Genese 14:14 - MUKANDA WA MYIDI MUKULU

¹⁴ Abrame umvua ne: mbakuate Lote, muana wa muanetu, kubikilaye biende bilobu nkama isatu dikumi ne muanda mukulu, bia mu diku diende. Kuipatshilabu bakalenga banayi abu too ne ku Dane.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Hakunvua Abalama lumu ne, Bakaya ne muanʼetu, yeye wakaya ne bahika bandi bakadiye mueyemene bakadi baledibue mu nsubu muandi, nkama isatu ne dikumi ne muanda mukulu, wakabihata to ne ku Dana.

Genese 14:14 交叉引用

Balombodi 18:29

Kushintululabu dina dia Layishe, divuabu binyika tshimenga atshi kale. Kutshinyikabu ne: Dane, dina dia nkambua wabu, muana wa Yakobe.

Genese 15:3

Bianyi bionsu nebabipiane anu kudi Eliyezere, muena Damase, udi wenza mudimu mu nzubu muanyi.

Muambi 2:7

Meme kusumba bapika balume ne bakaji, kusakidila ku bimvua mumane kuikala nabi. Mvua ne ngombe ne mikoku mivule, bipite bia bonsu bavua bandianjidile mu Yerushalayime.

Dielulula 34:1

Moshe kumuka mu mpata ya Mowabe, kubanda pa mukuna wa Nebo, ku lusongu lua Pisga, ludi luseke ludi diba dipatukila lua Yeriko. Maweja-Nangila kumuleja ditunga dia Kenaane dijima, kutuadijila ku ditunga dia Ngilaade too ne dia Dane,

Genese 17:27

Kutekabu bantu balume bonsu panshi, ne bapika bavuabu balelela mu nzubu muende, ne bavuaye musumbe ku matunga makuabu.

Genese 17:12

Bana benu ba balume bamane kukumbaja matuku muanda mukulu, badi ne bua kubateka panshi, nansha bapika badibu balelela muebe, nansha bapika benyi baudi musumbe, badi kabayi ba mu diku diebe.

Genese 12:5

Kuyaye ne mukajende Sarayi, ne Lote muana wa muanabu, kabidi ne bapika bavuaye musumbe mu Arane ne bintu bionsu. Kuyabu mu ditunga dia Kenaane. Bobu bamane kufika mu ditunga dia Kenaane,

1 Yone 2:18

Bana banyi, nshikidilu ukadi pabuipi! Nukadi bumvue ne: Muluishi wa Kristu neafike. Kadi mpindiewu baluishi bavule ba Kristu bakadi bapatuke. Ke patudi bamanye ne: nshikidilu ukadi pabuipi.

Misambu 68:12

Maweja-Nangila udi wamba amu muaku umue. Bakaji kabayi kubala badi baya kuambila bantu ne:

Balombodi 20:1

Bena Izrayele bonsu kumvuangana ne muoyi umue, kudisangisha ku Mispa, muaba udi Maweja-Nangila. Bivua bafume ku nseke yonsu, biangatshile ku Dane, ku mutu mu ditunga, too ne ku Bersheba, kuinshi mu ditunga. Bakuabu bavua bafume kabidi ku ditunga dia Ngilaade, didi luseke ludi diba dipatukila lua Yardene.

Genese 23:6

— Mukalenga, Mvidi Mukulu mmukuele lupemba, suaku ututeleje. Ujike mukajebe mu lukita luakane lua ku nkita yetu. Muntu wa kutudi nansha umue kena mua kukupala lukita luende bua ujike muena kuebe to.

Genese 18:19

Ndi mumusungule bua alongeshe bana bende ne ndelanganyi yende mikenji yanyi, bua babikumbaje bikale bantu bakane. Bobu bakumbaje bionsu ebi, meme Maweja-Nangila nengenzele Abrahame bionsu bindi mumulaye.

Genese 13:8

Abrame kuambila Lote ne: — Katuena mua kutandangana nebe to. Bena mudimu bebe ne banyi kabena mua kutandangana to, bualu tudi bantu bamue.

Genese 12:16

Pashishe mukalenga kupesha Abrame bintu bia bungi mu dina dia Sarayi: mikoku, mbuji, ngombe, tumelu, nyama ya mpunde milume ne mikaji, bapika balume ne bakaji.

Nsumuinu 17:17

Mulunda muimpe neakuambuluishe mu malu onsu. Muanetu udi pamue nanyi mu dikenga dionsu.

Genese 14:12

Bu muvua Lote, muana wa muanabu ne Abrame, musombe mu Sodome, kumukuatabu pende ne bintu biende bionsu.

Genese 14:16

Abrame kunyenga bintu bionsu bivuabu banyema nabi. Kunyengaye kabidi ne Lote, muana wa muanabu ne bintu biende bionsu, pamue ne bakaji ne bena diende bonsu ba wabu bakuate.

Genese 17:23

Anu dituku adi, Abrahame kuteka muanende Ismayele panshi, kabidi ne bana ba balume bonsu bavua mu diku diende, too ne bapika bavuabu balele mu nzubu muende, ne bonsu bavuaye musumbe, bu muvua Mvidi Mukulu mumuambile.

1 Bakalenga 15:20

Benadade kuitaba dilomba dia Asa. Kutumaye bamfumu balombodi ba bena mvita bende bua kuluisha bimenga bia bena Izrayele. Bena mvita abu kukuata bimenga ebi: Yone, Dane, Abele-Bete-Maaka, buloba bua Kinerete, ne buloba bua Naftali buvua bushala.

Yirmeya 41:12

Kuyabu ne bantu babu bua kuluisha Ishemayele. Kumukuatabu ku dijiba dinene dia mu Ngibone.

1 Samuele 30:19

Davide uvua musungidile bantu bonsu, bakulumpe ne bana, ba balume ne ba bakaji. Bintu biabu bionsu bivua anu katakata. Bionsu bivua baluishi bapawule, Davide kubipeta.