi mukalenga awu mukuate ku bupika.

Ekesode 3:17

Ndi musue kunusungidila mu dikenga edi, kunumusha mu ditunga edi, kunubueja mu ditunga dia bena Kenaane, bena Iti, bena Amore, bena Perizi, bena Ivi ne bena Yebusa, ditunga didi ne mabela ne buitshi bipite bungi.”

Dielulula 5:15

Nuenu bena Izrayele mwuluke ne: nuvua ku bupika mu ditunga dia Ejipitu. Meme Maweja-Nangila Mvidi Mukulu wenu kunupatula ku bukole buanyi. Ke pandi nnukandika, bua kanuenji midimu dituku dia Dikisha.

Misambu 105:42

Bualu uvua muvuluke dilaya divuaye mubalaye, divuaye mulaye muntu wende Abrahame.

Ekesode 1:14

Bena Izrayele kusopa buloba kuenza madiotu, kudimina bena Ejipitu madimi. Mu tshikosu, bena Ejipitu kubenzeja midimu ya mishindu yonsu ne tshikisu.

Dibadika 20:15

Bankambua betu kale bavua baye mu Ejipitu. Tuetu kushalamu matuku a bungi. Kadi bena Ejipitu kutukengesha bikole, ne tuetu ne bankambua betu.