Ezela 1:3 - MUKANDA WA MYIDI MUKULU

³ Nanku, bantu bonsu bena tshisamba tshia Maweja-Nangila badi munkatshi muenu, bapingane mu Yerushalayime, mu ditunga dia Yuda, bua kuibakululamu nzubu wa Maweja-Nangila Mvidi Mukulu wa Izrayele, udibu batendelela mu Yerushalayime. Nanku Mvidi Mukulu wabu abambuluishe!

Mukanda wa Nzambi Dihungila Dikulukulu ne Dihungila Dihia-dihia 2003

³ Nzambi ikale ne yonso wa bantu bandi bonso udi munkatshi muenu, aye ku Yelushalema mu buloba bua Yuda, bua kuashila Yehowa, Nzambi wa Isalele, nsubu, bua yeye udi Nzambi udi mushikame mu Yelushalema.

Ezela 1:3 交叉引用

Danyele 6:26

Matuku apita, mukalenga wa bakalenga kutumina bantu ba matunga onsu, ba bisamba bionsu, ba miakulu yonsu, badi basomba pa buloba bujima, mukanda ubambila ne: “Ndi nnujingila ditalala dijima!

Yirmeya 10:10

Kadi, Maweja-Nangila udi Mvidi Mukulu mulelela. Udi Mvidi Mukulu wa muoyi ne mukalenga wa kashidi. Padiye ne tshiji, buloba budi buzakala. Padiye mufike munda, bisamba bia bantu kabiena mua kumutuila nkanana.

Bienzedi 10:36

Nudi bamanye Lumu lua Disanka ludi Mvidi Mukulu mumanyishe bena Izrayele. mMubambile ne: nenupete bupole kudi Yezu Kristu, Mfumu wa bantu bonsu.

Matayi 28:20

Nubalongesha kabidi mua kukumbaja bionsu bimvua munuambile. Manyayi ne: Meme nengikale nenu matuku onsu, too ne ku ndekelu kua bidimu.

Yeshaya 45:5

Maweja-Nangila ke meme, kakuena mukuabu to. Kakuena Mvidi Mukulu mukuabu, amu meme. Kuena mummanye to. Kadi ndi nkuangata ku mudimu.

Yoshua 1:9

Ndi mumane kukuambila ne: kolesha muoyi, kutshinyi, kuzakadi, kutekeshi mu maboku. Bualu meme, Maweja-Nangila Mvidi Mukulu webe, nengikale nebe konsu kuudi uya.

Dielulula 32:31

Kadi baluishi ba bena Izrayele mene mbamanye ne: mvidie yabu idi ibalama kayena ne bukole, bu bua Mvidi Mukulu wa bena Izrayele to.

Danyele 2:47

Pashishe mukalenga kuambila Daniyele ne: — Bulelela, Mvidi Mukulu webe udi munene mupite mvidie yonsu, udi mfumu wa bakalenga. Yeye nkayende udi umanyisha malu masokome, bualu wewe nkayebe uvua mua kuntanduila bualu ebu busokome.

Misambu 83:18

Bundu ne bowa bibakuate tshiendelele, ditekemena diabu dijimine, bafue menemene.

1 Kulondolola 28:20

Pashishe Davide kuamba kabidi ne: — Muananyi, kolesha muoyi, utantamane. Tuadija mudimu ewu. Kutshinyi, kuzakadi! Maweja-Nangila Mvidi Mukulu wanyi kena ukulekela to. Udi nebe, ubambuluisha too ne muwajikija mudimu ewu wa nzubu wende.

1 Bakalenga 8:23

wamba ne: — Maweja-Nangila Mvidi Mukulu wa bena Izrayele, kakuena Mvidi Mukulu mukuabu bu wewe, nansha mu diulu nansha pa buloba. Wewe udi ukumbaja ndondu uuvua mutue ne bena mudimu bebe. Wewe udi anu mubanange ne muoyi umue, padibu bakuitaba ne muoyi wabu mujima.

1 Bakalenga 18:39

Bena Izrayele bamone nanku, kutuabu mpala panshi bonsu. Pashishe, kutuadijabu kuela mbila ne: “Anu Maweja-Nangila ke Mvidi Mukulu mulelela. Anu Maweja-Nangila ke Mvidi Mukulu mulelela!”

Ezela 1:4

Miaba yonsu idi bena Izrayele basombe, bena ditunga bambuluishe bena Izrayele ne tshiamu tshia mpawungi, tshiamu tshitoke tshia mushinga mukole, ne bintu bikuabu, kabidi ne bimuna. Babapeshe kabidi ne milambu ya budisuile bua nzubu wa Mvidi Mukulu wa mu Yerushalayime.”

Ezela 5:3

Diakamue, Tatenayi, mulombodi wa buloba buvua luseke ludi diba dibuelela lua musulu wa Perate, Shetare-Boznayi, ne balombodi nabu, kuya kuebeja bavua bibaka nzubu wa Mvidi Mukulu ne: — Udi munutumine diyi dia kuibakulula nzubu wa Mvidi Mukulu, ne kubandisha bimana biende nnganyi?

Yeshaya 37:16

“Maweja-Nangila muena bukole buonsu, Mvidi Mukulu wa bena Izrayele, wewe udi usomba ku mutu kua bakerubine. Wewe nkayebe ke Mvidi Mukulu, mfumu wa makalenga onsu a pa buloba. Wewe ke udi mufuke diulu ne buloba.

Ezela 4:3

Kadi, Zerubabele, Yeshuwa, ne bamfumu bakuabu ba meku a bena Izrayele, kuandamuna ne: — Ki mbimpe bua nutuambuluishe bua kuibaka nzubu wa Mvidi Mukulu wetu to. Tuetu nkayetu tudi mua kumuibaka, bualu nzubu ewu neikale wa Maweja-Nangila Mvidi Mukulu wa bena Izrayele. Ke mudibu bambe kudi mukalenga Koreshe, mukalenga munene wa bena Persa.

Ezela 5:13

Kadi, Koreshe, mukalenga munene mumane kushala mu bukalenga mu Babilone tshidimu tshimue, kutumaye diyi bua bibakulule nzubu wa Mvidi Mukulu.

Ezela 6:7

Nuanyishe bua bena Yuda benzulule nzubu wa Mvidi Mukulu mudibu basue. Mulombodi wa bena Yuda ne bakulu babu, badi mua kuibakulula nzubu wa Mvidi Mukulu muaba wende wa kale.

Misambu 132:13

Bualu Maweja-Nangila uvua musungule Siyone, mujinge bua kuikalaye muaba wende wa kusomba.

Yeshaya 44:28

Ndi ngambila Koreshe ne: ‘Wewe ke mulami wa mikoku undi musungule. Wewe neukumbaje malu onsu, andi meme musue. Neutume diyi, bua bibakulule Yerushalayime, basulule nzubu wa Mvidi Mukulu.’ ”