Filipe 2:14 - MUKANDA WA MYIDI MUKULU

¹⁴ Enzayi bionsu, kanuyi nudiabakena, kanuyi nutontolola.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Nuenze malu onso kanui ne ditontolola ne dielangana dia mpata;

Filipe 2:14 交叉引用

1 Petro 4:9

Nuakidilangane mu nzubu yenu, kanuyi nusodia.

1 Korente 10:10

Kanuena ne bua kujana Mvidi Mukulu, muvua bamue ba kudibu benze. Mutumibue, uvuabu batume ne lufu, kubashipa.

Filipe 2:3

Kanuenji bualu nansha bumue ne meji a lubabu, nansha a kuditemba patupu. Kadi nudipuekeshe kudi bakuabu. Muntu yonsu atangile bantu bakuabu bu badi bamupite.

Yakobe 5:9

Bana hetu, lekelayi kubipishangana, bua Mvidi Mukulu kayi unupisha. Mukoshi wa nsambu ukadi pabuipi, ukadi pa kumueneka!

Rome 12:18

Nuenze muenu muonsu bua nusombe ne bantu bonsu mu ditalala, bilondeshile munudi numona ne: tudi mua kuenza nanku.

1 Tesalonike 5:15

Enzayi muenu muonsu, bua muntu kapingajidi mukuende bubi ku bubi. Kadi nukebe diba dionsu munudi mua kuenzelangana bimpe, kuenzela kabidi ne bantu bakuabu bonsu bimpe.

Yakobe 1:20

Bualu muntu ne tshiji, kena wenza malu adi Mvidi Mukulu musue.

Ngalate 5:26

Kanuditambishi, katufikishanganyi munda, katutekedianganyi lubabu.

Ngalate 5:15

Kadi panudi nusumangana, nusunsulangana, bu nyama ya lonji, nudimuke, tshianana nenubutulangane.

Yakobe 3:14

Kadi padi muoyi wenu mumane kunyanguka ne lubabu, ne lungenyi lua difuilakana mianzu, kanuditambishi bua meji to. Kanushimi, kanuvidi malu adi malelela.

Rome 14:1

Nuakidile bimpe udi mutekete mu ditaba. Kanuedianganyi nende mpata, bua kupetula meji ende.

Misambu 106:25

Kununganabu mu ntenta yabu, kubengabu kuteleja tshivua Mvidi Mukulu wamba.

Yuda 1:16

Bantu aba kabena baleja disanka dituku nansha dimue, badi batontolodi ba kashidi. Badi benza malu amu mudi nkuka yabu. Badi bakula ne dipetu, balabidila bantu bua kupeta bintu.

1 Petro 3:11

Abenge malu mabi, enze malu mimpe. Asombe talalaa ne bantu bonsu, kayi upungila.

Ebrewu 12:14

Nudikolele bua numvuangane bimpe ne bantu bonsu. Nuikale bantu ba tshijila. Bualu kanuyi nuenza nanku, kanuena mua kumona Mfumu to.

Rome 16:17

Bana hetu, ndi nnulomba ne: nudimukile bantu badi bajula ditapulukangana, bakeba kupambula bena ditaba mu njila, babenga bivuabu banulongeshe. Numuke kudi bantu ba nanku.

Bienzedi 15:2

Kadi Polu ne Barnabase kubenga bivuabu balongesha abi, kuelangana nabu mpata bikole pa bualu abu. Ke bena ditaba kushindika ne: tutume Polu ne Barnabase, ne bantu bakuabu ba mu Antiyokiya, ku Yerushalayime, kudi bapostolu ne bakulu, bua batangile tshilumbu etshi.

Bienzedi 6:1

Matuku makese apita, bu muvua bungi bua balongi buvulangana, bena Yuda bavua bakula tshiena ngreke, kujana bena Yuda ba mu ditunga. Bavua bamba ne: bena ditunga badi balengulula bakamba betu, padibu bababanyina biakudia ku dituku ku dituku.

1 Tesalonike 5:13

Nubanange, nubangate ne mushinga, bualu bua mudimu udibu bakuata munkatshi muenu. Nulame kabidi bupole munkatshi muenu.

Dibadika 14:27

— Bantu babi aba nebangele mpata kashidi anyi? Ndi mumvue mudibu banjane.

2 Korente 12:20

Ndi ntshina ne: pangafika, tshiakunusangana mushindu undi musue. Tshiyi munusangane nanku, nuenu kabidi kanuakunsangana mushindu unudi basue. Bumue nensangane amu mvita ne lubabu, tshiji ne difuilakana dia mianzu, bipendu ne buakulavi, ditambisha ne buenzavi. Ke tshindi ntshina.

Bienzedi 15:39

Polu ne Barnabase kutandangana bikole, kushiyangana. Barnabase kuangata Marke, kubuela nende mu majuwa, kuya ku Shipre.

Bienzedi 15:7

Bamane kuelangana meji mukungulu mule, Petro kujuka, kubambila ne: — Bana betu, nudi bamanye ne: kukadi matuku a bungi, Mvidi Mukulu mmunsungule munkatshi muenu, bua meme kumanyisha bantu ba bisamba bikuabu Lumu lua Disanka, bua balumvue, bitabe Yezu.

Marke 14:5

Bavua mua kuapana ku mushinga mupite ku nkanu nkama isatu ya tshiamu tshitoke tshia mushinga mukole, bua kumona mua kupesha bapele. Bavua badiwula mukaji ewu bikole.

Matayi 20:11

Kadi, bamane kupeta difutu diabu, kutontololabu bivua muena budimi bua nwinyo muenze,

Nsumuinu 13:10

Diditambisha didi dikeba matandu. Muntu udi uteleja mibelu udi ne meji.

Marke 9:14

Padibu bafika pamue ne balongi bakuabu, kumonabu babela munkatshi kudi bantu bavule, balongeshi ba mikenji bavua belangana nabu mpata.

Luke 5:30

Baparushe ne balongeshi ba mikenji ba mu tshisumbu tshiabu kubinduluka, bakonka balongi ba Yezu ne: — Nuenu nudi nudia, nunua ne balambuishi, kabidi ne bantu bakuabu ba lumu lubi, bua tshinyi?