Genese 14:20 - MUKANDA WA MYIDI MUKULU

²⁰ Mvidi Mukulu muena kulu uvua mukuambuluishe bua wewe kutshimuna baluishi bebe atumbe! Abrame kulambula Melkisedeke tshia dikumi tshia bintu biende bionsu bivuaye munyenge mu mvita.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ ne Nzambi Mutambe Bunene wa mu Diulu, wakafua bena lukuna bebe mu tshianza tshiebe, atumbishibue Abalama wakamuha tshia dikumi tshia bintu bionso.

Genese 14:20 交叉引用

Genese 28:22

Dibue dindi muimanyike edi ndia tshijila. Nedikale nzubu wa Mvidi Mukulu. Nenkupingajile tshia dikumi tshimue tshia bintu bionsu biudi mumpeshe.

Malaki 3:10

Nanku nundambule mu nzubu wanyi tshia dikumi menemene tshia ku midimu inudi nukuata, bua biakudia bikale kashidi mu nzubu muanyi. Pa bualu ebu, nudi mua kunteta meme Mvidi Mukulu wa bukole buonsu, nenumone mundi nnunzuluila mayeba a mu diulu, nnuela lupemba, ndokesha mvula.

Luke 18:12

Meme ndi njila biakudia matuku abidi ku lumingu, nkulambula tshia dikumi tshia bintu bionsu bindi mpeta.”

Genese 24:27

wamba ne: — Ndi ngela Maweja-Nangila, Mvidi Mukulu wa mfumuanyi Abrahame, tuasakidila, bualu wakumbaji bionsu bivuaye mulaye mfumuanyi Abrahame. Maweja-Nangila mmungendeshe diakalenga mu njila mujima, mumfikishe anu mu diku dia mfumu wanyi Abrahame.

Efeze 1:3

Tutumbishayi Mvidi Mukulu, Tatu wa Mfumu wetu Yezu Kristu, tumuele tuasakidila! Bualu mmutuele lupemba mu Yezu Kristu, mmutupeshe kudiye mapa onsu a mu diulu.

Rome 15:16

dia meme kuikala muena mudimu wa Yezu Kristu bua bisamba bikuabu. Ndi nkumbaja mudimu wa tshijila wa mutuangaji ewu, pandi ndongesha Lumu lua Disanka lua Mvidi Mukulu, bua Mueyelu wa Tshijila ujidile bantu ba bisamba bikuabu, bikale bu mulambu udi ulengelela Mvidi Mukulu.

Malaki 3:8

Ndi nnuandamuna ne: ‘Panudi nudinga Mvidi Mukulu, nudi nuenza bimpe anyi? Kadi nuenu nudi amu nundinga!’ Nudi nunkonka ne: ‘Tudi tukudinga munyi?’ ‘Nudi nundinga mu tshia dikumi tshia binudi nupeta, ne mu milambu.

Amosa 4:4

Bena Izrayele, nudi nubuela mu nzubu wa kutendelela wa Betele, kadi nudi amu nuntombokela. Nudi nuya kutendelela ku Ngilgale, nuenza anu kuenza malu mabi. Nudi nufika, patshiatshia dinda, nulambula milambu yenu, dituku dibidi nufila tshia dikumi tshia bia pa madimi enu.

Misambu 144:1

Musambu wa mu mukanda wa misambu ya Davide. Ndi ngela Maweja-Nangila, Lubuebue luanyi tuasakidila, yeye ngudi undongesha mua kuluangana mvita.

Misambu 68:19

Udi ubanda pa mukuna wa Siyone ne bena mvita bavuaye mukuate. Bantu ne bavua bamutombokela, kumulambula milambu! Maweja-Nangila nease pa mukuna wa Siyone kashidi.

Misambu 44:3

Uvua mumuangeshe bantu ba bisamba bikuabu, bua kupa bantu bebe muaba wa kuasa. Uvua mukengeshe bisamba abi, bua bantu bebe bavulangane, basombe bimpe.

