Genese 14:15 - MUKANDA WA MYIDI MUKULU

¹⁵ Bafika ku Dane, Abrame kuabanya bantu bende mu bisumbu. Kuluanganabu ne baluishi babu butuku, kubapita bukole. Kubipatabu too ne ku Oba, luseke lua ku mutu kua Damase.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Abalama wakatahulula bantu bandi, wakatuangana nʼabo butuku, yeye ne bahika bandi bakabatamba bukole, wakabihata to ne ku Hoba, udi ku tshianza tshia bakashi tshia Damaseke.

Genese 14:15 交叉引用

Bienzedi 9:2

umulomba mikanda bua kuyaye kudileja nayi mu nzubu ya kutendelela ya bena Yuda ya mu tshimenga tshia Damase. Ne mikanda ayi, yeye musangane bantu, balume nansha bakaji, badi balonda Njila wa Mfumu, uvua mua kubakuata, kuya nabu ku Yerushalayime.

Misambu 112:5

Muntu udi uleja bakuabu luse, ubasombesha bintu, ulongolola malu ende mu buakane, udi wenza bimpe.

1 Bakalenga 15:18

Diba adi, Asa kupesha balombodi ba mu bukalenga buende tshiamu tshitoke tshia mushinga mukole, ne tshiamu tshia mapwungi, bivua bishala ne mu nzubu wa Mvidi Mukulu, ne mu nzubu wende wa bukalenga. Uvua mutume, balombodi ba mu bukalenga buende ku Damase ne bintu abi, bua baye kupesha mukalenga wa bena Siriya, Benadade, muana wa Tabrimone, kabidi muikulu wa Eziyone. Uvua mubatume kabidi bua bambila Benadade ne:

Dielulula 15:2

Mabanza awu nulekelangane mushindu ewu: padi tshidimu tshikumbana tshia kulekelangana mabanza mu dina dia Maweja-Nangila, bantu bonsu bavua basombesha bana babu makuta, kabena mua kunana makuta awu to. Kabidi muntu kena mua kutatshisha muanabu bua kufutaye dibanza adi to.

Bienzedi 9:8

Shawule kujuka panshi, utabala, kadi nanshaye kumona tshintu. Kumukuatabu ku tshianza, bua kumufikisha mu Damase.

Bienzedi 9:10

Mu Damase muvua mulongi mukuabu, dina diende Ananiyase. Mfumu kumumuenekela, kumubikila ne: — Ananiyase! Yeye kuandamuna ne: — Mfumu, ke meme ewu!

Genese 15:2

Abrame kumukonka ne: — Maweja-Nangila Mvidi Mukulu wanyi, neumfute tshinyi? Meme tshiena mulele muana.

Balombodi 7:16

Ngideyone kutapulula bena mvita nkama isatu ayi mu bisumbu bisatu. Kupeshaye muntu yonsu mpungi, mulondu wa munda mutupu, ne tshimunyi tshia kuteka munda mua mulondu amu.

Yeshaya 7:8

Bualu, Damase udi tshimenga tshikulu tshia bena Arame, Resine udi mukalenga amu wa bena Damase. Samariya udi tshimenga tshikulu tshia bena Efrayime, Peka udi mukalenga amu mu Samariya. Kadi nkushale amu bidimu makumi asambombu ne bitanu, bua tshisamba tshia bena Efrayime kubulukatshi.’ Panudi kanuyi nushindika muoyi wenu kudi Maweja-Nangila, kanuakuikala bantu bashindame to.”

Yeshaya 17:1

Badi bamanyisha malu adi atangila “Damase”. Nkushale amu matuku makese, Damase kakuikala kabidi tshimenga to. Bionsu bidimu nebibutuke.

Yirmeya 49:23

Bua bena Damase Maweja-Nangila udi wamba ne: Bena mu tshimenga tshia Amate ne tshia Arpade, nebakuatshike bowa bunene pumvuabu lumu lubi. Nebazakale kabayi bapeta dikisha.

Yezekiyele 27:18

Bena Damase batua basumba bintu biebe bia bungi bia mishindu ne mishindu. Bavua bakufuta malutu a mvinyo a mu ditunga dia Elbone, ne bilamba bia buoya bua nyama ya mu tshimenga tshia Sakare.

Yezekiyele 47:16

Pashishe mukalu udi upitshila ku bimenga bia Bereta ne Sibrayime, bidi pankatshi pa bukalenga bua Damase ne bua Amate, ne ku tshimenga tshia Ashere-Tikone pabuipi ne mukalu wa buloba bua Awurane.