Nehemya 13:12

Nanku, bena Yuda kufika tshiakabidi ne tshia dikumi tshia ntete ya kuenza bukula, tshia mvinyo mupiamupia, ne tshia mafuta, bua batshiteke mu mayeba avuabu bamane kulongolola.

Nehemya 10:37

Netulambule kabidi banabute betu, ne banabute ba bimuna bietu mu nzubu wa Mvidi Mukulu. Ke mudi mukenji wamba. Banabute ba nyama ya ngombe, ya mikoku, ne bana ba mbuji yetu, netubifile mu nzubu wa Mvidi Mukulu, tubipesha batuangaji badi benza mudimu mu nzubu amu.

2 Kulondolola 31:12

bavua bateka misangu yonsu bintu abi, ne milambu mikuabu ya tshijila mu nzubu amu. Kusungulabu Konaniya, muena Levi, bua kuikalaye mulami wa bintu abi. Kusungulabu ne muanabu Shimeyi bua kumuambuluisha.

Yoshua 10:42

Kukuataye matunga aa. Kutshimunaye bakalenga abu anu musangu umue. Bualu Maweja-Nangila Mvidi Mukulu wa bena Izrayele nkayende ke uvua uluila bena Izrayele mvita.

Dielulula 14:28

Nanku ku bidimu bisatu bisatu, numushe tshia dikumi tshia bia mu madimi enu bia tshidimu atshi, nutshiteke mu bimenga bienu.

Dielulula 14:23

Pashishe nuye mu nzubu wa Maweja-Nangila Mvidi Mukulu wenu, muaba wikalaye musungule bua nuenu kumonangana nende, ne bua kulambulamu tshia dikumi tshia bintu ebi: ntete ya kuenza bukula, maluvu a mvinyo, mafuta, bamuanabute ba ngombe, ba mikoku ne ba mbuji. Ke munudi mua kulomba, munudi mua kunemeka kashidi Maweja-Nangila Mvidi Mukulu wenu.

Dielulula 12:17

Milambu yonsu inudi nulambula Maweja-Nangila: ya ntete ya kuenza bukula, ya maluvu, ya mafuta, ya bamuanabute ba bimuna bienu, ngombe, mikoku, mbuji, milambu ya budisuile ne ya mapiku, kanuena mua kudila bintu bia ku milambu ayi mu nzubu yenu to.

Dibadika 28:26

“Dituku dia tshibilu tshia kunowa Biatshianyi, panudi nundambula meme Maweja-Nangila biakudia bia tshianyi bia mu madimi enu, kanuenji mudimu to. Nudisangishe bua kuntendelela.

Genese 9:26

Kuambaye kabidi ne: “Bantu batumbishe Maweja-Nangila, Mvidi Mukulu wa Sheme! Kenaane ashale mupika wa Sheme!

Genese 14:21

Mukalenga wa bena Sodome kuambila Abrame ne: — Mpingajila meme bantu banyi, wewe ushale ne bintu.

Ekesode 18:10

Kuambaye ne: — Maweja-Nangila atumbe, bualu uvua mukuambuluishe, mukupatule mu tshinyangu tshia bena Ejipitu ne tshia mukalenga wabu.

Genese 47:24

Kadi, diba dia kunowa, nufile tshia bitanu tshimue tshia bintu abi kudi mukalenga wa bena Ejipitu. Biakudia bidi bishale mbienu. Nubilame bua maminu. Bikuabu nudie ne bena meku enu bonsu.

Genese 47:26

Yozefe kuela mukenji ne: tshia bitanu tshimue tshia biakudia, ntshia mukalenga wa bena Ejipitu. Mukenji ewu utshidiku too ne lelu. Anu madimi a batuangaji kaavua mu dina dia mukalenga wa bena Ejipitu to.

2 Samuele 18:28

Akimase, kayi muanji kufika, kuelaye mukalenga Davide diyi ne: — Malu onsu adi bimpe! Kudielaye mpala panshi kumpala kua mukalenga Davide, wamba ne: — Mukalenga, Maweja-Nangila Mvidi Mukulu atumbe, bualu yeye ke udi mufile mu bianza biebe baluishi bebe bavua bakutombokela.